بوسعد: ( بوسعد يحدث نفسه )
سعد قال حق تجار اللولو اللي على المركب الهندي كلهم انه مستعد يشتري
كل اللولو وسلمهم فلوسهم اول ما يوصلون الهند .. وكل التجار عطوه اللولو

نصيب: لان خدامه غلط وقط اللولو في البحر وعقب ماوصلو الهند .. محد عنده لولو الا التاجر بن عصفور ..
رفع سعره على كيفه وباعه بزود عن السنه اللي قبلها ..وعطا الناس فلوسهم ..
وعوض قماشه الي راح في البحر اضعاق

بوسعود: تدري اني شقت سعد في المنام بدال بن عصقور وانت كنت خدامه

نصيب: هذي سالفه قديمه ياعمي ..

بوسعد:اسمع يا نصيب روح شوف وشصار حق طفله لا يكون هالاتراك ايسون لها شي



نصيب: لا ما يقدرون يسون لها شي دام خلف بن حسين في البلاد

بوسعد: رديت على سالفة خلف بن حسين


نصيب: من انت ؟


بوسعد: جن يا بن عثمان جن ويحسبك خلف بن حسين


بوسعد: زين جذيه يا مخبل

نصيب: ماجاوبني

بوسعد: تدري عاد هذي اللي بتجاوبك ( برفع العصا يهم بضرب نصيب .. يهرب من امامه )
والله ان ما جزت عن هالسالفه لا ربطك مع النخله وخلي هالعصا تشبع منك

نصيب: خلاص توبه .. توبه



جسمان: الله يهديك ياعم ( يمسك به ) وشصارفي هالدنيه وشبلاك يا بوسعد في كل صوب
مشكله طفله ضاربه مكرود من الاتراك وانت تلاحق نصيب بالعصا ..وعواد سيلوا دمهيا بوسعد..

بوسعود: ووين طقله الحين ؟

جسمان: طفله في بيتهم وسعاده فرشت بسطتها جدام الباب وتنادي على اغراضها

بوسعد: جدام بيت طفله؟

جسمان: نعم يا بوسعد

بسعد: والشرطه

جسمان: محد امبين منهم


عواد: ( موال )
باعلمكم اذا صك الحلق البطان
لا معلم ولا سفان
يعدل ميله المايل
باععلمكم عن المقهور والعايل
عن المجنون والعاقل


جسمان: تعال .. تعال ياعواد ( يعود ) لا حوله ولا قوة الا بالله .. دمه ينزف ولا راضي حد
يداويه ( صوت عواد ياتي من بعيد ) وشصار لك يا ام الحصى

بوسعد: من يوم راح سعد وانا ..


سعاده : دردابيس ..دردابيس .. جاسم يانا من الخيس


بوسعد: سعاده شتقول يا جسمان؟

جسمان: وشدراني يابوسعد حتى غنا سعاده تغير اتقول كلام عجيب ..
اول مره اسمع هالاغنيه .. وحد يبيع لحد هالوقت

بوسعد: حسبي الله ونعم الوكيل .. حسبي الله ونعم الوكيل يله ..يله يانصيب .. الدنيا ليل ..


نهاية الجزء الثاني

ارجع وكرر ارجو عدم التعليق او الرد ع الموضوع لين اخلص كل الروايه عشان ما يتخربط تسلسل الروايه
ولكم جزيل الشكر

تحياتي
عبدالله ياسر التميمي