|
رد: مسلسل ( تعبت أشكــــــي)..
الحلقة الثانية 
ادري انيي طولت عليكم
ومرت الأيام والسنين وصار عندهم بنتين الي هي (حنين)عمرها 24سنه مأخذه بكالوريوس رياضيات وتدرس دروس خصوصيه
و(العنود)وعمرها18 سنه ثالث ثنوي علمي
(عمر)وعمره 17سنه ثاني ثانوي علمي
(سمر)اخر العنقودعمرها 5سنين......
الأحد السادسه والنصف صباحا
العنود\يمــه يمـــه
دخلت حنين الغرفه\وشفيك تصارخين كأنك ضاربك بليس؟؟؟
العنود\مـالك شغل ليه أصارخ.. انا ناديت امي ماقلت حنين..
حنين\طيب يالعنود انا اراويك وبعدين لا تجين وتقولين لي حنين حبيتي عطيني مكياجك ولا حنين عمري عطيني استشوارك
وطلعت حنين من الغرفه وهي معصبه وبعدها على طول اطلعت وراها
العنود ونقزت في ظهرهاوقالت \حنونه لاتزعلين مني والله اسفه انا كنت معصبه لأن مريولي مالقيته وبس وحطيت حرتي فيك تكفين لاتزعلين انا بدونك ماسوى نص ريال في سوق الحراج و..
حنين تقاطعها\خلاص حبيبتي لاتذلين نفسك أكثر من كذه واذا تبين مريولك تراه هوفي الصاله لأني كنت أكويه لك ياغبيه
العنود\ اذا كل يوم بتكوين مريولي اصير غبيه واللي تبينه بعد وتسلمين يابعدطوايف وقلب وروح وجدة وخالة......
حنين تقاطعها \ بس بسس اذتينا على الصبح يالله صباح كريم .... اقول عنوده تسمعين اللي اسمعه؟؟هذاصوت امي تصحي عمر؟؟
العنودبأبتسامه خبيثه\يالله حان وقت العمل...فيني حره وودي اطلعها فيه
دخلوا غرفة عمر وهم حاملين بأيديهم سطل ماي بارد(الله يعينك عمر)
ام حنين\يمه عمر قوم يالله صل الفجر علشان تروح المدرسه
العنود وحنين\يمه عنك احنا بنقومه روحي خذي الدوا و جهزي الفطور
ام حنين\بسم الله الر حمن الرحيم من وين انتوا دخلتوا؟
العنود\ من وين يعني يمه من الباب
ام حنين\طيب صحوا أخوكم بس و بلا دفاشه زايده عن اللزوم
حنين\انشاء الله انت تأمرين امر يالغاليه
طلعت ام حنين من الدار وعلى طول عدوا 1\2\3وكبوا الماي في وجهه
عمروهو يصرخ\الله يأخذكم يالحميرليه تسون كذه؟؟؟؟؟
العنود\بس علشان مره ثانيه تصحى بسرعه o.k my brother…
عمر\هين والله لراويكم الشغل عدل وحده بوحده واللي بادي أظلم ياللي ماتستحون................................
حنين\يمـــه خرعتني اقول بس قم بسرعه تأخرت على الصلاه والمدرسه
عمر\زين زين فكوني من حشرتكم طلعوا بره
وبعدها راح كل واحد منهم لدربه
وصحت سمر من النوم وطلعت من الغرفه وراحت الصاله وشافت هناك امها وحنين............................................. .....................................
واللي يشوف شكلهايموووت من الضحك لأن طالعه زي المهرجان الكشه ناطه والعيون والخشم منتفخين
سمر\ماماتي وين عنوده وعمر؟؟؟
ام حنين \حبيبتي راحوا المدرسه
حنين\سموره تعالي
وعلى طول ماصدقت خبر سمر طارت لحظنها
سمر\حنين انا احبك
حنين\وانا بعد يالله عطيني بوسه
وعلى طول حبت سمر حنين بقوه وبعدين عظتها
حنين\اي حرام عليك ليش تعظيني؟
سمر \عنوده تقول كذه
حنين\لا والله
سمر\اي والله
حنين\يمه شوفي بنتك فشلتنا كل تعظظ البزارين اللي في حارتنا علشان الانسه عنود معلمتها هالحركه
ام حنين\لا عاقله سمر ماتسوي هالحركات صح سمر؟؟
سمر\صح ام حنين\ يالله حبيبتي روحي شوفي MBC3جابوا الكارتون اللي تحبينه
سمر\طيب ماما
حنين\اقول يمه وش قلت نروح بيت عمي والا لا؟
ام حنين\والله مدري انت شرايك؟؟
حنين\انت قلت لأبوي ؟؟؟
ام حنين\ايه قلت له وهو بيروح
حنين\طيب انا لازم اخذ اخواني واروح السوق عشان نشتري للعزيمه
ام حنين\ليه ياحنين؟؟ ماله داعي تشترون ملابس جديده وانت تدرين بالحال...
حنين\ ولو يمه مافي أحد أحسن من أحدوبعدين مابي أخواني يحسون
ان هم احسن منا انا على الاقل انا فاهمه بس اخواني صغار ومايفهمون وأكيد بيحسون بالنقص
حنين\يمه تصدقين انا اصلا مستغربه بالعزيمه المفاجئه ....غريبه هم
أصلا مقاطعينا من زمان ولايعترفون فينا ولا في ابوي كيف يعزمونا الحين؟؟؟؟
ام حنين\ والله مدري يابنتي اكيدالله هداهم واعترفوا بغلطهم ويبون يصلون الرحم بعد القطيعه
حنين\كل شي جايز اقول يمه انا بروح انام شويه واذا جاوا البنات صحيني علشان ادرسهم
ام حنين\انشاء الله
حنين\يمه شفيك تعبانه خذت دواك
ام حنين\ أي حبيبتي خذته روحي ارتاحي
حنين\ اكيد مافيك شي؟؟
ام حنين\ايه اكيد
حنين\طيب انا بروح الحين
دخلت حنين غرفتها وسكرت الباب وراها وهي مره حزينه لأنها تذكرت ذاك اليوم وعمرها مابتنساه طول العمر يوم ابوها
طرشها بيت عمتهاالظالمه علشان تطلب منها فلوس ليشتري فيه السم
الملعون (الخمر)اللي ضيع حلال ابوها كله تذكر ذاك اليوم وكأن صار امس
تذكر ذاك اليوم اللي سمعت فيه انواع الأهانات والتجريح تذكر قسوة
الدنيا عليها وعلى أخوانها بس دائما كانت تقول الدنيا دواره والله على الظالم..........."
انتظروني
وين البقية ماعجبتهم أجل 
أحساس
|