قصة : صنيفر المسكين ,,, والنهايه المأساويه

قفلوا البيبان و طفوا اللمبات وقفلوا جوالاتكم واششششششششششش والا كلمه ...

قصه مأخوذه من الواقع ( صدقوا )<< يا زين خربطة الليل

صنيفر قطو مشهور في حارتهم القطو المدلع حبيب امه لكن الظروف ما تسمح له يطلع الدلال حافي منتف

زبالة العيله في حارة شعبيه جنب مطعم سمك اخوانه اللي جو معه سته وافراد العائله تسعه وعشرين << حشى صعايده

سبعه ماتوا وهم صغار مدعوسين طبيعي زبالتهم على الشارع . كل اخوانهم سود (سكن) الا هو طالع ابيض
يرجع للعرق الشركي من جدهم السادس

ما يعرف شي اسمه طلعه ما عمره خرج عن حدود حارتهم و ما عمره شاف زول بنيه ...

ليله من الليالي كان صنيفرنايم الا امة صنيفر وليدي وانا امك قوم روح لأم قطوان في الحارة اللي بجنبنا

صنيفر : يالله صباح خير وش ام قطوان وش طاري عليك بعد

ام صنيفر : انت روح لها وجيب العازه و لا يكثر

صنيفر : يمه طيب انا ما ادل بيتهم والا اعرف احد هناك

امه : انا بوصف لك بس قم يا وليدي

راح وهو ما يشوف دربه من النوم

دق عليهم الباب يا ام قطوان يا ااااااااااااااااااام قطوان و صمخ << ما ينلام ابوه (سكن) هع

قفلت مع صنيفر الشرهه مو عليكم الشرهه على اللي يسمع كلام الحريم ...

شوي وتطلع له بنتها .. اشبوا امك علينا ازعجت اهلنا

صنيفر : هــاه انا لا هذي انا شسمه امي في الهذا تقول انها تبي امك << خلف الله ضاعت علومه

جات امها عطته اللي يبيه وهو متنح ام قطوان يلا يا ولدي روح ربنا يسهلك ..

رجع طريقه ما درا عن نفسه الا وهو تحت اقرب سيارة منسدح قام يتمتم (طلت عليه من ورا الباب يا حسرتي ما كلمتني )

الا و امه تناديه الحق صنيفر فيه باقي سمك الهروش لا يخلصونه

صنيفر : بصوت هادي مالي نفس انا اقدر اكل بعد اللي شفته ...

بعد ثلاث ساعات من السدحه قال لازم اروح اكحل عيني

بشوفتها وراح الا وهي عند زبالتهم

وقالها ماعرفتني انا ولد ام صنفير وكيف الحال << ما عنده وقت خش عرض

صنيفر : ايش رايك في لفه في حارتكم شكلها طلقه ..الا انتي وش اسمك ..

قالت له : انا نوسه

صنيفر : شكلك مانتي من الديره

قالت : ايوا احنا من كرنيش جده بس الله يجازي اللي كان السبب ...

صنيفر: ما علينا ايش رايك اعزمك على السينما اللي في نهاية الشارع فلم توم وجيري لا يفوتك << شاشة عرض محل إلكترونيات

قالت : اخاف ابويا يشوفَني ويسود لي عيشَتي ..

صنيفر : ما عليك ما نطول بس قولي تم ..

وصار ما يفتح عيونه الا يلقى نفسه قدامها ما يروح مكان الا معها وما يشق كيس بلديه قبلها ...

مرة الأياااام وليله من الليالي راح يدورها ما لقاها

صنيفر : ياربي وين راحت اجلس احتريها يمكن الحين تجي .. ما جات !

راح لم زبالتهم دق الباب فكت امها له الباب

وهي تبكي قالها علامك يا خاله ..

ام قطوان : حسبي الله ونعم الوكيل في الظالم اخدوها عسى ربي ياخد انفاسهم ..

صنيفر : فاتح فمه ياخاله وش السالفه مين اخذها علميني

ام قطوان : جات سيارة اخدتها من جنب بابنا ..

خرج من عندها راح للزباله اللي يلتقون فيها وقعد يغني على الأطلال

ويقول الزبايل كلها مشتاقه لك الزبايل اللي
مريت أنت فيها عايشه بروحي وأبيها .

شوي فكر قال مالي الا ابو سمره خريج سجون وهو يعرف يدبرني أروح له وأقوله السالفه ..

ابو سمره : افا يا ذا العلم ارقد وامن وانا أخوك ..
بس ما لك فسح الليله عن السهره عازمن مطربنا فرج

صنيفر : انا مالي في الخرابيط مابي الا نوسه بروح وبرجع لك وقت ثاني ..

ابو سمره : اقعد وانا عندي اللي بينسيك < العن ام الخراب ..

صنيفر : نجلس وامرنا على الله بس مابي اطول

وطلع ابو سمره هذيك القارورة وعدا له معها سجاره وشرب شربتين والا ما عاد يدري وين ربي حاطه راح بيتهم مسطل يترنح يمين وشمال وعجبه ذا التسطيل وصار كل دايم يجي لابو سمره ..

THE END

الموضوع الأصلي: قصة : صنيفر المسكين ,,, والنهايه المأساويه || الكاتب: العاشق || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: القصص والروايات - Stories and Novels Section

---

rwm : wkdtv hgls;dk <<< ,hgkihdi hglHsh,di

منتدى دمعـــة ولـــه - القصص والروايات - Stories and Novels Section

---

rwm : wkdtv hgls;dk <<< ,hgkihdi hglHsh,di

يسلمو على القصة الحلوة
تقبل مروري

مشكوووووور والله يعطيك الف عافيه