ملامح خجوله










ان كان به في خاطرك شي قوله
.................مبطي وانا عن عالم العشق منصاع



ماودي افتح باب مابه سهوله
.................صكه وانا في ضامري كل الاوجاع



قبل الوداع اللي سمعنا اطبوله
.................وقبل الفراق اللي للارواح نزاع



ترى خفايا الشوق جاني رسوله
.................وقلبي قرى همسك وفي كل الانواع



وشكلك عطا قدمي ملامح خجوله
.................تمثلت في ملتقى الشعر مرباع



والشاعر ان فاضت خوافيه يوله
.................لو كان ماوده يقولون ملتاع



يكمى ويغلب طابع الشعر حوله
..................ويصور الواقع بخافيه لاماع



هذا هو الشاعر وهذي عموله
..................تبين باشعاره خفيات الاوجاع



وانا غلاك اواجه اصعب احلوله
.................تلاطم امواج الغلا بك وتنلاع





وتسوقني لك روح يمك مثوله
..................ويصدني سلم العوايد والاطباع



وهذا بلا روحٍ يقال مهبوله
..................امهارها في ملتقى شوفك جياع