| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
المشرفة المميزه |
قريبا |
بقلم :  |
قريبا |
قريبا |
|
|||||||
| القصص والروايات - Stories and Novels Section يهتم بكتابة القصص والمقالات والروايات سواء منقولة أو مكتوبة |
 |
|
|
أدوات الموضوع | انواع عرض الموضوع |
07-03-2006, 04:31 AM
|
#13 | |
|
مساكم الله بالخير والسرورو شخباركم حبايبي اليوم الجزء الرابع من قصتنا المليئه بالاحداث اتمنى يعجبكم
اعتذر عن تاخري بس صارت لي ضروف صحيه طارئه ارجو منكم السماح ********************* جت الامتحانات النهائيه للفصل الدراسي الاول وبدت امتحانات نوف وانشغلت شوي يعني مب مثل كل يوم صارت تكلم طلال لانها تقفل جوالها عشان تذاكر بس بينهم مسجات كانت اول ماتفتح جوالها تقراها وبعد ماتخلص امتحان ترد على مسجات طلال ....انتهت الامتحانات ونجحت نوف وبدت اجازة نص السنه والاجازة كم كانت مدتها؟؟ اسبوع بالنسبه لطلاب المدارس وطلاب الجامعه ما كانوا يداومون الا ثاني اسبوع يعني اسبوعين اجازة. نوف في اول اسبوع اجازة جو عمامها من الخبر يزورونهم ويشوفون جدهم وجدتهم الي هم جد وجدت نوف لابوها وكان راشد معاهم (ولدهم اكيد بيكون معاهم يافالحه) وصلوا يوم الخميس ويوم الاحد طلعوا يتمشون قالوا بنروح الثمامه وكانوا محتارين بين منتزه الديره والفانتزي لاند نوف والبنات كانوا بيروحون الفانتزي لانه احلى والشباب يبون الديره عشان امسيات الشعر الي هناك واخيرا قرروا وراحوا الفانتزي لاند كانت نوف تكلم طلال وتقوله... نوف:بنطلع اليوم طلال:وين نوف:الفانتزي لاند تجي؟؟عازمتك طلال  ماصدق خبر) ايه عشانك اجي نوف:اوكي حنا بنروح خلنا نشوفك هناك طلال:اوكي بس شلون اعرفك؟؟ نوف:دق علي واجيك طلال:اوكي نوف:صدق والله بتجي؟؟ طلال:ايه والله قلت لك عشانك بجي نوف:اجل اشوفك هناك اذا دقيت ولقيت الجوال مقفل ترا انا بكون لابسه عبايه عليها تطريز تنين بلون زهري وطرحتها مثلها ولابسه لثام طلال:اوكي بس نتقابل مب تخليني اجي وبعدين تسوين لي سالفه نوف:لاوالله تعال انت بس فعلا راحوا الفانتزي واخذوا اهل نوف وعمها شالهات ثنين جمب بعض وطلعوا البنات يتمشون ويلعبون راحت نوف واخوها فواز واختها ندى وبنت عمها هنادي للسباق الدبابات عشان يلعبون بس الحارس مارضى يخلي البنات يدخلون يقول ممنوع تلعبون نوف قالت:ليه كنا دايم نجي ونلعب عادي وش الفرق الحين؟؟؟ الحارس:عشان البنات لما يلعبون صارت عباياتهم تتعلق بالدباب ويتعورون وصارت لنا مشاكل بس نوف مثل ماقلت لكم عنيده تقول انا اجي هنا عشان الدبابات واخر شي مالعب لا والله الا بلعب المهم عطت الحارس فلوس عشان تلعب وفعلا دخلها ولعبت دق عليها طلال ولا انتبهت له بعدين راحت الشاليه ودقت عليه.. نوف:الو طلال:هلااااااا نوف:ترا مانتبهت انك داق الاقبل شوي طلال:حصل خير نوف:وينك؟؟ طلال:برا نوف:وين برا؟؟يعني جيت؟؟ طلال:ايه ماقلت لك بجي؟ نوف:وينك الحين بالضبط؟؟ طلال:برا عند السيكيورتي نوف:وليه ماتدخل ليش عنده؟ طلال:مب راضي يخليني ادخل نوف:!ليه؟!! طلال:يقول عوايل نوف:ايه اكيد عوايل انت مب جايب اهلك؟؟ طلال:وينهم اهلي؟ نوف:اخوانك وحريمهم وعيالهم ليش لا طلال:لا مابي اجيبهم نوف:ليه؟؟ طلال:مالي خلق لهم وبعدين بيستغربون نوف:الحين وش الحل؟؟ طلال:سلفيني خدامتكم اخذها وندخل عوايل نوف:هههههههههههههه من صدق تتكلم انت طلال:والله نوف:ترا انا الحين متخبيه بمطبخ الشاليه واخاف احد يجي بقفل الحين وبكلمك بعد شوي لاتدق لاني بخلي جوالي مع جدتي هي أأمن مكان محد يقدر يفتح جوالي وهو معاها طلال:طيب نوف:باي طلال:باي قفلت نوف وراحت تفكر شلون تشوفه؟؟فكرت بالخدامه بس شلون تاخذها ولو قالت الخدامه شي لامها خدامتهم ملسونه ماتسكت واذا هي طلعت شلون بترجع تدخل مره ثانيه؟؟!!ظلت محتاااره رجعت دقت على طلال.... نوف:ها مادبرت نفسك؟؟ طلال:لا لسه هذا انا جالس احاول مع الحارس نوف:ترا الساعه قربت 11 ونص ومادري متى نطلع طلال:انا جاي هنا من الساعه 9 ومب راضي يخليني ادخل انتي تعالي البوابه ودخليني نوف:صاحي انت وشلون ادخلك؟؟ طلال:خلاص يكفي اشوفك لو من ورا البوابه نوف:اوكي خلاص بجي وترا لابسه (ووصفت له ايش لابسه) لاتدق علي لحد ماوصل وادق انا عليك يمكن ماكون لحالي طلال:طيب حاولت نوف تروح وتشوفه بس اخوها التبن فواز مب راضي يخليها تروح مكان لوحدها الا وهو معاها قالت طلال انها ماقدرت وانهم الساعه 1ونص بيطلعون حست انه تضايق بس شنو بيدها هي تسويه الي قدرت عليه سوته قالها عادي خيرها بغيرها الجايات اكثر من الرايحات. رجع طلال وجلس بالسياره للساعه 1ونص. كانت نوف بالشاليه جالسه جمب عمها عبدالعزيز متضايقه انها ماقدرت تسوي شي عشان طلال تفكر وباين عليهاان بالها مشغول شوي الا يجون البنات الساعه 11ونص يلا نوف بنطلع طلعت نوف معاهم برا و ولعوا صواريخ قدام الشاليه حقهم وانبسطوا البنات والعيال شوي الا وحده من البنات تطلع ميني أي بود وتشغله بصوت عالي راحوا جمب الشاليه وصاروا البنات يرقصون ويستهبلون وجوا بنات من الشاليهات الي جمبهم ورقصوا معاهم شوي الا وحده تناظر لنوف وتقول لها: انتي بالجامعه معاي جامعة(ـــــــــــــ) قسم (ــــــــــــــ) صح؟؟ نوف استغربت قالت:ايه مين انتي؟؟ البنت:انا ماتعرفيني بس انا اشوفك كثير بالجامعه كل البنات يعرفونك حتى اسمك نوف صح؟ نوف: ايه صح طيب ارفعي النقاب عشان اشوفك يمكن اعرفك من شكلك البنت:اوكي شالت النقاب ها تعرفيني؟؟ نوف:أي مب انتي صديقه خوله الي تجلس على الطاوله الصفرا؟؟ (ما كان بالجامعه غير هالطاوله الي خوله وشلتها يجلسون فيها وباقي الطاولات لونها ابيض) خوله الي معاي بنفس محاظراتي؟؟ البنت:أي انا نوف:اهلين البنت:هلا بك رجعوا وخشوا جو مع البنات وهم يرقصون شوي الا ويجي راشد ويسحب نوف من ايدها ويطلعها لقدام الشاليه... نوف:خير وش فيك وش سويت انت تستهبل؟؟ راشد:لا ماستهبل انتي وش جالسه تسوين هناك؟؟ نوف:عادي حالي حال باقي البنات راشد:لا انتي لا خليهم هم بكيفهم يسون الي يبونه انتي لاتروحين لهم نوف:فشلتني قدام البنت صاحي انا اصلا مب قاعده اسوي شي غلط راشد:كل هذا ومب غلط؟؟؟؟ نوف:لا لو انه غلط جى عزوزي وقالي لاتسوين كذا انت مب ابوي او اخوي او عزوزي عشان تسوي كذا راشد:انتي بتسمعين كلامي والا شلون نوف:اف منك تراك مللتني انا بروح لعبدالعزيز واقوله هو بيتفاهم معاك ابعد عن وجهي(ودفت نوف راشد من كتفه وراحت الشاليه وهي معصبه) . راشد:احسن روحي داخل ************************** انتظروا الجديد في الجزء القادم من قصة نوف وطلال تصبحون على خير اختكم Crazygirl بايوووووو |
|
|
|
07-03-2006, 04:32 AM
|
#14 | |
|
وهي داخل مشت بسرعه وجلست جمب عمها عبدالعزيز ودخل راشد بعدها وجلس على الكرسي الي جمب الكنبه الكبيره الي جالسه فيها جدتهم وعمتهم الثانيه وصارت نوف من الحقد الي فيها تعطيه نظرات استحقار تناظره من فوق لتحت انتبه لها عمها عبدالعزيز حط ايده وراها ولمها له وقال لها:ايش فيك؟؟معصبه ليش انتي مو مع باقي البنات؟؟
نوف:مالي خلق عبدالعزيز:ليه مالك خلق غريبه رقص ووناسه وانتي تقولي مالك خلق؟ نوف:ايه مالي خلق لازم يعني اروح وانبسط معاهم ليه خلني هنا احسن (وتناظر راشد وهي تتكلم ) جايه انا اصلا عشان اظل هنا بالشاليه كن مالي رب مثل باقي البنات العب واستانس معاهم عبدالعزيز:هههههههههههه طيب لهدرجه متظايقه منه؟؟ نوف: هاه من مين؟؟ عبدالعزيز:الي جالسه تناظرين له باحتقار من دخلتوا نوف:اقول باي بطلع برا وطلعت نوف وارسلت مسج لطلال انها بتقفل جوالها لان راشد يدق عليها ويرسل لها مسجات يعتذر عن الي سواه وهي ماتبي تخلي جوالها مفتوح ارسلته المسج ودق عليها وقالها وش فيك؟؟ نوف:اقولك بعدين طلال:ليه مب الحين نوف:الي قلته بالمسج طلال:وهو منهو؟؟ نوف:راشد ولد عمي طلال:وهو وشدخله فيك؟؟ نوف: (قالت له السالفه كلها) طلال:وليه مايروح ويشوف خواته وش دخله هو مب كيفه نوف:وانا شدراني عنه الخايس هذا اف قال ايش يغار طلال:وانتي وين كنتي؟؟ نوف:كنت مع باقي البنات عادي طلال:وش تسون؟؟ نوف:كنا جمب الشاليه نرقص ونغني طلال:وانتي كنتي شايله الثام او لا؟؟ نوف:ايه اكيد طلال:وهو يشوف وجهك عادي؟ نوف:ايه عادي طلال:وش الي عادي صاحيه انتي والا تستهبلين؟؟ نوف:ليه عادي حنا مب متعودين نغطي عن بعض (قالها طلال محاظره عن الحلال والحرام) قفلت نوف بعد ماخلصت قالت جوالي شحنه بيخلص اكلمك بعدين باي طلال:باي وكملت نوف وقتها داخل الشاليه مع عمها وباقي الشباب بلوت وخلت جوالها مقفل لحد ماجت تطلع.... وطلال حرك سيارته ومشى طلع برا المنتزه ظل على طريق الثمامه....... نوف: انا بطلع الحين من البوابه الثانيه بوابة الشاليهات طلال:انا اصلا مشيت نوف:وينك الحين؟؟ طلال:صافط على طريق الثمامه نوف:ليه ماتروح البيت او أي مكان ترا برد برا مب زين لك تمرض طلال:لا مابي اروح مكان ابي اجلس هنا نوف:وش فيك؟؟ لايكون زعلت؟؟ وربي حاولت بس كل شي غصب عني طلال:لا عادي مب ايدك نوف:طلال امانه عشاني روح البيت وربي برد طلال:لا بجلس شوي هنا نوف:يعني شنو ماتبي ترجع؟؟ طلال:لا ابي اجلس هنا شوي نوف:وش تسوي؟؟ طلال:اتفرج على السيارات نوف:اوكي براحتك باي طلال:باي نوف:طلال؟؟؟ طلال:هلا نوف:لاتزعل !!! طلال:لا مب زعلان نوف:تصبح على خير طلال:وانتي من اهله .................................................. ................................. مرت الايام وابتدى الفصل الدراسي الثاني وكان تثقيل دم عليهم مر على نوف ثقيل من ناحية المواد الي تدرسها هالفصل مرررره صعبه وثقيل دم على طلال من ناحية الدوام وعلاقته بأمه.وبدت المشاكل الصغيره بين نوف وطلال صارت احيانا اذا بغت شي من طلال اما يكون جواله مقفل او مايرد تصير تدق اكثر من مره بس مافي رد وترسل مسجات ومايرد واحيانا هو اذا بغى نوف يلقى جوالها مقفل او مشغول ,,,,, تعبت نوف مرررره من الدراسه ومن المشاكل الي صارت بينها هي وطلال حسته متغير عليها بس ماسئلت وش فيه تقوله انت متغير يقول انا مب متغير انا مثل ما انا وكانت تطنش احيانا ............صارت مشكله بينهم وماكانت قادره تصدق عذره وكانت المشاكل تجيها من كل مكان بالبيت مع اخواتها واخوها فواز وبالجامعه مع البنات ومع طلال تغيرت كثير وفي يوم كان عندها موعد للطبيب راحت وهي من فتره تلاحظ عوارض عليها مثل بحت الصوت الي صارت واضحه للكل والي الكل يسئلها عنها حتى طلال لاحظ بس كان يقول عادي يمكن شي عادي ورجفت ايديها الي كانت تزيد من فتره لفتره وحتى ماكانت تقدر احيانا تتحكم فيها مثلا اذا شالت شي ثقيل شوي ترجف ايدها ويطيح كانت متضايقه من الي يصير معاها شافت الدكتور واخذ منها تحاليل وسوا لها فحوصات بعد اسبوعين طلعت نتيجة التحاليل طلع عندها ورم بالغده عرفت الخبر من هنا وزادت النفسيه من هناك قررت تسافر وتغير جو خاصه بعد ما شافت النتايج وبعد المشكله الكبيره الي صارت بينها وبين طلال,,,,,,, ياحزين القلب هونها وتــهون خــل باكـر يــفرجه رب كريم.. عيـش أيامك بلا هم وشجون ومامضى ياصاحبي عمر قديم.. ********************************** لاحظت ام نوف ان نوف مب على بعضها هالفتره ماتدري ليه صارت دايم تنادي نوف عشان تجلس معاها بس نوف كانت تجلس بغرفتها وماتطلع فكرت نوف تسافر تغير جو اول ماقالت لامها انها بتسافر ماعارظتها امها وعلى طول وافقة,,,,,,, ـــــــــــــــــــــــــــــــــــ انتظروا الجديد في الجزء القادم من قصة نوف وطلال تصبحون على خير اختكم Crazygirl بايوووووو |
|
|
|
|
07-05-2006, 02:53 AM
|
#15 | |
|
إدارة الموقع
|
اختي الغاليه Crazygirl..
يعطيك العافيه على هالابداع المميز بصراحه القصة اكثر من رائعه في انتظار المزيد من قصصك الممتعه لا تحرمينا جديدك لك مني كل الود |
|
|
|
|
07-18-2006, 04:40 AM
|
#16 | |
|
صبحكم الله بالخير حبايبي اليوم راح اكمل تنزيل باقي القصه دفعه وحده لاني يمكن مادخل النت مره ثانيه وانا عطيت الاعظاء وعد اني انزلها كل خميس بس اخاف ظروف ماتساعدني
بسم الله نبداء ـــــــــــــــــــــــــــــــــــــ اليوم الخميس الساعة 1ونص الظهر نوف وعمها مشعل بالمطار نادوا على الرحلة وقامت ركبت الطيارة وهي ساكتة,,,,,,,,, وصلت الطائرة إلى ارض المطار ونزلت نوف منها وجلست في صالة الانتظار إلى حين انتهاء إجراءات أوراقها وحين انتهت الأوراق مشت في ممر القادمين وفي نهايته كانت عمتها هيفاء وبنتها نوال وولدها عيسى ........ هيفاء:الحمد لله على السلامة تو مانورت الكويت نوف ساكتة وعمها مشعل يرد :الله يسلمك ومنورة بوجودك ... نوال تسأل نوف:شخبارك؟؟وايش فيك متغيرة كذا؟؟تعبانه فيك شي؟؟ نوف تناظر لنوال:اسكتي ترى مالي خلق أتكلم الحين خليني أريح أول وبعدين أقولك كل شي... نوال:طيب اوكيك بس لاتظربين(تقولها بمزح) مشعل:يلا اكملك الأخبار بس من أول ما نوصل البيت هيفاء: خير انشالله يلا نروح وهم بالسيارة نوف عينها ما نزلت من شباك السيارة تتأمل الناس إلي يمشون برا شوي إلا عمتها هيفاء تقول لها: نوف ترى أمك اليوم كلمتني وبلغتني بوصولكم وقالت لي ما تبي احد يدري انك وصلتي الكويت وين تبين تروحين؟؟ هيفاء:أي أمك تعرفين الناس وخرابيطهم مالها خلق سوالف قالت لي انك جايه على شان البحر.... نوف: أي يا عمه والي يسلمك أبي أروح البحر مابي أروح مكان غيره الكل استغرب بالعادة نوف أول متوصل على طول تفرفر بالأسواق والمجمعات بس هال مرة غير كل مره ليش؟؟الكل صار يسأل هيفاء:مجيب؟؟روح الشاليه...قصدها السواق وطول الطريق نوف ساكتة ما تكلمت وصلوا الشاليه أول ما وصلوا فتح لهم الحارس الباب ودخلت السيارة نزلت نوف من السيارة حست بشعور غريب أول مره تحسه حست بألم في معدتها . دخلوا الفيلا إلي بالشاليه جلسوا يسولفون ويضحكون ويأخذون أخبار بعض بعد ساعة من الوصول صار وقت العشاء راحوا تعشوا وخلصوا وبعدها جلسوا يشربون الشاي ولما خلصوا عمها مشعل قالها: نوف تبين تجلسين هنا؟؟وإلا تروحين بيت هيفاء؟؟ نوف:لا عمي بجلس ما بغى اطلع من هنا مشعل:طيب براحتك. طلع عمها مشعل وعمتها وراحوا البيت وظلت نوف ونوال بالشاليه و جى ولد عمتها خالد عشان يقعد معاهم طلعت نوف تتمشى على البحر و أول ما طلعت من الشاليه على البحر على طول كانت تمشي لحالها ما معاها احد مره تمشي ومره تقعد ومره تسولف للبحر ومره تسكت ومره تبكي ومره تضحك ,,,,تبكي إذا تذكرت إلي تحبه طلال تبكي من القهر إلي فيها ومن إلي صار بينهم ,,,,وتضحك إذا تذكرت صوته بإذنها تضحك لما تذكره لما يقولها يا عنيده,,, يا دبدوبه,,,, احبك ,,,,,يوووووووووووووه احبك؟؟من زمان ما سمعت هالكلمه منه ليه صار كذا معاها ليش؟؟ الله اكبر يا وليـفي بعد ما كـنت وين صار مالي في حياتك ولا موطئ قـدم ردني لك لا خلاص أنت روح والله يعين من علشانك يفض الجموع ويحتدم خلني لي و أوعدك في مقابيل السنين ما تمنى صعب..ولا اعشق..ولا أنصدم أنت ما قصرت يا لغالي وعذرك سمين وطول الله عمرك ولا خلا و لا عدم تسأل نفسها وقعدت تتذكر إلي صار معاها الفترة إلي راحت والي قلبت حياتها فوق حدر,,,,,في البداية نوف في يوم دقت على جوال طلال وكان مقفل قالت اوكي يمكن نايم أدق عليه بعدين ورجعت بعد كم ساعة ودقت ونفس الشي مقفل تليفونه استغربت؟؟قالت إذا قعد وفتح جواله بيشوف المكالمات إلي دقيتها عليه ويرجع هو يدق ....مر أول يوم وليله وهو تليفونه مقفل ثاني يوم جربت تدق وكمان نفس الشي مقفل تدخل على النت وتدور عليه بالمنتديات إلي مسجل فيها و بالشاتات إلي متعودة تلقاه فيها إذا بغت في شي وكانت تسأل الكل عنه بس ما حد يعرف عنه شي ظلت تقريبا 4 أيام وهي بالحالة هذي و الأفكار توديها وتجيبها وينه؟وشنو صار فيه؟و ليش ما يرد علي؟أكيد بيسحب علي ,,,أي هذي حركات الشباب اعرفهم فجئه!!!تذكرت انه كان يدق عليها من رقم ثاني إذا انفصل رقمه الأول كان يدق منه ,,وكانت تبي تدق عليه وتذكرت شي!!انه أيام الحج كان طالع مكة وكان معاه صديقه وفي الزحمة طاح جوال صديقه في المويه وخرب وعطاه طلال جواله الرقم الثاني إلي كان يدق منه في حالات الضرورة ,,,,,,خافت نوف تدق عليه بينها وبين نفسها تقول:شنو راح يقول عني صديقه لو دقيت وسئلت عنه منو أنا عشان أدق واسأل عنه؟؟راح أتفشل وراح أفشله معاي قدام صديقه....بعدين قالت لا ما في إلا هو وخلي يقول إلي يقوله المهم اعرف شي عن طلال ....ثاني يوم لما راحت الجامعة تجرأت نوف ودقت عليه وما رد أرسلت له مسج تقول فيه:قبل ما تبدءا تذكرت انه قال لها إن صديقي هذا مطوع أول شي كتبته بالرسالة السلام عليكم اخوي (وهي قبل متعودة تكتب صباح الخير أو مساء الخير أو مرحبا أو هاي)كتبت ها لمرة السلام عليكم اخوي لو سمحت بغيت اسئلك عن طلال ما شفته ما تدري عنه و ما تدري ليش مقفل جواله له فتره؟؟؟ يا ريت ترد علي وشكرا,,,,أرسلت المسج وشوي يجيلها اتصال من صديقه ردت نوف:الو نعم؟؟ صديق طلال:الو؟؟السلام عليكم نوف:وعليكم السلام صديق طلال:أختي أنتي إلي مرسله مسج تسألين فيه عن طلال نوف:وهي مخترعه منه!!!إي نعم رد هو: طلال ما غيره نوف:أي نعم وكملت وقالت اسم عيلته تدري عنه شي اخوي لي فتره أدور عليه وأدق على جواله مقفل وما يرد صديقه:لا والله أختي إنا مو موجود الحين في الدمام إنا الحين في إجازة وطالع برا الدمام نوف: طيب اخوي مشكور ويعطيك العافية أزعجتك معاي صديقه:أي خدمه أي شي ترى إنا جاهز نوف:يعطيك العافية بس إذا وصلك خبر عنه ياليت ترد لي خبر صديق: بسائل وبرد لك خبر انشالله الساعة 10 الضحى نوف:أي ياليت ترسله مسج صديقه:ابشري نوف:مع ألسلامه صديقه: مع ألسلامه وقفلت نوف الخط من صديقه وهي تحس براحه شوي أنها قدرت توصله وعرفت شلون تجيه . نوف دخلت المحاظره خلصت المحاظره وطلعت البريك وهي تفطر مع البنات صديقاتها وصلها مسج من صديقه يقول فيه السلام عليكم أختي أنا سئلت عن طلال و ما حد يعرف عنه شي بس انشالله خير .... رجعت البيت وهي بالها مشغول عليه و الأفكار تجيبها و توديها وكل ما دق جوالها فز قلبها على بالها هو إلي يدق بس للأسف ما يطلع هو وتزيد خيبت أملها وظلت يومين أو أكثر وهي مزعجه صديقه مسجات تبي تتطمن على طلال وهو ما قصر يسأل عنه ويرد لها خبر و إذا طول مارد تزيد شكوكها أرسلت له مره مسج تقول فيه:أمانه طلال فيه شي أو لا والي يخليك رد علي وطمني وربي انشغل بالي قولي إذا فيه شي و ريحني بس لا تخليني كذا يرد و عليها مسج:اطمنك طلال سئلت عنه وهو حيي يرزق و ما فيه إلا العافية بس يمكن مشغول وإلا شي اليوم إلي بعده طول ما هي بالجامعة وهي تدق والجوال مقفل ولما رجعت البيت على العصر تقريبا دقت ولقت الجوال مفتوح انبسطت حيييييييل قالت أخيرا فتح جواله ولما رد عليها قالت:الو ما حد رد عليها نوف:الو؟؟؟ إلي على الخط ساكت نوف: الوووووو؟؟؟ فجئه ردت عليها وحده قالت الو نوف:انفجعت منو هذي إلي ترد على جوال طلال سكتت و ما ردت شوي إلي يقفل الخط وترجع تدق وترد عليها نفس إلي ردت أول مره نوف ظلت تحاول تدق وتقول يمكن هو يرد ظلت ليله كاملة تدق ونفسها المرة هي إلي ترد ثاني يوم الصبح أول ما راحت الجامعة أرسلت مسج لصديقه تقول فيه:أنا البارح دقيت على جوال طلال وكان مفتوح بس مو هو إلي رد علي وحده مره ردت علي أنت وصلت خبر عنه ما تدري وش إلي يصير؟؟ على طول صديقه دق:قال البارح وحده إلي ردت عليك؟؟؟ نوف:أي وحده ردت علي صديقه:بس إلي اعرفه انه مو متزوج منو هذي؟؟ نوف:ما دري والي يخليك شوف لي وش السالفة صديقه:ابشري أختي بيجيك العلم اليوم نوف: مشكور يعطيك العافية مع السلامة صديقه :هلا حياك مع السلامة أبيك تشيل من قلبي معالم لوعة الحرمان أبيك توقف بصفي إذا وقتي تحداني أبيك الصاحب الوافي يحطني دايم بيمان أبيك العاشق المخلص يشافي دوم عطشاني أبي عطشك أبي قربك أبي حب كما البنيان أبي قلبا كبير لأملاه الشوق ناداني أبي اطلب طلب واحد رجيتك وهو المهم ألان وأنا ادري مستحيل ترفض لأنك جد تهواني أبيك تعيش في قلبي إذا تسمح مدى الأزمان أبيك تشوف ما تملك في قلبي وما تعداني ــــــــــــــــــــــــ |
|
|
|
|
07-18-2006, 04:41 AM
|
#17 | |
|
تسأل نفسها وقعدت تتذكر إلي صار معاها الفترة إلي راحت والي قلبت حياتها فوق حدر,,,,,في البداية نوف في يوم دقت على جوال طلال وكان مقفل قالت اوكي يمكن نايم أدق عليه بعدين ورجعت بعد كم ساعة ودقت ونفس الشي مقفل تليفونه استغربت؟؟قالت إذا قعد وفتح جواله بيشوف المكالمات إلي دقيتها عليه ويرجع هو يدق ....مر أول يوم وليله وهو تليفونه مقفل ثاني يوم جربت تدق وكمان نفس الشي مقفل تدخل على النت وتدور عليه بالمنتديات إلي مسجل فيها و بالشاتات إلي متعودة تلقاه فيها إذا بغت في شي وكانت تسأل الكل عنه بس ما حد يعرف عنه شي ظلت تقريبا 4 أيام وهي بالحالة هذي و الأفكار توديها وتجيبها وينه؟وشنو صار فيه؟و ليش ما يرد علي؟أكيد بيسحب علي ,,,أي هذي حركات الشباب اعرفهم فجئه!!!تذكرت انه كان يدق عليها من رقم ثاني إذا انفصل رقمه الأول كان يدق منه ,,وكانت تبي تدق عليه وتذكرت شي!!انه أيام الحج كان طالع مكة وكان معاه صديقه وفي الزحمة طاح جوال صديقه في المويه وخرب وعطاه طلال جواله الرقم الثاني إلي كان يدق منه في حالات الضرورة ,,,,,,خافت نوف تدق عليه بينها وبين نفسها تقول:شنو راح يقول عني صديقه لو دقيت وسئلت عنه منو أنا عشان أدق واسأل عنه؟؟راح أتفشل وراح أفشله معاي قدام صديقه....بعدين قالت لا ما في إلا هو وخلي يقول إلي يقوله المهم اعرف شي عن طلال ....ثاني يوم لما راحت الجامعة تجرأت نوف ودقت عليه وما رد أرسلت له مسج تقول فيه:قبل ما تبدءا تذكرت انه قال لها إن صديقي هذا مطوع أول شي كتبته بالرسالة السلام عليكم اخوي (وهي قبل متعودة تكتب صباح الخير أو مساء الخير أو مرحبا أو هاي)كتبت ها لمرة السلام عليكم اخوي لو سمحت بغيت اسئلك عن طلال ما شفته ما تدري عنه و ما تدري ليش مقفل جواله له فتره؟؟؟ يا ريت ترد علي وشكرا,,,,أرسلت المسج وشوي يجيلها اتصال من صديقه ردت
نوف:الو نعم؟؟ صديق طلال:الو؟؟السلام عليكم نوف:وعليكم السلام صديق طلال:أختي أنتي إلي مرسله مسج تسألين فيه عن طلال نوف:وهي مخترعه منه!!!إي نعم رد هو: طلال ما غيره نوف:أي نعم وكملت وقالت اسم عيلته تدري عنه شي اخوي لي فتره أدور عليه وأدق على جواله مقفل وما يرد صديقه:لا والله أختي إنا مو موجود الحين في الدمام إنا الحين في إجازة وطالع برا الدمام نوف: طيب اخوي مشكور ويعطيك العافية أزعجتك معاي صديقه:أي خدمه أي شي ترى إنا جاهز نوف:يعطيك العافية بس إذا وصلك خبر عنه ياليت ترد لي خبر صديق: بسائل وبرد لك خبر انشالله الساعة 10 الضحى نوف:أي ياليت ترسله مسج صديقه:ابشري نوف:مع ألسلامه صديقه: مع ألسلامه وقفلت نوف الخط من صديقه وهي تحس براحه شوي أنها قدرت توصله وعرفت شلون تجيه . نوف دخلت المحاظره خلصت المحاظره وطلعت البريك وهي تفطر مع البنات صديقاتها وصلها مسج من صديقه يقول فيه السلام عليكم أختي أنا سئلت عن طلال و ما حد يعرف عنه شي بس انشالله خير .... رجعت البيت وهي بالها مشغول عليه و الأفكار تجيبها و توديها وكل ما دق جوالها فز قلبها على بالها هو إلي يدق بس للأسف ما يطلع هو وتزيد خيبت أملها وظلت يومين أو أكثر وهي مزعجه صديقه مسجات تبي تتطمن على طلال وهو ما قصر يسأل عنه ويرد لها خبر و إذا طول مارد تزيد شكوكها أرسلت له مره مسج تقول فيه:أمانه طلال فيه شي أو لا والي يخليك رد علي وطمني وربي انشغل بالي قولي إذا فيه شي و ريحني بس لا تخليني كذا يرد و عليها مسج:اطمنك طلال سئلت عنه وهو حيي يرزق و ما فيه إلا العافية بس يمكن مشغول وإلا شي اليوم إلي بعده طول ما هي بالجامعة وهي تدق والجوال مقفل ولما رجعت البيت على العصر تقريبا دقت ولقت الجوال مفتوح انبسطت حيييييييل قالت أخيرا فتح جواله ولما رد عليها قالت:الو ما حد رد عليها نوف:الو؟؟؟ إلي على الخط ساكت نوف: الوووووو؟؟؟ فجئه ردت عليها وحده قالت الو نوف:انفجعت منو هذي إلي ترد على جوال طلال سكتت و ما ردت شوي إلي يقفل الخط وترجع تدق وترد عليها نفس إلي ردت أول مره نوف ظلت تحاول تدق وتقول يمكن هو يرد ظلت ليله كاملة تدق ونفسها المرة هي إلي ترد ثاني يوم الصبح أول ما راحت الجامعة أرسلت مسج لصديقه تقول فيه:أنا البارح دقيت على جوال طلال وكان مفتوح بس مو هو إلي رد علي وحده مره ردت علي أنت وصلت خبر عنه ما تدري وش إلي يصير؟؟ على طول صديقه دق:قال البارح وحده إلي ردت عليك؟؟؟ نوف:أي وحده ردت علي صديقه:بس إلي اعرفه انه مو متزوج منو هذي؟؟ نوف:ما دري والي يخليك شوف لي وش السالفة صديقه:ابشري أختي بيجيك العلم اليوم نوف: مشكور يعطيك العافية مع السلامة صديقه :هلا حياك مع السلامة أبيك تشيل من قلبي معالم لوعة الحرمان أبيك توقف بصفي إذا وقتي تحداني أبيك الصاحب الوافي يحطني دايم بيمان أبيك العاشق المخلص يشافي دوم عطشاني أبي عطشك أبي قربك أبي حب كما البنيان أبي قلبا كبير لأملاه الشوق ناداني أبي اطلب طلب واحد رجيتك وهو المهم ألان وأنا ادري مستحيل ترفض لأنك جد تهواني أبيك تعيش في قلبي إذا تسمح مدى الأزمان أبيك تشوف ما تملك في قلبي وما تعداني قفلت نوف الخط على أمل يجيها خبر من صديقه بس للأسف طول وماجاها خبر قالت أنا بجرب ها لمرة و أدق وفعلا دقت أول مره ردت عليها نفس المرة نفس الصوت نفس الأسلوب قفلت نوف على طول ورجعت دقت مرتين بعدها ونفس الشي صار قفلت وبعدها بعشر دقايق دقت لقته مقفل دقت ولقته هو يرد عليها نوف:الو؟؟ طلال:هلا هلا والله نوف طلال أنت وينك؟؟؟و ليش ما ترد علي (نوف تتكلم بعصبيه وتصارخ بالتليفون) طلال:نوف و شفيك؟؟ نوف:أقولك أنت وينك؟؟وين اختفيت؟ طلال:الصراحة كنت بالحجز نوف:الحجز؟؟مستغربه وفي نفسها تقول يا كذاب الحجز؟؟ طلال:أي والله كنت بالحجز نوف: و ليش بالحجز؟ طلال:تذكرين أخر مره كلمتيني لما كنا متفقين ندخل نت..يوم تدقين علي وتقولين انك ما راح تدخلين لأنك تبين تنامين وقلت لك إني ما يمديني حتى أنا ادخل نت اليله لأني طالع من الدمام و جاي الرياض و ما راح أوصل إلا الساعة 1 و ما يمدي ارتاح نوف:أي طلال:أي يومها أول ما وصلت الرياض دعمت لي واحد والواحد هذا بالمستشفى حطوني بالحجز لحد ما تستقر حالت الرجال جبت واسطات بس ما فادت لأنهم وقالوا لي انك رجال بالمرور وتعرف هالسوالف ما تطلع لحد ما يطلع الرجال نوف:ساااااااكته و ما تكلمت دموعها إلي تكلمت عنها بس تقول أي وبعدين أي طلال:ينادي عليها نوف ,,,نوف؟؟؟نوف؟؟؟ نوف: ساكتة وبعدين ردت عليه وقالت منو إلي ردت على جوالك؟؟منو هذي؟؟؟ طلال:نوف شفيك؟؟جوالي بعد الحادث خرب و توني والله طالع من محل جوالات اشتريت جهاز جديد لان جهازي الأول خرب و توني مقفل من أمي وكنت بكلمك و أنتي أول اتصال يجيني بعد ما طلعت نوف:مو صحيح أنا من أمس و أنا أدق على جوالك وفي وحده هي إلي ترد علي منو هذي؟؟؟ طلال:وربي ما دري نوف أنتي صاحية منو إلي راح يرد على جوالي و أنا بالحجز ومقفل ولعلمك ما في احد من أهلي يدرون بالي صار لي غير ولد اخوي نوف:تصيح ودموعها تغرق عيونها مو صحيح طلال:نوف ,,,نوف ؟؟ نوف: ساكتة طلال:تذكرين لما دقيت على جوالك مره وردت علي وحده وقالت لي :خل إلي محوله جوالها على رقمي تشيل التحويل؟؟تذكرين؟؟ نوف: أي طلال:وقلتي لي انك مو محوله جوالك لحد وقلنا يمكن غلط بالاتصال او شبك خطوط نوف :أي طلال: طيب يمكن صار معاك ها لمرة نفس الشي نوف: أي يمكن طلال:نوف,,,دبدوبه,,, نوف:نعم. طلال: احـــبــــــك نوف:لاتعليق طلال:قولي لي كلمتك هذيك إلي تقولينها إذا قلت لك احبك؟؟ No commentنوف: طلال: أي هذي قوليها نوف: لاتعليق انهوا الاتصال على أمل انه بكرا الصبح يدق عليها ....راحت نوف الجامعة ودق عليها وكلمها ورجعوا مثل أول بس نوف كانت تحس في شي مو طبيعي يصير والي صار بعد مو طبيعي ظل في بالها دااااااايم هو ما حس بشي لان نوف كانت تتكلم عادي معاه ,,,,,,ظلوا فتره مدتها تقريبا أسبوعين وخلال ها لأسبوعين كانوا يدخلون نت مع بعض ويكلمون بعض دايم أكثر من مرتين باليوم ,,,, ,مره قالت: ليش ما رحت لامك وقلت لها إلي صار معاك؟؟ و تطمنها عليك طلال: ليش ماله داعي نوف: أحسن تعرف منك و لا تعرف من غيرك تزعل وتتضايق عليك رح لها واجلس معها و طمنها وخلها تشوفك قدامها يرتاح قلبها طلال:ماله داعي اكلمها بالتليفون وخلاص ليه أروح لها عشان تقعد تسوي لي سالفة وتصيح ومن ها لخرابيط اعرف سوالفكم انتو يا لحريم نوف:كيفك هذا أنت وهذيك أمك كملوا اتصالهم وانتهى الاتصال على كلمة نوف؟؟احبك ـــــــــــــــــــــــــــــــــ |
|
|
|
|
07-18-2006, 04:42 AM
|
#18 | |
|
متعودة نوف دايم تلقى مسج منه بجوالها وهي دايم ترسل مسج تصبح فيه عليه هذاك اليوم ما في شي دقت عليه وهي با لمحاضره كان عندها محاضرة شبكه وكانت طفشانه دقت عليه وكلمته شوي إلا تدخل المراقبة وقالت له:كبسه باي
ضحك هو وقال:باي,,,,أرسلت له مسج تقول فيه :اف يا ربي طفشت المحاظره تطفش أنت وينك وايس قاعد تسوي... أرسل لها كول مي ودقت عليه نوف:الو طلال: هلا وغلا نوف: وينك؟؟؟ شكلك بالسيارة صح؟؟ طلال:أي والله طالع البنك رصيدي مجمد بروح أشوف و ش السالفة و أنتي ليش طفشانه؟؟ نوف:لأني حاضره محاظره مع بزران يحومون الكبد طلال:ليش ما تسولفين مع أي وحده منهم نوف:أقولك بزران ما ينعطون وجه طلال:طيب خلك با لمحاظره وانتبهي لها أحسن لك وخلصي دراسة ترى مابي تسقطين ومابي أي شي من إلي مخطط له يتأخر نوف:أي هين تبيني انجح أنا ووجهي أقول باي طلال: يضحك,,,طيب اوكي باي بعد هذا الاتصال غاب طلال فتره عن نوف بعد يومين دقت عليه نوف:الو الي على الخط ساكت نوف: الو؟؟ وحده ردت عليها:نعم؟؟ نوف:انصدمت لما سمعت الصوت الو؟؟هذا جوال منو؟؟ الي على الخط:انتي من تبين؟؟ نوف:هذا جوال هنوف؟؟ الي على الخط:متاكده تبين هنوف؟؟؟ نوف:أي هذا جوال هنوف؟؟ الي على الخط:يعني ماتبين رجال؟؟ نوف:لا شكلي غلطانه باي قفلت الخط مستغربه من الي صار قبل شوي شكت بالموضوع وتذكرت الي صار قبل فتره وتذكرت ان الصوت الي سمعته قبل شوي نفس الصوت الي رد عليها ذيك المره واستمرت نوف تدق على رقم طلال يوم كامل ثاني يوم الصبح قبل تروح الجامعه دقت وردت عليها المره قفلت نوف وارسلت مسج "انتي منو؟؟وليش انتي تردين على الجوال صاحب الجوال وينه؟؟" ارسلت المسج على جوال طلال وعلى طول جاها كول مي دقت نوف .... نوف:الو الي على الخط:نعم؟؟ نوف:انتي مين؟؟ الي على الخط:انتي من تبغين؟؟؟ نوف:ابغي صاحب الجوال وينه؟؟ إلي على الخط:مين صاحبه الي تبغينه؟؟وأنتي مين عشان تسألين عنه؟؟ نوف:مالك دخل هو وينه؟؟ إلي على الخط:قولي انتي مين وايش تبغين فيه وأنا أقولك كل السالفة لأني أشوفك قلقانه من أمس وأنتي تدقين نوف: ابغى طلال اوكي!!مب هذا جواله؟؟ الي على الخط:أي جوال طلال يعني تبينه؟؟وش تبين فيه؟؟ نوف: أنا سألتك بالأول طلال وينه وليش أنتي إلي تردين على جواله؟؟ إلي على الخط:اسمعي طلال يعرف بنات كثااااار ومزعجاته حيييل والي يمل منها يحول مكالماتها على رقمي عشان اصرفها نوف:طيب الحين عرفت يلا باي إلي على الخط:تعالي ما قلتي أنتي مين؟؟ نوف:باي إلي على الخط:أنتي مشاعل؟؟ نوف:وقف قلبها لان هذا اسمها بالنت مشاعل خافت انه صدق الكلام إلي تقوله المره ,,,لا مب مشاعل إلي على الخط:إلا مشاعل نوف:خلاص أنا عرفت إلي أبيه والحين باي إلي على الخط:لحضه نوف:باي وطلال اذا بغيته اعرف شلون أجيبه إلي على الخط:شلون؟؟؟ نوف:مالك دخل عندي طرق مب مهم تعرفينها يلا باي وقفلت نوف منها الخط وأرسلت مسج تقول فيه"أنا مب مشاعل وطلال اذا بغيته اعرف وشلون أجيبه فاهمتني",,,,حست نوف إن المسجات تروح لطلال مب لها وأرسلت مسج بعده عشان تقهرها وترفع ضغطها إذا هي إلي تشوف المسجات أو عشان ترفع ضغط طلال إذا هو إلي يقرا المسجات يعني تضرب عصفورين بحجر واحد,,,,قبل ما تطلع نوف للجامعة أرسلت مسج لرقم طلال قالت كلمة فيه"قولي لطلال مشالله عليه رجال,,أصلا خسارة...................والرجال عيب يحتمي بظهر مره وبلغيه إني أرسلت له ايميل خليه يقراه" وصلها كول مي من رقم طلال,,ردت عليه مسج:إلي عنده كلام ويبغى يقوله يسدد فاتورته ويواجهني,,,, لأنها تعرف إن طلال فاتورته صدرت ورصيده مجمد لما جى يسددها ,,, وصلت نوف للجامعة وأرسلت بعده مسج تقول فيه"الحين معقولة طلال عنده فلوس يدفع لك عشان تصرفين البنات له و ما عنده فلوس يسدد فاتورته؟؟ أرسلت ألمسج وراحت محاضرتها وهي بالمحاظره دق عليها رقم غريب ما ردت وبعده وصلها مسج من رقم غريب مكتوب فيه"نوف أنا طلال لا تدقين على رقمي الثاني ولاتدقين على الرقم هذا لانه رقم خويي وانا بعدين اقولك السالفه كلها" ردت عليه مسج على نفس الرقم الغريب"ما يحتاج تقول شي السالفة واضحة يا طلال" راح ألمسج وهي ترسل ألمسج نزلت دمعتها على الجوال و حست قلبها بيوقف لأنه معنى ألمسج إلي أرسلته كنها تقول له إلي بينا انتهى ,,,بينها وبين نفسها مره تقول أخاف يصدق إلي بالمسج ومره تقول إيه خليه أحسن درس ما ينساه ويتعلم منه . ضلت بعده ثلاث أيام ما دقت عليه ولا أرسلت مسج ولا هو أرسل أو دق عليها... دقت عليه في يوم قالتله: نوف:الو طلال:هلا نوف:طلال وش السالفه وشنو الي صار طلال:اقولك بعدين نوف:لا الحين تقولي وبسرعه طلال:انا الحين بالدوام ماقدر اقولك نوف:الحين الحين و بسرعة تقول لي طلال:ماقدر اقولك انا بالدوام والمكتب زحمه بس الي اقدر اقوله لك ان الي صار كله من امي والي ردت عليك هي امي نوف:امك؟؟طيب الحين تقولي كل شي طلال:ماقدر يانوف بس راح ارسل لك ايميل بكل شي نوف:سلم الشغل أي واحد من الشباب طلال:ماقدر انا الي لازم اسويه نوف:طيب باي ـــــــــــــــــــــــــــــــــ |
|
|
|
|
07-18-2006, 04:42 AM
|
#19 | |
|
وقفلت نوف الخط بوجه طلال وهي مقهوره من حركته وتقول وش الحركه البايخه هذي اول مره مايرد عليها.. راحت نوف البيت وفتحت ايميلها وقرت ايميل طلال كتب فيه"السالفه كلها يا نوف ان رقمي هذا فاتورته تروح لبريد بيت امي وكل مره توصل الفاتوره ماتهتم فيها لان البرنت يجي صغير ومافيه مكالمات كثيره وامي من فتره يعني من اول ماتعرفت عليك وهي تلاحظ الفاتوره صارت اكبر من الي قبلها ,,ولما فتحت الفاتوره شافت كلها اتصالات لك شكت بالموضوع وبمعاونت اختي هلا عرفت كيف تاخذ جوالي وصار الي صار بينكم وانا والله العضيم مادري شنو صار بينكم ليومك هذا هي ماقالت لي شي وانتي ماقلتي لي شي " (الايميل كان طوييييييييل كاتب فيه كل شي بالتفصيل بس انا اختصار للوقت كتبت المهم والزبده منه بس),,,, ردت عليه نوف ايميل وقالت فيه"طلال ماني قادره اصدق انها امك لان صوت الي ردت علي مو صوت حرمه كبيره لا صوت بنت واذا هي امك غلطت علي كثير وانا سكت وترا هي غلطت علي كثييير واذا يرضيك انا مايرضيني انها تغلط علي وتقول لي كلام وصخ عيب الوحده تقوله اذا ترضاها انها تقول لي (.......) فأنا مارضاها لنفسي ,,,,وفي اخر الاميل كتبت,,,,الي انكسر ياطلال مايتصلح وانا ماحب اشغل بالي في أي شي ممكن يشغلني عن دراستي ,, كل واحد يروح لحاله اريح لنفسه وعقله واهله .
ارسلت الايميل وقفلت النت ونامت لثاني يوم من التعب الي حست فيه ومن السهر الي سهرته والصداع الي كان معاها 24 ساعه من كثر ماتفكر نامت يوم كامل. بعد يومين يوم الاربعاء الصبح ارسلت نوف مسج لطلال تقول فيه"انا اليوم بسافر واتمنى ان الموضوع يخلص على خير باي"صار وقت الظهر وطلعت نوف من الجامعه ودقت عليه ... نوف:الو طلال:هلا هلا والله نوف: (من غير نفس) قريت المسج؟؟وصلك؟؟ طلال:ايه ,,بس وين بتسافرين؟؟ نوف:بسافر الكويت طلال:ليه؟؟ نوف:ابي بحر طلال:ومافي بحر الابالكويت؟؟ نوف:أي لان بحر الكويت احلى طلال:طيب تعالي عندنا لبحر الشرقيه نوف:لا بروح الكويت ابي اتنفس شوي واشم هوا نضيف طلال:اوكي تروحين وترجعين بالسلامه نوف:باي طلال:باي سافرت نوف الكويت وهي الحين بالكويت جالسه تكتب الي يصير معاها قعدت نوف بالكويت يومين ورجعت بعدهم الرياض ورجعت بشكل ثاني ونفسيه غير الكل لاحظ. بعد ماوصلت الرياض وراحت البيت لقت اهلها موجودين وابوها الي دايم برا البيت ومشغول بدوامه قاعد بس عشان ينطرها دخلت البيت وسلمت على اهلها وعلى طول تهاوشت مع اخوها فواز الصغير اخر العنقود,وكان فواز دمه ثقيييييل ويتدخل بالي ماله فيه ودايم يتسلط عليها بس عشان نوف كانت اكبر منه فكان ابوها دايم معاها ويدافع عنها وامها دايم مع فواز دلوعها وولدها الصغير واما باقي خواتها واخوانها فكانوا على حسب المزاج وين مصلحتهم مع منو يصيرون معاه. صار اتصال بين نوف وطلال وحاولت نوف تعرف السالفه كلها واخيرا عرفتها وسوت نفسها مصدقه وحاولت تبين لطلال انها خلاص نست الي صار وسامحته. ومر باقي الفصل الدراسي الثاني طبيعي جدا بس قلت الاتصالات بين طلال ونوف ماحد يعرف ليه كل واحد صار يحس ان الثاني ماله خلق عليه طلال صار يحط جواله على الموجود ونوف صارت تقفل جوالها تفتحه بالجامعه وتقفله اول ماتطلع وصارت تغيب كثير كله عشان تقفل جوالها ماتفتحه تقفله بالايام ليه صار معاهم كذا تغير طلال كثير عليها لدرجه انه ماصار يرسل لها مسجات ويدق ويسئل عليها مثل اول قبل اول ماتدق عليه يرد على طول الحين لا تدق مره ومرتين يالله يرد عليها واذا رد يكون مستعجل ويرد من غير نفس يعني كانت تحس فيه وتحس انه غرييييب مب طلال الي تعرفه . دق عليها وسئلها : طلال:الو نوف:هلا طلال:انتي تعرفين احد غيري وتكلمينه؟؟ نوف:ههههههه انتي صاحي اكيد لا طلال:كذابه نوف:ايش؟؟كذابه(يؤيؤيؤيؤ وش هالكلمه الي اول مره تسمعها من طلال). طلال:ايه تعرفين احد وطلعتي معاه نوف:طلال احترم نفسك انا مب راعيه هالسوالف طلال:لاتكذبين جاني و وراني صورك وارقامك مين يعني يكون؟ نوف: ( نوف تصيح وتبكي ) لا والله لاتصدق مب انا طلال: اقول انتي مثلك مثل باقي البنات كلكم خاينات حقيره نوف: تبكي حرام عليك انت المفروض تكون اكثر واحد واثق فيني وماتصدق هالشيء خساره قفلت الخط وراحت لغرفتها تبكي وتصيح ومن كثر ماهي مصدومه نزل الضغط معاها وتعبت جاها عمها عبدالعزيز عبدالعزيز:نوف ممكن ادخل نوف:لا مابي اشوفك ولا ابي اشوف احد عبدالعزيز:افتحي الباب يا نوف ابغى اشوفك عبدالعزيز:نووووف بسرعه افتحي قامت نوف وافتحت الباب عبدالعزيز:نوف وش فيك؟؟ نوف:مادري تعبانه ياعمي تعبانه مرررره عبدالعزيز:ليه نوف:مادري (وجلست على السرير تبكي) عبدالعزيز: (جلس جمبها) نوف قولي لي وش فيك؟؟ريحيني بالي مشغول عليك اول مره اشوفك تبكين كذا نوف: عزوز مافيني شي بس تخاصمت مع سارا وقالت لي كلام اول مره تقوله لي عبدالعزيز: سارا؟؟؟ليه معقوله انتي وسارا نوف:اااااااخ ياعزوز اااااخ قلبي يعورني عبدالعزيز: لمها عبدالعزيز لصدره وجلست نوف تصيح وتبكي وتشاهق وهي تبكي رفع عبدالعزيز راس نوف عبدالعزيز:نوف وش فيه وجهك صار لونه اصفر نوف: (بالعافيه تاخذ النفس) ماقدر اتنفس عزوز الحقني شوي الا تطيح نوف على ايد عبدالعزيز ويصوت لاخوها تركي ـــــــــــــــــــــــــــــ |
|
|
|
|
07-18-2006, 04:43 AM
|
#20 | |
|
عبدالعزيز:تركيييي بسرعه تعال
تركي: جى يركض وش في خير عبدالعزيز:نوف ماجري ايش فيها بسرعه شغل السياره تركي:وشفيها عبدالعزيز:اقولك انقلع شغل السياره تركي: (يركض ويشغل السياره ويطلعها قدام الباب عبدالعزيز شال نوف ونزل فيها تحت وراح يركض فيها للباب امها شافتها تقول وش فيها نوف عبدالعزيز:مادري مادري وخري عني طلعوا المستشفى وراحوا الطواريء تركي وعبدالعزيز دخلوا نوف شافها الدكتور قال لهم... الدكتور: ماتخافوش نزل الضغط معاها حبتين عبدالعزيز:بس الضغط مافيها شي ثاني الدكتور: هوا ده الي طلع معاي دلوئتي بس حنا بنكمل لها التحاليل ونشوف وانشالله خير تطمنوا جلس تركي جمب عبدالعزيز وسئله عن الي صار قاله عبدالعزيز كل شي ماصدق تركي لانه يعرف السبب الي خلاها كذا بس تم ساكت ماقال لعبدالعزيز شي.. الدكتور: هيا نوف من امتى معاها السكر تركي وعبدالعزيز:سكري؟؟؟ باستغراب الدكتور : ايوه السكري انتوا ماتعرفوش؟؟ عبدالعزيز: لا مافيها شي نوف ماعندها السكري الدكتور: اه هي معاها سكري وهو السبب الي خلاها تتعب ليه هيا سمعت خبر وحش؟ عبدالعزيز:لا الدكتور: انا اديتها دريب وانشالله تكون تمام بس انتبهوا لها وانتبهوا لصحتها دي تعبانه خالص عبدالعزيز: انشالله يادكتور الحين نقدر ناخذها البيت؟؟ الدكتور : اه طبعا بس يخلص الدريب وتروح معاكوا عادي بالشفاء انشالله عبدالعزيز: يعطيك العافيه جلس عبدالعزيز وتركي بالاستراحه ينطرون نوف عشان ياخونها البيت تموا بالمستشفى خمس ساعات لما خلصت رجعوا البيت وظلت نوف بالفراش ثلاث ايام تعبانه ماتاكل ولا تشرب الغريب ان امها ماكانت مره مهتمه ومنزعجه لمرض نوف بعد الثلاث ايام هذي بدت نوف ترجع الجامعه وفي يوم كانت طالعه عند بدور بنت خالها واول مارجعت الا تسمع تركي يصارخ ويناديها تركي:نووووووف؟؟ تعالي هنا بسرعه نوف:!!!! راحت للمجلس الرجال عند تركي واول مادخلت شافت عمها عبدالعزيز وراشد وامها سلمت ودخلت قالها عمها... عبدالعزيز: نوف تعالي واجلسي نوف: باستغراب طيب وجلست تركي:تبغى تقولها انت او اقول لها انا ويناظر عمه عبدالعزيز عبدالعزيز: نوف مين طلال؟؟ نوف: طلال؟؟مين طلال ماعرف احد اسمه طلال تركي: لاتكذبين ياحيوانه وقام عليها وظربها عبدالعزيز: يصرخ على تركي) تركي مب كذا عليها تركي:الا خلها عشان تعرف انها مب عايشه لوحدها ومافي رقيب ولاحسيب عبدالعزيز:اقولك اتركها تركها تركي ونوف تصيح وتبكي عبدالعزيز: يناظر نوف نظره غريبه اول مره تشوفها منه) نوف مين هذا اعترفي من وين تعرفتي عليه؟؟ نوف: انتوا شفيكم علي اقولكم ماعرف احد اسمه طلال تركي:اتكلمي بسرعه لايجيك شي ماشفتيه فضحتينا نوف: ماعرفه اقولك ماعرفه تفهم انت عبدالعزيز: نوف اسكتي راشد اتكلم وقولها كل شي راشد: انا مره كنت جالس مع الشباب وكان طلال فيه هو صديق واحد اعرفه اول مادخلت المجلس عرفني عليه اول ماسمع راشد ال ـــــــــ سئلني تعرف نوف ال ـــــــ سئلني عنك انتي يانوف مافي بالعيله وحده اسمها نوف الا انتي قلت له من وين تعرفها قال هاه لا ولا شي صديقه اختي حطيته في بالي وارسلت له واحد وصار يتكلم عليك ويقول كلام كبير عنك رحت لتركي وقلت له انتي يا نوف شرف العيله وسمعتك من سمعتنا تركي اخذ رقم طلال وسحب فواتيرك وشاف رقمه وسحب فواتيره هو وشاف رقمك .. وارسلني له وكلمته وقابلته برا واخذت صورك وريته الصور وقلت له هذي صديقتي نوف الي سئلت عنها هذي خويتي قالي كلام عنك اول ماشاف الصور قالي ايه هذي نوف وانا يانوف لو ماخاف عليك ماسويت كذا سامحيني يابنت عمي نوف جلست مصدومه من الي صار ونزلت راسها وجلست تبكي قام عليها تركي وعطاها كف امها قالت لها قومي لغرفتك ولاتخليني اشوفك لمت نوف جروحها ومشت لغرفتها جرح طلال وجرح تركي لما ظربها وجرح كلمت امها والجرح الكبير عمها عبدالعزيز الي جلس ولاسوا شي لتركي لما ظربها ....تمت لوحدها بغرفتها تبكي وتقول ليه يصير معاي كذا عشاني حبيت واخلصت من كل قلبي يسوي فيني كذا؟؟ عشان كذا تغير علي لما راح له راشد وهي تفكر وتقرا مسجات طلال الي كان يرسلها لها وتصيح دخلت عليها امها وسحبت الجوال من ايدها وقالت من اليوم مافي جوال فاهمتني وابوك لايدري عن شي لانه لوعرف بيذبحك وطلعت... اتصلت نوف على سارا تشكي لها قالت لها سارا الحين بجي لاتخافين بكون عندك وفعلا جتها سارا اول مادقت جرس الباب فتحت لها الخدامه دخلت وقابلت ام نوف سلمت عليها ودخلت لنوف..... جلست عندها للساعه 12 ونص باليل بعد ماطلعت سارا دخل عليها عمها عبدالعزيز. نوف:عمي! ليش جاي مب كفايه الظرب الي ظربني تركي جاي تكمل علي حرام عليكم ماسويت شي عبدالعزيز:نوف كل هذا وماسويتي شي نوف:وربي ياعمي طلال مابيني وبينه شي واقسم لك بربي اني ماطلعت معاه ولا بحياته شافني الا مره وحده عبدالعزيز:وين ومتى شافك؟ نوف:كنا طالعين السوق انا وامي وخواتي وهو كان بنفس المجمع وشافني عبدالعزيز:من متى تعرفينه؟ نوف: اقولك كل شي بس ماتسوي فيني مثل تركي قسم بالله جسمي ازرق من ظرب تركي لي عبدالعزيز: أي قولي ماراح اسوي لك شي قالت له نوف كل شي من اول ماتعرفت عليه لليوم عبدالعزيز: اوكي طلع وتمت نوف خايفه حاسة إن في شي بيصير ************************** فقدتك يا اعز الناس فقدت الحب و الطيبة و أنا من لي في هال دنيا سواك إن طالت الغيبة رحلت ومن بقى وياي يحس بضحكتي و بكاي وحتى الجرح في بعدك يغزيني و أهلي به تصدق قد من حنيت أشوفك في زوايا البيت و اسولف معك عن حزني و أحس أن أنت تدري به ــــــــــــــــــــ |
|
|
|
|
| أدوات الموضوع | |
| انواع عرض الموضوع | |
العرض العادي
|
|
منتديات دمعة وله - منتدى دمعة وله - دمعة وله - دردشه صوتيه - شات دمعة وله - شات صوتي - سعودي كام - شات بنت ابوي - شات دقات قلبي