صيف كام سعودي كام شات غرور كام شات غزل كام شات الوله شات حبي شات صوتي
روايه مجنونه - منتدى دمعـــة ولـــه

         :: مكتب توفير عمالة فى مصر للاتصال 00201003629993 (آخر رد :مايكول)       :: سورة الممتحنة من هي الممتحنة !!؟ (آخر رد :غلا)       :: تعرّف على الفرق بين الإضاءة البيضاء والإضاءة الصفراء (آخر رد :وردة الكويت)       :: المواد المختلفة في التصميم الداخلي والأثاث (آخر رد :وردة الكويت)       :: الزجاج وتطبيقاته في التصميم الداخلي (آخر رد :وردة الكويت)       :: مراحل تصنيع الزجاج (آخر رد :وردة الكويت)       :: مهم (آخر رد :دموع العشاق)       :: رحلتك للسياحة (آخر رد :wego)       :: ماهو فضل العمرة؟ (آخر رد :دمعة وله)       :: دعاء آخر ساعة من يوم الجمعة قصير (آخر رد :غلا)      

التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 
قريبا

بقلم :
قريبا
قريبا

العودة   منتدى دمعـــة ولـــه > المنتـديات الأدبيــــه > القصص والروايات - Stories and Novels Section

القصص والروايات - Stories and Novels Section يهتم بكتابة القصص والمقالات والروايات سواء منقولة أو مكتوبة

روايه مجنونه

أنسدحت على حافة سريري في حالة من الدمار الشامل جت امي وانا على غفلتن من نفسي .. - هو!! وشفيتس تسذا؟ وراتس ما انسدحتي زين؟ قومي

إضافة رد
 
أدوات الموضوع انواع عرض الموضوع
قديم 03-31-2007, 02:35 PM   #1


الصورة الرمزية القلب الطيب
القلب الطيب غير متواجد حالياً

بيانات اضافيه [ + ]
 رقم العضوية : 996
 تاريخ التسجيل :  Feb 2007
 أخر زيارة : 09-19-2007 (10:17 PM)
 المشاركات : 254 [ + ]
 التقييم :  10
لوني المفضل : Cadetblue
افتراضي روايه مجنونه



أنسدحت على حافة سريري في حالة من الدمار الشامل
جت امي وانا على غفلتن من نفسي ..

- هو!! وشفيتس تسذا؟
وراتس ما انسدحتي زين؟
قومي ضفي عمرتس لا يدخلتس براد..!

- يحوووووووول مااانيب ..
وين رجلتس بس أبيه

- وش تبين به الله لا يبيتس

- يحووووووول .. وش دخلتس عاد انتي
أبوي و أبيه بكلمة راس لازم يعني تعرفين
ياربي يا صبر ابوي عليتس

- اقول أها بس .. قومي صلحي لي فطيّر تراني ما كليت حبوبي
تسبدي عليها مرر

- طاايب << بدون نفس

قمت من سريري البرتقالي المخضّر ذا النقوش الورديه
المهم اني قمت .. وطلعت من غرفتي الكريستاليه
ومير ينطحني ابوي مع السيب ..

- قلت : هلاااااا وغلااااااا
<< مصلحه مهوب حبٍ له

- هلا بـ بنيتي الغاليه ..

( يا حبي له يموت فيني بس ما أعطيه وجه )
تعرفون شيبان هاليومين ما يصدقون على الله
<< ماتلاحظون اني فالتها مع الوالدين

المهم اني سلمت عليه .. وبارك لي بالنجووح
(( وش نجوحه؟ ))
أيه آسفه ما قلت لكم تراي نجحت
وتخرجت من معهد الرقص الشعبي
اختصاص هز كتوف ..

- قال ابووي : أيش تبغي يا حبيبتي يا شيري ..
هدية النجاح هادي السنه؟

<< ترا ابوي تقلب لكنته حجازيه اذا قام يدلعني

ظاهره عجزنا نحلها ونفسرها التفسير المنطقي
بس على كلام امي انها وراثه في العائله .. هما جدي يوم انه صغير يعني يوم انه كبر ابوي وهو أبو ابوي كان ينقلب لسانه أردني اذا جاء يدلع أبوي ..عاد هذا اللي صار لأبوي .. الله مير يخليه لي ,,

عوده لي ولأبوي في السيب الأحمر

ابوي :هاه يا شيري أيش قولتي يا حبيبتي؟

انا : والله مدري يبه .. اللي تبيه انا موافقه عليه الراي رايك

<< يالخبله ذا جواب الخطبه مهوب هناااا غلط غلط امسحي الرد

ديلييييييييييييييييييت


أنا : ايه يبه ابي هديتن سنعه تراني عاد متخرجه مهوب يعني زي كل أبو دايم تصفقني مية ريال خمسين اشتري بها عشاء وخمسين اشحن بها جوالي .. ما أمرح الليل الا وهي زد طارت كلهن

ابوي : يا كبدة ابوكي انتي .. لا تتضايقي يا قلبي ..
خلاص اطلبي .. تبغي خومسمايه ريال .. وإلا نروح لـ جده أم الرخاء والشده؟

انا : لالا يبه مالقيت الا جده المخيسه مابيهاا الله لا يبيها
انا ابي شي مدري وشلون قايل

ابوي : قولي .. ماراح ابخل عليكي

انا : ابغى .. بصراحه ..
أبغى أصير ايقونه

ابوي : طيب يا حبيبتي

<< والله الأبو الفلــه ..



...

,’
بعد عشر دقايق ما لقيت نفسي الا ووانا كذا ..

وانااااا استانس واقعد أهز رقبه ..
و أدخل في عالم الأيقونات .. من أوسع ابوابه ..

أول ما دخلت المدينه .. (( مدينة الأياقين )) << هي كذا اسمها عاد وش اسوي بعمري انا
أستقبلتني ذي الحلوه
وقالت : هلا وغلا بمن لفانا
حياتس الله يالكرز ..

انا : هو! وش دراتس عن اسمي؟
هي : أفااا وهل يخفى القمر .. أصلا أبوتس داقن يقول استقبلوا بنتي الليله ..

انا : ايييييه ... يا حليلكم والله انكم اجواد تعرفون تستقبلون
هي : هو وش قالوا لتس؟ اكيد حنا مثلنا مثلكم ..بس حنا فينا صفار شوي

أنا : ايه طيب اخلصي ورينا الرئيس حقكم
هي : ؟؟؟؟؟؟؟؟؟؟؟؟؟ خبله انتي؟ رئيسنا ذا شدييد ما يطلع الا في الشديد القوي
انا : احلاااااا .. من يكون عااد ..؟ ايقونه لا راح ولا جاء !
أبك ناديه بس

الرئيس : نعم يا ست كرز وش تبين؟؟ لتس خمس دقايق
انا : يا هوووووووووووووه وراك أحمر عاد يا كافي؟
الرئيس : اقول اخلصي راحت دقيقه
انا : أبد والله بس حبيت أشوفك .. خلا ص رح
<< وجه قوي

الرئيس : يا جنوووووود .. أمسكوها وحطوها تتعفن بالسجن واذا لزم الأمر أعدموها مره وحده

أنا :
الرئيس : لا خلّتس تدرين

أنا : آآآآآآآسفه خلاص ماتعودها
الوزير -003- : خلاص يا سيادة البيه المعظم .. خلها تذلف وش نبي بها وبعدين ابوها مرسلها تستانس يومين وترجع
الرئيس : طيب طيب ..

وطلعت منهم وانا مو مصدقه ..
و في طلعتي لقيت في حديقة الرئيس واحد يصيح وانا اجي عنده

انا : هو وش بلاك ؟؟ وش فيك تجاغر؟ << قااطه
: أنا حزين
انا : عاد انا قايله انك سعيد .. خابرتك حزين بس وش بلاك؟
هو : من يوم ما تخرجت وانا مالقيت لي وظيفه .. كل المنتديات ما تبيني .. يقولون وجهك يجيب الهم ..

انا : والله هم صادزين .. وجهك يقطع الخلفه .. بس عادي ان شاء الله بتلقى وظيفه في منتدى يجيب الهم .. لا تهتم

<< يقال لها تواسي الحين

المهم اني طلعت من البيت الرئاسي ..
و رحت لـ مرقص

عاد عشان أثبت جدارتي .. و أوريهم كيف انا سنعه
دخلت المرقص اللي ما شاء الله يجهر من كثر اللمبات الحمر والصفر ..
والقاهم يغنون ..
(( غنوا لحبيبي وقدموا له التهاني ))

وأجي وأقط في الحلبه مدري المسرح .. وانا اجيب شووطي
وارقص .. بكل الحركات اللي تعلمتها في المعهد


عاد انبهروا فيني

وقال صاحب الدي جي
انتي لازم تتوظفين فيذا ..واللي تبينه يصير
انا : لا والله اسمح لي .. بصراحه انا ما اقدر والا ودي
لله مير يسلمك ويعافيك

انا قلتها والا ما قلتها الا يوم قاموا يجغروون



انا : لا حوول وش هالمرقص اللي يضيق الصدر ..
منيب فاضيتن اراضيهم اقول بس .. مع السلامه

وانا اطلع مع الباب .. وجغيرهم واصلني عند الشارع

قعدت ادرعم .. وين اروح الحين ..
مالقيت الا اني أنادي ابووي يرجعني انسان ..
دبلوا تسبدي هالأيقونات ..
مغير يجغرون .. فيهم عاطفه زايده عن اللزوم ..

دقيت على ابوي بيجر ..
لأن المدينه مافيها جوالات توهم مابعد تطوروا ..
و جاء عاد ابوي على شكل ايقونه بعد
و خذاني وطلعنا .. ورجعنا للبيت

,,,,


ما سنتفاد من القصه :

1- لازم ترضى بواقعك وخلقتك ولا تتمادى في امنياتك
2- بر الوالدين من أهم الحاجات للإنسان
3- لا تختار تخصصات بايخه في دراستك واختار تخصص يخدم ويستفاد منه
4- كل الايقونات عاطفيه بزياده


وبس .. أتمنى اكون أعجبتكم بروايتي اللي مدري وش تبي
بس هذا تأثير معرض الكتاب

,’

منقول




الموضوع الأصلي: روايه مجنونه || الكاتب: القلب الطيب || المصدر:





v,hdi l[k,ki




v,hdi l[k,ki



 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية

Bookmark and Share


الساعة الآن 11:32 AM

converter url html by fahad

 



Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
منتديات دمعة وله - منتدى دمعة وله - دمعة وله - دردشه صوتيه - شات دمعة وله - شات صوتي - سعودي كام - شات بنت ابوي - شات دقات قلبي