رجال قنوع

يالطيف الروح حبك نابت ٍ بين الضلـوع
مثل غرس ٍ نابت ٍ في وادي ٍ ماباح مـاه

تربته من قلبي المجروح وماه من الدموع
والضلوع اللي سكن فيها تصونه وتحَماه

عاش في ذيك الليال الماضيات اللي تروع
بين هم وبين حزن وبين خوف وبين آه

حافظينه بالسنين وبالشهور وبالسبـوع
ماحد ٍ يدري عن اللي شايله قلبـي وراه

وانت ناوي بالقطيعه مانشوفك يالقطـوع
ناوي ٍ تذبح خفوقي واعنا قلبـي عنـاه

ماترجينا الطماعـه والطماعـه للطمـوع
شوفتك عندي تراها مكسب القلب ودواه

والله اني يالطيف الروح رجـال ٍ قنـوع
ماطلبتك غير نظره من بعيـد وبالعبـاه

والعواذل لاتحط اذنك لها عبـد ٍ سمـوع
كل عاذل يالطيف الروح ياكلـه حصـاه

الموضوع الأصلي: رجال قنوع || الكاتب: نايف || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

v[hg rk,u v[hx rk,u

منتدى دمعـــة ولـــه - الشعر وعذب الكلام- Poetry Section

---

v[hg rk,u v[hx

وانت ناوي بالقطيعه مانشوفك يالقطـوع
ناوي ٍ تذبح خفوقي واعنـا قلبـي عنـاه

ماترجينا الطماعه والطماعـه للطمـوع
شوفتك عندي تراها مكسب القلـب ودواه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,

أخــوي نايف
صــ لسانك ــــح
واللــه يعطيك الف عافيه على هالطرح الرائع
وعلى هالقصيده المميزه ,, ولا هنت يا الغالي

تقبل خالص شكري وتقديري
وحيــــد

صح ألسانك أخي نايف قصيدة قمة في الجمال كلمات أخاذه وتناغم جميل
سلمت يداك وبانتظار جديدك
تقبل تحياتي

نايف انت رائع ... استمر كتاباتك جداً ممتازه .

استمر في النبطي .. جميل عليك جداً .

احترامي ،،

صح بدنك اخوي وحيد
ولاهنت على مرورك
تقبل تحياتي واحترامي

صح بدنك اختي السفيره
والجميل والرائع هو مرورك وردك
تقبلي تحياتي

اخوي فواز
انت الأروع
وان شاء الله راح نستمر
الله يعطييك العافيه
ولاهنت ياالغالي على مرورك

يا الله يا الله يااخ نايف صح السانك ولا هنت


يا إلهي ما أروعها من قصيدة


النظمـ رائع و الوزن مذهل الجمال


و دفء الاحساس فيها رائع


سلمــت دياتكـ يا شاعرنا الغالي


و الله يعطيك الف عافيه


و ربي روعـــه
تحيااااااتي لك

اختي انجال الغضب
الرائع والجميل مرورك الذي اضفى على مشاركتي النور والتميز
تقبلي ياالغلا خالص تحياتي واجمل واصدق امنياتي بالتوفيق والسعاده

مشكوووووووور اخوي نايف

ويعطيك العافيه