( جنون عزوزز ) .

بافارقك .. لو كان ما اخترك فرقاك
بافارقك .. وآنا فرجوى وصالك

البعد لو به خير ما كان خلاك ؟؟
تقطع من عيون المحب اتصالك

ما اكثرك فالصده وفالوصل ما اشواك
الكبر لله .. ( لا يغرك جمالك ) !!



خليتني للبعد .. والبعد قسّاك
خلاك تنسى واحد" قد وفا لك ؟؟
سليت سيف الهجر ؟؟ كني من اعداك
وذبحت شوق الروح شاللي جرى لك
العام ما تصعب الى قلت بلقاك
واليوم من دون المواصيل هالك ؟؟
منت بردي .. حسبي على الوقت ردّاك
غير صفاك / وطيبتك / واعتدالك
حاولت نسيانك .. وعييت لا انساك ؟؟
لا جيت ابنسى .. ذيب صدري عوى لك
لو انك بترجع كثر ما آتمناك ؟؟
ما كان ذا حالي .. ولا ذا بحالك ؟؟
كثر الجفا وآنا أستغفر الله اشراك
حبك كفر بي .. لعنبو من صفا لك
خذاك مني البعد ما عاد بقاك ؟؟
لكن على قول المثل مش حالك
تدري وش اللي يقتل الشوق يا ذاك
لاني بولد عمك ولا ولد خالك ؟؟
الشوق برد .. ودافي الوصل لقياك
وثلج الجفا خرب طريق اللقا لك
علمتني حبك .. وعلمني انساك ؟؟
لو كان من دنياي .. مابه بدالك
تبغي تضيق خاطري جعله فداك ؟؟
مهوب انا اللي يعاتبك في حلالك
طلبتني قلبي وانا قلت لك .. جاك
والحين سو بخافقي ما بدا لك ؟؟

مال للغرام ذنوب .. لو شان او زان
مهما يكون الذنب .. حتى ولو ويش
يا للأسف .. ما هكذا الحب يا فلان
( أنت السبب لا صار فالبث تشويش )
اغليتك بقلبي .. وسويت لك شان !!
وحبيت فيك الجرح / والكذب / والطيش
حتى لو انك باير العهد .. خوان !!
للحين في طاريك ولآ اعرف ليش

ودي بوصلك .. وهجرك صرت اكرهه واخافه
وجعل ما ياتي لهجرك بعد ذا اللي صار سبه
لا تخلي صاحبك يمشي .. والى من حد شافه
قال .. يا عزي لحاله .. والله ان عاده يحبه !!

اللي غلاها في ( دمي ) يا جعل تبكيه العروق
حتى .. أسمها في ( فمي ) بآموت ما ناديتها
ما عادني للوصل والضحكه ولقياها شفوق
الله يسامح جرحها .. ويبيحها لا اطريتها !!

يا ليت حبك دمع .. وابكي له الليل
وانساااه قبل آنام .. وآنام واصحى
واصحى .. وانا ناسي جميع التفاصيل
من شوق ومعاتب وضحكا" ومزحا
سحابة همومي بصدري لها سيل
خلت ضلوعي مثل وديان رفحا

مستوحش من غيبتك قدلي(اسبوع)
يا حيف تنساني وانا ما اقدر انساك
وكل القضيه صوت دافي ومسموع
من عبر جوالك وانا اسمع حكاك
كني مابين اضلاعي العوج ملسوع
كل ما آتذكر يا المقفي سواياك
الهجر في سلم الاجاويد ممنوع
لكن صغير وعاذرك .. ويش دراك !!
قلبي لا كنه يا اريش العين ممزوع
مزعة قدم حافي وعاثر بالاشواك
من يوم ما قفيت والدمع ينبوع
كنه يتدفق من عيوني ويرجاك
لكن مشيت وصار لشداد مرفوع
ولا عاد بك حيله وقفت مطاياك
واصبحت كني خالي العقل مصروع
وجف الحكي من قبل لا انطق ولا جاك
شهيتني صوتك .. وجوعتني جوع
ويا حالة محبك .. ويا شين فرقاك
تحدني لقصاي واجي لك بطوع
وانا ما آحب اني احدك على اقصاك
وش ذنب من حبك يلاقيك دلوع
تخطي عليه وكل ما اخطيت مشاك
ما للخطايا منك ناتج ومجموع
سوى العذاب بخافق اللي تمناك
لكن على الله والامل غير مقطوع
في شوفت عيونك وفي لمس يمناك
من يوم غبت وكل ليله لي شموع
تذوب لين الفجر حتى تحراك
ابكي بدمع اللي لقى آخيه مصروع
ويصيح كنه يوم اناديك ناداك
فيني لحبك ارض واشجار وفروع
0تشبها بالطيش وآنا اتدفاك
باتقول لي وشفيك باقول موجوع
باتسبني من خاطرك باتفداك
الله خلقني انسان لكن لي طبوع
بس الوكاد انه عطاني ولا اعطاك
اني احس بغيبتك طول ( الاسبوع )
وانك على بالي ولا اقدر انساك !!

من أول آفز لا من صاح جوالي
واليوم لو صاح لين الفجر ما آشيله

كل ما اقرى لك رساله وسط صندوق الرسايل
ضاق بي حزن الفراق وهل دمعي كلبيه

يا عذابي كل ما حان المغيب
وارتسم لونه على لون السحاب
والهدو يطغى على الجو الرهيب
هاضني شوفه وشرع كل باب
واستثار الشوق جرح مستصيب
وغنت جروحي على ليلي عذاب
حولت بي كل هم من شعيب
واستباحت حرمة القلب المصاب
وقامت الذكرى على قلبي تجيب
الهموم اللي من اسباب الغياب
عزتي للي مفارق له حبيب
واحد قلبي معه من يوم غاب
لا ذكرته تنزل دموعي صبيب
من سبايب خاطر فالحب ذاب
صرت كني لاجي ولا غريب
دور الماء ما لقى غير السراب
العرب في سيب وآنا لي فسيب
ضاقت الدنيا بعيني والرحاب

الخطاياكل ماكانت من الغالي قوية..كل ماحست بنفس العاشق اللي ينجرحها.
ماعلي من الفراق اللي بلاذنب وخطية..ماشرحت أكثرجروحي كان شعري ماشرحها.
دمعة مرت على عيني قبل عيدالضحية..سبت اللي شاف دمعات العيون ولامسحها.
ماعلى المنديل غيرانه يخليهاخفية..ولاعلى القلب الكبيرالايغيب ويمتدحها.
والزعل من غيرسبة مايجي من حسن نية..منهواللي شاف غلطات الحبيب ولاسمحها.
جادل ماحست أني شاري رضاهاشرية..صكت أبواب الغرام اللي لهاقلبي فتحها.

صفحة العشق القديم وكل الأسرارالخفية..صفحة في الصدرطاويهاولاواحدصفحها.
قولواني مازعلت الاعلشان الخطية..والخطية عذرهامقبول عنداللي دمحها
.بين ملح العذرالأبيض وأنكسارالسكرية..منهواللي جاب سكرعذرهاولاملحها.
ومنهواللي عرض عذوق النخل للمهمهية..لين خلانخلة العشاق تزعل من بلحها.

لاتسافرلين تاخذدمعة الفرقاهدية..والفراق اللي جرحني لاتقول أنه جرحها.
كل ماجرت على الفرقالحون السامرية..خلهاتبكي على الشعرالقديم اللي مدحها
.يوم هجت من وجيه القوم طاحت في السرية..ماتحب اللي وراهاوأبتلت باللي نطحها.
ماخبرت أن الخوي يفرح على فرقاخوية..لين قالولي عن اللي تبتسم ليلة فرحها.
من هذاك اليوم والذمة من الذمة برية..خلهالوكنت خاسرهاولوغيري ربحها.