مشكووووووووووووووووور اخوي نايف على الموضوع الرائع
وهذا اخر مسج وصلني
من عز نومي صحيت وشفت في عيني
دمع تهادى على جفني وانا غافي
سترت دمعي بكمي قبل يغريني
واخذت هذا الجسد من باقي لحافي
وسريت ورى خطوات رجليني
لا الوجه وجهي ولا اوصافي هي اوصافي
امشي واقول لطريقي لا توديني
لعيون ناس تبي تدري عن الخافي
امشي واحس الخناجر في شراييني
والبرد يمشي وراي وينهش اطرافي
وحيد واليل من دونه يغطيني
تقول كن البلد روح بها السافي
الين ما أوحيت لي صوت يناديني
صوت أعرفه مثل ما اجهل وش خلافي
قمت اتلفت و أنادي لا تخليني
ما غيره الصوت هذا صوته الدافي
ولمحت زوله من اقصى الدرب لافيني
مدري وش أقول لكن حي هااللافي
تعال شف غيبتك كيف أثرت فيني
تعال شفني و أنا الغرقان عقب مجدافي
تعال خذني و رحب بي من عناويني
تعبت أعدي على جمرك و انا حافي
تعال واقطف بصوتك زهرة سنيني
" كل المواعيد عقبك شمعها طافي"
تعا وشفيك خايف ؟؟ انت ناسيني؟
قطعت صوتي عليك وطال ميقافي
حتى بديت أشعر أن الحب معميني
و أن انت حلم عثى فيني و أنا غافي
بصدق الحلم و أحذر لا تصحيني
في خاطري كلمتين ان قلتها كافي
أمانه عليك ان غبت عن عيني
لا يكون قلبك مثل قلب الزمن جافي
مع كل دمعه تذكر رعشة يديني
و مع كل ضحكه تذكر قلبي الوافي
هذا اخر ما وصلني ... هي صح طويله
بس جاتني mms
انشاءالله تعجبكم
|