هذه قصيده منقوله للشاعر عبدالله الرقاص..
ياصاحبي شفت الجبال اللي لها شمخٍ طويـل
كلاً يبي يطلع لها .. ولاله جدى كود النظر !!
هذا أنا مثل الجبل شامـخ وراسـي مايميـل
لـي هامـةٍ مرفوعـةٍ ماتنحنـي ولاتنكسـر
لي منزلٍ عند النجوم الشامخه كنـه سهيـل
نهضت راسي .. ولارضيت بظلم ماسأة الدهر
لا كبرياء .. ولا غرور لكن رفضت أحيا ذليل
فطره ربت في داخلي تبقى معي طول العمـر
هذا أنا ماردني جـور الزمـن والمستحيـل
وصلت صعبات النوايف ولا أنحنى فيني ظهر
عزيت نفسي والمواقف ماتبي رجـلٍ هزيـل
ورفعت قدري باسقٍ راسي وأنا وسط البشـر
طبع الجدود اللي صعب تلقى لهم ند ومثيـل
يشهد لهم تاريخهم .. وأفعالهم فيهـا أفتخـر
الطيب فيهم والكرامـه برهنـت رد الجميـل
ربعٍ تعلا صيتهم أقصـى حـدوده وأنتشـر
تسمع صقيل سيوفهم وخيولهم تصهل صهيل
واللي زبنهم بالمواجه لازم أنـه ينتصـر !!
ماتهزهم سود الليالي .. والعزم سيفٍ وخيـل
قومٍ شديدٍ باسهـم وقلوبهـم طيـب وصبـر
وهذا أنا مثل الجبل شامخ ورأسـي مايميـل
وأبشّرك لي هامةٍ .. ماتنحني ولا تنكسـر !!
اتمنى ان تنال إعجاب الجميع..
الــشــshalal ــلال
hgk[JJJ,l hgAJJaJJhlJJoJJm
hgk[JJJ,l hgAJJaJJhlJJoJJm