اللهم ارحمنا برحمتك ياحي ياقيوم
دائماً نحتاج لمناجاته عز وجل عسا الله ان لا يحرمنا مغفرته ورحمته ووالدينا والمسلمين..
كما هي لكم ..
يارب .. سامحني وانا كلي ذنوب
واغفر ذنوبي ياعظيم الجلالي
في كل يوم اقول باتوب باتوب
ويغرني وقتي وطول اليالي
ادري بأن الموت له وقت مكتوب
في ساعةً ماعاد فيها توالي
في ساعةً وش فايدة دمع محبوب
وش فايدة عمي وابوي وخوالي
امر ونفذ وانا على الأمر مغلوب
مابه نجاة (( الموووت )) يا بري حالي
يا رب ترحمني وسهل لي دروب
الخير كله بالفعل والمقالي
من قبل حفره والحصا فوق منصوب
وموادع اغلى ماعرفته وجالي
كم روح ساعتها وكم روحً تذوب
على فراقي يوم وقت الزوالي
يبكوني ايام وليالي ويا دوب
فتره وينسوني ولا به سؤالي
يا رب ساعتها وش اقول وانوب
وش عذري أن كان العذر له مجالي
فيما فعلت وقلت بالصبح وغروب
والوقت عدا غفلتً ما طرالي
وين القصيــد ووينها كل رعبوب
والرجل سجتها جنوب وشمالي
اما ظلام وداكن وعقل منهوب
والا رياض تشرح اليوم بالي
يارب .. لو جيتك بمليون عذروب
رحمتك انا عبدك عليك أتكالي
يارب .. سامحني ترى كلي ذنوب
رحمتك ياربي عظيم الجلالي
_(( dhvf shlpkd ))_
_(( dhvf shlpkd ))_