( جنون عزوزز ) .

وقف . . ! تعب صمتي وانا ارجي من اشفاك



كلمة تعال اللي بداخل كيانك








ابي ارتوي قبل انه الياس ياطاك



وآقف معك واروي معاك اضميانك








انا على باب الامل واقف هناك



ابي تعال تقولها في لسانك









ماعاد لي قدره على الصمت وياك





يكفي تحملته سكوتك عـــ شانك












قلها ترى اشفاهي قدم مبسم اشفاك



شوي واروى بمزةٍ من الـ ...........

حيلتي صمتي ولو طال السكوت



لاتقول وليه طال الصمت طال








الغلا اللي باني بقلبي بيوت



ماقدر آصف له ولاضرب له مثال








وانت تدري بس ماودك تفوت



فوت شَرف تالي العمر الزوال









بين ضلعان المحاني لك ثبوت



كالجبال الراسيه صعبه تزال

هنا كانت خطاويهـا تجـي بـاول وتـال الليـل
هنـا كانـت تجـي دايـم وتحظنهـا مدونـتـي

هنا كانت إلى ضاقت تجـي تقـرا هنـا التحليـل
هناكانـت تحـب تكـون شوكلاتـي وباونتـي

هنا هي لي حلى القهوه هنا هـي قمـة التحصيـل
هنا هي مولهمي شعـراً وهـي فعـلاً موجننتـي

هنا هي تدري انه هـي اسـاس الفعـل والتفعيـل
وهنا هي نور صفحاتي وتقول لـغيرها : من انتي؟

!!

*
*
تدري وش اصعب ماعلى الرجال لاصح الصحيح
انه تجيه اطعون من شخصٍ عزيز يقدره




وتدري وش اصعب لالفا للجمع في وجه فليح
وجت خنجرٍ بالغدر عن وجهه وغزت بظهره




خصوص لاصار ان فيه اصحاب قدمك ماتبيح
وخلفك يسنون الرماح ويظهرون المظمره

ياموطني ياللي شعارك راية التوحيد في راس العلم
واسم النبي المصطفـى مكتـوب بـه باليعربـي





على كتاب الله سبحانه وسنة النبـي خـط القلـم
في شرع ربي حاكمك يمشي وبالممشـى ادبـي





الله يابـلادي يحفظـك مـن مــدورة اللـمـم
ويحفظ بلاد المسلميـن مـن اختـلاف المذهبـي





الفرس قامت تطحـن والغـرب يشحذهـم همـم
لعبه رحاهـا تطحـن وعريبنـا تحبـي حبـي





احـد اشتغـل باعيـاده يقلـد لغـرب وماسلـم
واحدٍ يروح يـدور الطربـات شـرق ومغربـي





قلت همم كل العـرب والوضـع كاسيـه العتـم
ياخـوف قلبـي لايجـي باكـر وكـلٍ مختبـي





يالله ياربـي دخيلـك عـن متـاهـات الحـلـم
احدٍ يناظر فـوق واحـدٍ قاصـر ويدبـي دبـي

ياموطني جعل عزك ياوطن دايم
ورايتك دايم وهي بالعز مرفوعه


ياموطني لاتلوم العاشق الهايم
اترابك اطهر ابقاع الارض من نوعه

رفرفي ياكلمة التوحيد في راس العلم

ان كان تبغى تجي وتشوف مقدارك
حياك فك الضلوع وفوت في قلبي



لانك بقلبي ووسط القلب مدهالك
ولافيه غيرك يقفي بي ويقبل بي



واحلامك اللي تدور هناك في بالك
عندي تراها ياما قامت تطاولبي

تعالي اضمك والمك واودعك
بضمة غلا من بعدها كلمة افراق

دام القدر مستقبل العمر يمنعك
نبي انتوادع قبل مالروح تنساق



خلي لقانا باخره كلمتي معك
تروي ضما قلبٍ به الفيض رقراق



مقسومنا جبري على السْلمْ طوعك
ومقسومكي جبري على فراقنا ساق




واللي قدر مستقبل العمر يمنعك
يقدر يخلي دمنا له تترياق




لجل تسذا باودعك والتقي معك
بالحلم اكمل قصتي شوق وافراق

كان قلبي في مهب الانتظار
واحترق وانته كأنك مادريت


تطلبن واجتزت لك خط الحصار
وآصلك وتصد كنك مارأيت


ورغم هذا مالفى منك اعتذار
رحت كنك ماعلى محبك جنيت


كان غيري بالمكان اليوم صار
مد له فرشتك وادعث بالمبيت


ماتعودت ارتخي باية مسار
عزتي مابيعها مهما انكويت


والغرام اللي لفابك بالمدار
يجيب غيرك مثل ماليّه لفيت



ياخساره يوم قلبي معك طار
وياخساره يوم غيرك ماعطيت



لكن الدنيا بها دروسٍ كثار
وذا حديها درس مع ماضي كليت



والمصير اللي حدا قب المهار
باكر نعسفه مدام انك نويت



والمكان اللي مروري له اثار
الحفيظه فيك عده شي ميت



اوعدك لاطا على قلبٍ يغار
لو يموت القلب مايمه لفيت



الرجل يفهم وانا فهمي دمار
كان عدت بسكتٍ معها عطيت



وانت واصل شفني اخذت االقرار
ولابحقك يوم بالماضي خطيت



لكن الحين انتهى وماصار صار
كلمتك سهمٍ بصدري له رميت