منتدى دمعـــة ولـــه - عرض مشاركة واحدة

10-23-2011, 10:14 PM

من عيوني

من عيوني كل ما تامر عليه..
غير قلبي وش تبي من وجاك..
قلبي اللي من عرفتك وانت فيه..
ماخذه مني قبل ما أقول هاك.
ليه ما تامر وانا ما اعطيك ليه.
من هو اللي لو طلبته ما عطاك..
فدوةٍ لك كل عمري لو تبيه..
والعمر وش قيمته لولا هواك.
انت تامر والرضا منك اشتريه.

عاشقك همه بهالدنيا رضاك.
ليه ما تامر وانا ما اعطيك ليه.
من هو اللي لو طلبته ما عطاك..
حلمي اللي عشت عمري ارتجيه..
انت وانت اللي في حياتي رجاك..
ابتديت الحب معك وبنتهيه.
ما ملا عيني ولا قلبي سواك.

ليه ما تامر وانا ما اعطيك ليه..
من هو اللي لو طلبته ما عطاك..
من تظم ايديك يا شوق بيديه..
وش عليه و لو خسر روحه فداك..
ليه ما تامر وانا ما اعطيك ليه..
من هو اللي لو طلبته ما عطاك..

من عيوني كل ما تامر عليه
غير قلبي وش تبي منّي وجاك

اعلنت لك حبي

اعلنت لك حبي و تالي انسحابي
من قلبك القاسي و قلبي جبرته

حبٍ غفيف وافي ما يعابي

حبٍ كتمته وسط يوفي و صنته

علقت فيه امال عمري و شبابي

ياما تمنيته و ياما انتظرته

حبٍ سكن ما بين جفني و هدابي

الله ما تتصوره لو وصفته

لا واعذابي بالضماير سطابي

بيدك حييته ثم تالي ذبحته

ضحيت لعيونك و سكّرت بابي

عن شوف غيرك و الغرام اعتزلته

رسمت لك لوحه و صارت سرابي

بيّنت لك خافي شعورٍ كتمته

هذي النهايه يا مسبب مصابي

سامحك ربي في فؤاد حرقته

واعدتني بالفرح

واعدتني بالفرح تمّيت سهرانه..
وقليبي مل الصبر والروح ولهانه..
حالي مثل طيرِ غدا مقصوصه جنحانه.
لا شفت منك الفرح ولا الفرح جاني..

لبست من فرحتي لك أجمل ثيابي..
تميت انا و دمعتي معلقه فبابي..
مقسوره بين الأهل و الناس و أحبابي..
لاشفت منك الفرح ولا الفرح جاني..

كني انا والحزن موعوده في هاليوم..
ما شلت انا دمعتي الا لمثل هاليوم..
وين انت ياذا الفرح ما ابيك هذا اليوم..
لا شفت منك الفرح ولا الفرح جاني

يا مرحبا

يا مرحبا يا حيه الفال .. اللي نسيمه ينعش الروح
غضٍ غضيض الطرف والحال .. سده غزير و مبعد الصوح
عديم ماله في الملا امثال .. لي بالحسن فايز وممدوح
رموش عينه مسويه ظلال .. القلب منها صابه الموح

ومجدلٍ يكسيه ليال .. غربل وفي ال...مملوح
مع النسيم لي مشى مال .. والطيب من اردانه يفوح
لشيفته تبري من العلال .. لو هو سبب ما بي من جروح
ريمٍ عن القنّيص يفّال .. يرعى قفور رمال وسيوح

هذاك اللي يشرح لي البال .. ويفرج الضيقات والنوح
ودّه سكن في القلب محل .. شيّدت له بنيان وصروح

دروبي ملت الآهات

دروبي ملّت الآهات و عيوني ملّت الدّمعه
معاك إنت مضى عمري بحزن و عتاب
صبرت أكثر من اللازم و صبري بان
يضلّلنا سقف واحد و احنا نعيش أغراب

أنا يا بعد عمري ما عمري أنا في يوم حسبت للوقت هذا حساب
أنا يا بعد عمري ما عمري انا في يوم تصورتك تكون كذاب

أنا ياللّي بخيالي كنت أمل و أحلام
أثاريني تعلقت بسراب و أوهام

أماني عمري تسرقها ولا تحسب لي أي حساب
معاك إنت مضى عمري بحزن و عتاب

صبرت أكثر من اللازم و صبري بان
يضلّلنا سقف واحد و احنا نعيش أغراب

تذكّر عشرتي و دربي تذكّر إنّنا في يوم سوا كنّا نعيش أحباب
و إذا ما وافقك حبي لا تطوي زمانٍ راح و احسبني من الأصحاب

ألا ياللّي لجل عينك أنا ضحيت
جذي فيني جذي يا للأسف سويت

أماني عمري تسرقها ولا تحسب لي أي حساب
معاك إنت مضى عمري بحزن و عتاب

صبرت أكثر من اللازم و صبري بان
يضلّلنا سقف واحد و احنا نعيش أغراب