صيف كام سعودي كام شات غرور كام شات غزل كام شات الوله شات حبي شات صوتي
رابع ايام العرس تقوووول احب غيرك - منتدى دمعـــة ولـــه

         :: مكتب توفير عمالة فى مصر للاتصال 00201003629993 (آخر رد :مايكول)       :: سورة الممتحنة من هي الممتحنة !!؟ (آخر رد :غلا)       :: تعرّف على الفرق بين الإضاءة البيضاء والإضاءة الصفراء (آخر رد :وردة الكويت)       :: المواد المختلفة في التصميم الداخلي والأثاث (آخر رد :وردة الكويت)       :: الزجاج وتطبيقاته في التصميم الداخلي (آخر رد :وردة الكويت)       :: مراحل تصنيع الزجاج (آخر رد :وردة الكويت)       :: مهم (آخر رد :دموع العشاق)       :: رحلتك للسياحة (آخر رد :wego)       :: ماهو فضل العمرة؟ (آخر رد :دمعة وله)       :: دعاء آخر ساعة من يوم الجمعة قصير (آخر رد :غلا)      

التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 
قريبا

بقلم :
قريبا
قريبا

العودة   منتدى دمعـــة ولـــه > المنتـديات الأدبيــــه > القصص والروايات - Stories and Novels Section

القصص والروايات - Stories and Novels Section يهتم بكتابة القصص والمقالات والروايات سواء منقولة أو مكتوبة

رابع ايام العرس تقوووول احب غيرك

بسم الله الـــرحمن الرحيـــــم بدايه القصه ان في اسرة ناويته تزوج ولدها من بنت حلال وتكون البنت على سنع هذي الاسرة من الاسر المحافظه وقالو للولد يعني

إضافة رد
 
أدوات الموضوع انواع عرض الموضوع
قديم 10-15-2006, 12:28 AM   #1


الصورة الرمزية حنين الشوق
حنين الشوق غير متواجد حالياً

بيانات اضافيه [ + ]
 رقم العضوية : 116
 تاريخ التسجيل :  Mar 2006
 أخر زيارة : 03-13-2009 (02:32 AM)
 المشاركات : 528 [ + ]
 التقييم :  10
لوني المفضل : Cadetblue
Unhappy رابع ايام العرس تقوووول احب غيرك




بسم الله الـــرحمن الرحيـــــم



بدايه القصه ان في اسرة ناويته تزوج ولدها من بنت حلال وتكون البنت على سنع هذي الاسرة من الاسر المحافظه وقالو للولد يعني انت في ابالك بنت معينه الولد قال انا مابي الا الي امي تتنقاها لي ولما راحت الام اتدور حق ولدها البنت الي انشالله تكون اهي الي تستقر معاه مثل عاداتنا وتقاليدنا احنى يالبدو لقب الام بنت رفيج زوجها وقالت حق زوجها شرايك تزوج ولدنا بنت رفيجك فلان والله خوش بنت كلم رفيجك واخطبه له قال رفيجي فلان والله والنعم فيه والكل يتمنى انه يناسبه خلاص بكره اروح انا ويا ولدي انكلم الرجال انخطب بنته....

وصار بكره

العصر طلع الولد ويا ابوه حق بيت الرجال << ابو البنت >> واخطبو البنت وقال ابو البنت تستاهلون كل خير يا بو فلان ووافق ابو البنت وقال خلوني اشاور بنتي بالاول وراح يكلم البنت قالت البنت خلوني افكر ؟؟؟؟

والبنت مو قصدها تفكر البنت على قولة هالشباب مرتبطه يعني بالمعنى الصحيح تحب من غير رضى اهلها فراحت البنت وكلمة حبيبها الي مرتبطه فيه ...

قالت :: فلان ترا جاني ولد رفيج ابوي ويبي يخطبني شسوي ..

قال:: احم احم

قالت :: شفيك الولد بخطبني تعال

قال :: وين اجي

قالت :: تعال البيت اخطبني قبل اروح مع الولد

قال :: ترا صوتك صوتك يقطع !!!!

قالت :: فلان فلاااااااااااااااااااااااااااااااااااااان اف.

جك طوط طوط طوط طوط طوط



قالت :: سكره الحقير ..

على فكرة كلمة حقير كلمه حلوة عند الي يحبون قصدي << المرتبطين >>

فراحة البنت تفكر شتسوي شتسوي ولما جاها ابوها قال يا بنتي هذا ولد راعي صلاة وراعي دين ابوه رفيجي من 25 سنه ماشفت منه اي شي شين تزوجي ولده يابوج والله يسرج انشالله حتى لو تشوفين منه اي شي اكلم ابوه عنه هذا ابوه غالي والله غالي قالت ياوبي انا موافقه عليه علشانك واهي في بالها رفيجها الي سكر التلفون بوجها....

واكتبو الكتاب على البنت ويا الولد وتزوجو ...

وفي يوم الدخله قعد الزوج مع البنت يسولفون مع بعض مثل مايصير مع اي زوجين جدد وكل واحد يقول للثاني اهم شي له بس الغريب ان الزوج لاحظ ان الزوجه مو وياه بالسالفه.....

قال :: يافلانه شفيك ؟؟؟

قالت :: اليوم انا تعبانه...

قال :: انشالله ما تشوفين شر يالغاليه...

وما ادراك ما معنى كلمة غاليه من قلب والله نظــــــــــــــــيف

وفي اليوم الثاني نفس الشي يجي يسولف البنت تتهرب وباليوم الثالث يجي يسولف البنت تتهرب وفي اليوم الرابع يجي يسولف تتهرب الصراحه طفح الكيل كاني احس بالولد وراح للبنت...

قال :: يابنت الحلال انتي فيك شي

قالت :: اف شفيك انت

شقالت قالت اف هذي العن كلمة تقال للزوج في اول ايامه يارب تبعدني انا ويا كل ولد تظيف عن هالكلمه يارب العالمين

قال:: شتقولين

قالت :: شفيك انت اذيتني شتبي...

قال :: واهو متعجب انا شبي انا زوجك على سنة الله ورسوله صلى الله عليه يابنت الحلال

قالت :: تدري انا ماحبك انا احبك غيرك!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!

مو غريبه ان يتعجب لانه اكبر اختبار بعد فقد غالي مثل الام ولا الاب والاخوان وسكت

فرد :: قال انتي تحبين غيري

قالت :: اي والله اني احب غيرك

قال:: يابنت الحلال انتي ابوك رجال كبير وانا ولد ناس وتزوجتك على الحلال بس ممكن طلب

قالت :: اطلب

قال :: انتي امك ويا ابوك كبار وانا لو اطلقك راح يقولون بنتنا فيها شي خلك عندي ثلاث شهور وراح اطلقك علشان ما يشكون فيك اهلك ويا اهل الناس والله مو علشانك علشان ابوك انا اعرف ابوك من انولدت مثل ابوي مابيه ينصدم فيك مطلقه من اول ايامك...

قالت :: بس اتطلقني

قال ::: والله لطلقك بس خلك عندي بدون لا اجيك علشان شيبات ابوك

قالت :: انا موافقه ..

قال :: فلانه ممكن طلبين صغار

قالت :: اطلب

قال:: اول شي الولد رفيجك لا اشوفك تكلمينه عندي ولا من وراي هذا وعد بيني وبينك خليه بحاله لانك في ذمتي وانا محترمك ليلحين علشان ابوك وانتي تدرين والطلب الثاني ابيك لاقعدنا ويا امي ويا ابوي كأنه مابينا شي خلك طبيعيه مابيهم يدرون انك تحبين وحتى عند اهلك اعتبريني اخوك لا تنحرجين مني زين يافلانه

قالت :: رفيجك ما اكلمه و انشالله اوعدك مابين اي شي

هذا الحديث دار بين زوجين في رابع يوم من زواجهم الحمدلله والشكر على النعمه لي وللي يقرون هالرساله وانشالله مانشوف مثل هالاختبارات يارب وبعدين مع مر الايام الولد ويا زوجته يقعدون عند اهلهم وطبيعيين ويسولفون وكأنه مافي اي شي ولما يروحون الدار البنت تروح للفراش والولد يروح دار القعده او دار الاستقبال هذي حال العروس ويا المعرس اول شهر

الشهر الثاني

قامت البنت تمل من هالحال وتطلب طلبات كثيرة علشان يمل الرجال بس الولد نفسه خفيفه على البنت يلبي كل طلباتها وكانو محددين يومين بالاسبوع الجمعه ويا الاثنين لاهل البنت وكل ما يروحون البنت تشوف زوجها قاعد عند امها ويا ابوها حتى ان ام البنت ويا ابوها يقولون للولد ها شلون بنتنا ....

يطالعها واهي تطالعه

يبتسم ويقول ::

والله على راااسي يا عمي

الزوجه تعجبت بكل صراحه بس اهي في بالها الطلاق بالحقيقه

الشهر الثالث

البنت قامت تشوف ان زوجها هذا ولد كامل والكامل الله تقول بينها وبين نفسها هالولد لو يفلت من ايدي والله ما احصل على احسن منه وانا محسوده فيه من الناس ليش ما اعدل علاقتي معاه احسن من الي ماخذني عن حب عفوااا


تقول البنت ليش ما اعدل علاقتي فيه والله ولد ناس محترمين امه ولا الف ام وين احصل ام ابرك من هالام الي عنده وابوه كافي رفيج ابوي حتى ابوي يقول هذا رفيجي من 25 سنه ماغلط علي ولا قال شي ليش انا اروح حق الي جايني بالحرام واخلي هالولد ولد الناس بالحلال يقعد....

خططت البنت انها تتكشخ وتتزين علشان هالولد الطيب ولما جا الولد من الدوانيه بالليل شاف ان البنت متكشخه علشانه

قال:: ماشالله شنو هالزين...

قالت :: والله عيونك الحلوة

قال :: ماتوقعتج انك جذيه

قالت::توقع من اليوم ورايح انا راح اكون لك احلى بنت

قال :: انشالله تكونين احلى بنت بالدنيا يا رب

ودخل دورة المياة وراح يغسل وطلع لين اهي قدامه قال مافي عشاء قالت اي فيه والله انا مزهبته العشا لك وجابت العشا تعشى وراح ينام بدار القعده !!!!!!!!!!!

قالت :: والله يمكن مو راضي علي ليلحين بس والله يا جمالي هذا ما يخليه والله لخدرة وكل يوم تسوي جذيه فيه تروح تكشخ وتقعد تنطره لي يجي بليل واهو على لسانه ماشالله عليك مزيونه حيل مافي عشاء......

قبل الشهر الرابع بأسبوع

راحت البنت واهي مستغربه تقول شفيه صارلي اكثر من 15 يوم اتكشخ والبس احلى شي بس الولد ما يعطيني وجه شفيه اهو لايكون يحب بس قالت ليش ما قوله...

قالت :: يا فلان انت فيك شي

قال :: ليش

قالت:: لا بس اشوفك منت طبيعي والله

قال :: شتشوفين يعني

قالت :: انا والله حبيتك بس انت مدري شفيك

قال :: انتي تذكرين شقلتي رابع يوم العرس

قالت :: اي والله بس الحين خلاص انا لك

قال :: قلتي انك تحبين واحد ثاني

قالت :: اي بس الحين انت الكل بالكل

قال :: يا بنت الحلال ما بقى على الشهر الثالث الا ايام والله انا مواعدك اخر الشهر الثالث يصير

قالت :: يعني انت حبيتني

قال :: انا ما اخذتك الا لاني حبيتك مو لج لابوك ويا امك والله

قالت :: تكفى لا تطلقنى

قال:: يصير خير

وراااااااااح ينام بدار الاستقبال واهي راحت دار النوم بروحها تفكر وتقول يارب يارب يارب انه ما يطلقني ابن الحلا هذاوقعدت تتذكر حياتها مع الولد الي صك التلفون في وجها وتذكر حياة صديقاتها الي طيحوها بالعلاقات على قولتهم<< الارتباط >> وتقول بعد الله لايوفق كل من يحب من غير رضى الاهل والله اني عشت العن ايام عمري هالاسبوع يا رب مايطلقني...

ومن بكره طلبت منه يوديها مطعم وراحو مطعم واكلو منه احلى الطبخات والوجبات وافترو بالخليج وراحو شارع الحب وراحو السينما وراحو كل شي حلو يطري على زوجين ليش لانه اهو يقول هالبنت اهي زوجتي الحين لازم امتعها لانها على ذمتي , بس اهي تقول اهو والله جذاب وطيب واحسن من هذاك الخايس ولما راحو البيت قعدو بالصاله وشافو التلفزيون واهم مندمجين ...

قال :: تصبحين على خير انشالله

قالت :: وين

قال :: بنام والله

قالت:: زين نام بدارك

قال :: انشالله بكره




على اخر الشهر الثالث
يعني بعد 89 يوم

كان يوم الاثنين الساعه 10.30 الصبح قعد الولد ووياه زوجتة.......

قال::: يالله يا فلانه يالله

قالت :: يالله وين...

قال :: اليوم الاثنين انروح لاهلك

قالت :: يالله

وراحو حق بيت اهلها ولما صفط عند بيت اهلها قال يا فلانه انا والله حبيتك بس اسلوبك مو شي يعني ترضين تجرحين رجال بكل بساطه قالت شفيك قال انا بس بقولك انتي والله غاليه بس انا ما امن عيالي في بنت تقول حق زوجها انا احب غيرك قالت قبل مو الحين قال لا والله لا اهي قبل ولا هي الحين انا رجال وعندي مشاعر والمثل يقول الي ينقرص مرة ما ينقرص مرتين قالت شفيك, قال انا وعدتك بس ثلاث شهور وبعدين انتطلق قالت لا لا لا يا فلان والله حبيتك لا تطلقني قال والله اني حبيتك اكثر من حبك لي بس هذي الدنيا لازم اخليك وعيشي مع واحد ثاني اطيب انشالله مني, قالت والله مطيب منك شي ابيك انت, قال انا ماني عايش معاك انتي قلتي احب غيرك وهالكلمه قاعده في قلبي لين اموت الرجال ما لانجرح لا تعتبرينه مثل المراة الرجال عزيز نفس قالت شفيك انت اليوم انزل عند ابوي, قال سلمي على ابوك, قالت انزل بس ربع ساعه واطلع

قــــــــــــــــــــــــــــــــــــــــــــــــا ل ::

انتي طـــــالـــــــق طـــــــــالــــق طـــــــــالــــــــق.

انزلي الله يوفقك انشالله فكيني من شوفت ابوك ويا امك انزلي مابيه يقول ليش طلقت بنتي وانتي ادرا قعدت تصيح بالسيارة قال فظحتيني انزلي خلاص واهذي ورقة الطلاق مابيني وبينك الا كل خير ما عمري سبيتك ولا طقيتك ولا غلطت عليك ولا على اهلك سلمي عليهم ولا تقولين انك قلتيلي احب ترا ما يدري عنها انشالله غيري انا وانتي وعلام الغيب

وانزلت البنت لي بيت اهلى واهي مخدرة من الصدمه وبشرت اهلها في طلاقها الي اهي تتحمل كل
ما فيه لانها اهانة ولد عزيز نفس في رابع يوم من زواجهم.


م ل ط و ش




الموضوع الأصلي: رابع ايام العرس تقوووول احب غيرك || الكاتب: حنين الشوق || المصدر:





vhfu hdhl hguvs jr,,,,g hpf ydv; hdhl hpf jr,,,,g vhfu




vhfu hdhl hguvs jr,,,,g hpf ydv;



 


رد مع اقتباس
قديم 11-06-2006, 11:03 AM   #2


الصورة الرمزية H حــــمــــــد H
H حــــمــــــد H غير متواجد حالياً

بيانات اضافيه [ + ]
 رقم العضوية : 410
 تاريخ التسجيل :  Aug 2006
 أخر زيارة : 05-02-2007 (04:23 PM)
 المشاركات : 316 [ + ]
 التقييم :  10
لوني المفضل : Cadetblue
افتراضي



تسلم يمناك اللي لطشت

<<<< انصهر بوسط القصه << انصهر = مندمج

والله ما قصرتي والله يعطيك الف مليون عافيه

ونتظر جديدك يالغاليه

وتقبلي مروري

اخوك

حمد


 


رد مع اقتباس
قديم 11-06-2006, 09:01 PM   #3


الصورة الرمزية أميرالقوافي
أميرالقوافي غير متواجد حالياً

بيانات اضافيه [ + ]
 رقم العضوية : 296
 تاريخ التسجيل :  Jun 2006
 أخر زيارة : 04-05-2008 (11:56 PM)
 المشاركات : 462 [ + ]
 التقييم :  10
لوني المفضل : Cadetblue
افتراضي



والله قصه مؤثره وفيهااا عبره للبنات اللي ما حسوو بالمسؤليه




يسلمووو خيتوو حنين على القصه النقل الحلووو



تقبلي مروري


 


رد مع اقتباس
قديم 11-10-2006, 02:54 AM   #4


الصورة الرمزية حنين الشوق
حنين الشوق غير متواجد حالياً

بيانات اضافيه [ + ]
 رقم العضوية : 116
 تاريخ التسجيل :  Mar 2006
 أخر زيارة : 03-13-2009 (02:32 AM)
 المشاركات : 528 [ + ]
 التقييم :  10
لوني المفضل : Cadetblue
افتراضي



هلا وغلا حمد

هلا وغلا بامير القوافي

اسعدني مروركم وتعليقكم

لاعدمتكم

حنوو


 


رد مع اقتباس
قديم 11-10-2006, 07:58 AM   #5


الصورة الرمزية لاتشد القيد تجرح ايدي
لاتشد القيد تجرح ايدي غير متواجد حالياً

بيانات اضافيه [ + ]
 رقم العضوية : 491
 تاريخ التسجيل :  Oct 2006
 أخر زيارة : 12-19-2008 (01:53 PM)
 المشاركات : 49 [ + ]
 التقييم :  10
لوني المفضل : Cadetblue
افتراضي



يووووووووووووووة حنين يوم قلتي طالـــــــــــــــــــــــــــــق
اعوذ بالله من الشيطان الرجيم
ماصرت اشوف من الدموووع
بس الله لا يبلانا ولا ذيرياتنا ولا جميع المسلمين
بس هالكثر قلب الرجل حسااااس يعني كانت طايشه واهتدة على يده بس الجزاء من جنس العمل
صدق ان النساء من الزهرة والرجال من المريخ
اقصد في مدى بعد النفسيات فقط
يعطيك العافيه حنين ع اللطشه!!!


 


رد مع اقتباس
قديم 11-10-2006, 08:42 PM   #6


الصورة الرمزية حنين الشوق
حنين الشوق غير متواجد حالياً

بيانات اضافيه [ + ]
 رقم العضوية : 116
 تاريخ التسجيل :  Mar 2006
 أخر زيارة : 03-13-2009 (02:32 AM)
 المشاركات : 528 [ + ]
 التقييم :  10
لوني المفضل : Cadetblue
افتراضي



لاتشد القيد تجرح ايدي

امييييييين ان شاء الله بالغلا

اسعدني مرورك وتعليقك

لاعدمتك

حنوو


 


رد مع اقتباس
قديم 09-20-2007, 03:29 PM   #7


الصورة الرمزية ابو نوح
ابو نوح غير متواجد حالياً

بيانات اضافيه [ + ]
 رقم العضوية : 1138
 تاريخ التسجيل :  Mar 2007
 أخر زيارة : 07-11-2011 (12:12 AM)
 المشاركات : 513 [ + ]
 التقييم :  10
لوني المفضل : Cadetblue
افتراضي رد: رابع ايام العرس تقوووول احب غيرك



سبحان الله قصه محزنه وفيها عبره

مشكوره حنين


 


رد مع اقتباس
قديم 09-20-2007, 11:50 PM   #8


الصورة الرمزية عـــ القوافي ــذب
عـــ القوافي ــذب غير متواجد حالياً

بيانات اضافيه [ + ]
 رقم العضوية : 925
 تاريخ التسجيل :  Feb 2007
 العمر : 44
 أخر زيارة : 04-26-2011 (08:58 AM)
 المشاركات : 1,080 [ + ]
 التقييم :  10
لوني المفضل : Cadetblue
افتراضي رد: رابع ايام العرس تقوووول احب غيرك



يسلموو حنين الشوق

ويعطيك العاافيه


قصه مؤثره جداً

بس بصراحه البنت تستاهل وجاها حقها كامل

تسلمين يالغلا وتقبليـــــے مروريـــــے

ولك تحياتيـــــے وتقديريـــــے

ودمتيـــــے بود

.


 


رد مع اقتباس
قديم 11-26-2007, 02:39 PM   #9


الصورة الرمزية ,بـابـاتـيے,

بيانات اضافيه [ + ]
 رقم العضوية :
 أخر زيارة : 01-01-1970 (04:00 AM)
 المشاركات : n/a [ + ]
لوني المفضل : Cadetblue
افتراضي رد: رابع ايام العرس تقوووول احب غيرك



الصراحه قصه مؤثره واعجبتني الصراحه

مافي بعد حلقات ثانيه من القصه والله عجيبه

يسلمووووووو اخوي عالقصه


 


رد مع اقتباس
قديم 11-30-2007, 04:41 PM   #10


الصورة الرمزية Emba3 Śťŷĺě
Emba3 Śťŷĺě غير متواجد حالياً

بيانات اضافيه [ + ]
 رقم العضوية : 3792
 تاريخ التسجيل :  Nov 2007
 العمر : 37
 أخر زيارة : 12-11-2007 (05:59 PM)
 المشاركات : 7 [ + ]
 التقييم :  10
لوني المفضل : Cadetblue
افتراضي رد: رابع ايام العرس تقوووول احب غيرك



وانا اقرأ القصه جانــے نــــــــــوووم ههههههههههههـ
القصـــه حلوووه ومأثرة
يسلمــوواخوويـــــے علـــــے القصه


 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية

Bookmark and Share


الساعة الآن 06:16 PM

converter url html by fahad

 



Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
منتديات دمعة وله - منتدى دمعة وله - دمعة وله - دردشه صوتيه - شات دمعة وله - شات صوتي - سعودي كام - شات بنت ابوي - شات دقات قلبي