وش فايدة كثر الغلا لو كسى الكون
...............................والا بـقى بيـن المعـالـيـق لاجـي
والا بعــد لاعــلنـتها قـدم مـليـون
...............................والا بقت باقصى الضماير تناجي
والا انفردت اعن البشر وين ماتكون
...............................او شـاركـوك بمـايعكر مــزاجي
قلها صريحه شالنتايج وش تكون؟؟!!
...............................تراي انا كنيت خـاف انزعاجي
وغلاك ثاني عام بالصدر مدفون
...............................مابحت به بين الملا وقـلت تاجي
ورضاك لو هو دمع ساكبته عيون
...............................افـداك فـيه بضحكتي وانبلاجي
اخـاف حسـاد المـلا يوم يـدرون
...............................دونك تحـل رماحـهم باندمـاجـي
ويفســد غلا لله بالاعماق مكنون
...............................ويبنى على حلمٍ له سنين راجي
لجل كذا بيني وبينك عن عيون
...............................تهوى النكد كنيت خاف الملاجي
وحطيت نفسي في مواقف لك تكون
...............................لرضاك لو صدري همومه تعاجي
ولاتقول: (قل للعاااالم اغليك) مجنون
...............................قــل وحــد الله واطـلب الانفــراجي
والا الغـلا مافـك بالسـجـن مسـجـون
...............................اتـقـطــع قـلـوبٍ لخـرجـاه راجــي