09-13-2008, 10:30 PM
|
#1
|
|
بيانات اضافيه [
+
]
|
|
رقم العضوية : 209
|
|
تاريخ التسجيل : May 2006
|
|
أخر زيارة : 05-07-2011 (04:01 PM)
|
|
المشاركات :
103 [
+
] |
|
التقييم : 10
|
|
|
لوني المفضل : Cadetblue
|
|
الفـ’ـخـ’ـرٍِ
أنـا ربتنـي الدنيـا علـى جـزل العطـا والجـود ***ونفسي للوفا والطيب وفعـل الـخيـر جزامـه
وأعارض منهج الهابـط وأوافـق للصعـود صعـود ***وأسيـّر نفسـي بعقلـي مـدام النفـس هدامـه
ولا تثّـر بـي البسمـة ولا كحـل العيـون السـود ***ولا يقوى على قلبي صغيـر الحسـد وأجسامـه
أردّ الجـود بأمثالـه وأقابـل بالـجحـود جـحـود ***وترى لا خير في رجلٍ يوطّـي للـردى هامـه
وعندي مـع أهـل العِليـا مواثيـق وثـلاث عهـود ***أوفـي لـه مطاليبـه وأودّه وأرفـع أعـلامـه
أعايـش مركـب الدنيـا علـى متـن القـدر مولـود ***أبعرف هو صحيح إنّ القـدر بالنـاس دوّامـه
ومن وين الزمـن مقبـل وإلـى ويـن الليـال تقـود ***ومن في هالزمن يقدر يوجّـه خطـوة أقدامـه
ومن له بالزمن غايـة ومـن عنـده هـدف منشـود ***ومن منّا قـدر يعـرف خفايـا مقبـل أيامـه
عرفت إنّ الشقـا باقـي ، عرفـت إنّ الحسـد موجـود ***عرفت إنّ القدر يفرض علينـا بأسـوأ أحكامـه
لقينـا العـرب حاسـد وشفنـا بالـعـرب محـسـود ***وبه ناسٍ لنا ضامـت ، وبـه بالنـاس منظامـه
وينقـص بعضنـا خـوّه وينقصنـا وفـاء وعـود ***مـدام الحسـد باقـي وبعـض النـاس نمامـه
ولا ترجى بها الدنيا مـن ربوعـك يجيـك اسنـود ***ولا تشره علـى رجـلٍ عيونـه خانـت أقدامـه
وقابل خطوة بخطـوة وجـازي بالصـدود صـدود ***تناسى غلطة الصاحب عليك بلحظـة اخصامـه
ولا تخطي ترى لصبر الحليـم اليـا سـلاك حـدود ***تروّى واعرف بضـرب الحديـد تفكـك لحامـه
تجنب كسرة الخاطـر ولـو حبـل الزعـل مشـدود ***تراك بكسرة الخاطـر حكمـت القلـب بعدامـه
ولا تزعل على رجـلٍ بـذل لـك ولرضـاك جهـود ***ولا تامن من الحاسـد رضـاه ورفعـة ابهامـه
نبـي نصبـر علـى الدنيـا قلـوبٍ بالحيـاة زهـود ***مدام إنّ البخـت عيّـت توّفـق رمعـة سهامـه
وأنا مـا قلتهـا راجـي ولا أطلـب بعدهـا مـردود ***ولكـن الـفتـى ودّه يحقـق جملـة أحـلامـه
وبمشـي لآخـر الدنيـا ولـو كـلّ الأنـام اقعـود ***وعن وجه الزمن بكشف حقيقـه وأرفـع الثامـه
صحيح إني صغير السـن ولكـن قـدها وقـدود ***وأنا عندي مـع الدنيـا مواقـف ترفـع الهامـه
طموحـي يملـي العالـم ولابـه للطمـوح قـيـود ***مدام إن الأمل طبعي عرين وصرت ضرغامه
خلقنا اللـه مـن ترابـه ولأحضـان التـراب نعـود ***تحت رمل الثرى نبقـى تغطـي جسمنـا خامـه
سلفنـا مـا لحقناهـم تحـت قـاع الـتـراب رقـود ***ولا يبقي من الميـت سـوى ذكـراه وعظامـه
ولو طال العمر فاني وترى عمـر الفتـى محـدود ***وكـلٍ يطلـب المولـى يبيحـه يحسـن ختامـه
وأنـا بلّغـت بلسانـي وربـي والأنـام شـهـود ***وصحف البيّنة جفّـت وعنهـا رفعـت أقلامـه
hgtJMJoJMJvAS
hgtJMJoJMJvAS
|
|
|
|