خايف عليك من الزمـن والمقاديـر
خايف يدور وياخـذك مـن يدينـي
وتروح قرطاس(ن) بوسط المعاصير
وأعيش مع ذكـراك كنـي سجينـي
والطير بلا جنحان ما يقـدر يطيـر
مثل الخلوج اللـي تجـر الحنينـي
وأبا اتمنـى والمنـى مابـه الخيـر
لو هو على كيفي مابـي تتركينـي
بعدك أحك الجرح بروس الأظافيـر
ولا يطيب جرحي لـو أرد الونينـي
ولاينفع المشتـاق كثـر المخاسيـر
كود الزمن والحظ الاقشـر عوينـي
ياصار حظك شين ماتواصل السيـر
تاقـف وتصفـق باليسـار اليميـن
وياحش قلبي حش عوج المناشيـر
والله يستـر وش بعدهـا يجيـنـي
أكيـد عقلـي يختلـف بالتفاكـيـر
تفكيـر عالـم بالسياسـه حصينـي
يدري وش اللي بدولته وده يصيـر
ولاحد(ن) سمع وش قال ماله عويني
ياوجد حالي وجد من طـاح بالبيـر
ما مات لكـن شـاف لـه حيتينـي
رقط الظهور بطونهن به عصافيـر
جنـه ولايقـدر علـى كـل شينـي
تخيلوا وش صـار لـه يالمناعيـر
واللي حصل لـه داخلـي يحتوينـي
صفت هموم القلب صف الطوابيـر
خايف عليهـا تنفلـت مـن يدينـي
لو كنت أعبـر مـا تفيـد التعابيـر
يكفي على شكلـي ملامـح حزينـي
d;td ugn a;gd lghlp p.dkd Nghld p.dkd d;td a;gd ugd
d;td ugn a;gd lghlp p.dkd Nghld ugd