بيانات اضافيه [ + ]

رقم العضوية : 72  تاريخ التسجيل :  Feb 2006  العمر : 39  أخر زيارة : 06-26-2009 (04:18 PM)  المشاركات : 229 [ + ]  التقييم :  10

لوني المفضل : Cadetblue

صبحكم الله بالخير حبايبي اليوم راح اكمل تنزيل باقي القصه دفعه وحده لاني يمكن مادخل النت مره ثانيه وانا عطيت الاعظاء وعد اني انزلها كل خميس بس اخاف ظروف ماتساعدني
بسم الله نبداء
ـــــــــــــــــــــــــــــــــــــ
اليوم الخميس الساعة 1ونص الظهر نوف وعمها مشعل بالمطار نادوا على الرحلة وقامت ركبت الطيارة وهي ساكتة,,,,,,,,,

وصلت الطائرة إلى ارض المطار ونزلت نوف منها وجلست في صالة الانتظار إلى حين انتهاء إجراءات أوراقها وحين انتهت الأوراق مشت في ممر القادمين وفي نهايته كانت عمتها هيفاء وبنتها نوال وولدها عيسى ........
هيفاء:الحمد لله على السلامة تو مانورت الكويت
نوف ساكتة وعمها مشعل يرد :الله يسلمك ومنورة بوجودك ...
نوال تسأل نوف:شخبارك؟؟وايش فيك متغيرة كذا؟؟تعبانه فيك شي؟؟
نوف تناظر لنوال:اسكتي ترى مالي خلق أتكلم الحين خليني أريح أول وبعدين أقولك كل شي...
نوال:طيب اوكيك بس لاتظربين(تقولها بمزح)
مشعل:يلا اكملك الأخبار بس من أول ما نوصل البيت
هيفاء: خير انشالله يلا نروح
وهم بالسيارة نوف عينها ما نزلت من شباك السيارة تتأمل الناس إلي يمشون برا شوي إلا عمتها هيفاء تقول لها:
نوف ترى أمك اليوم كلمتني وبلغتني بوصولكم وقالت لي ما تبي احد يدري انك وصلتي الكويت وين تبين تروحين؟؟
هيفاء:أي أمك تعرفين الناس وخرابيطهم مالها خلق سوالف قالت لي انك جايه على شان البحر....
نوف: أي يا عمه والي يسلمك أبي أروح البحر مابي أروح مكان غيره
الكل استغرب بالعادة نوف أول متوصل على طول تفرفر بالأسواق والمجمعات بس هال مرة غير كل مره ليش؟؟الكل صار يسأل
هيفاء:مجيب؟؟روح الشاليه...قصدها السواق
وطول الطريق نوف ساكتة ما تكلمت وصلوا الشاليه أول ما وصلوا فتح لهم الحارس الباب ودخلت السيارة نزلت نوف من السيارة حست بشعور غريب أول مره تحسه
حست بألم في معدتها .
دخلوا الفيلا إلي بالشاليه جلسوا يسولفون ويضحكون ويأخذون أخبار بعض
بعد ساعة من الوصول صار وقت العشاء راحوا تعشوا وخلصوا وبعدها جلسوا يشربون الشاي ولما خلصوا عمها مشعل قالها:
نوف تبين تجلسين هنا؟؟وإلا تروحين بيت هيفاء؟؟
نوف:لا عمي بجلس ما بغى اطلع من هنا
مشعل:طيب براحتك.
طلع عمها مشعل وعمتها وراحوا البيت وظلت نوف ونوال بالشاليه و جى ولد عمتها خالد عشان يقعد معاهم طلعت نوف تتمشى على البحر و أول ما طلعت من الشاليه على البحر على طول كانت تمشي لحالها ما معاها احد مره تمشي ومره تقعد ومره تسولف للبحر ومره تسكت ومره تبكي ومره تضحك ,,,,تبكي إذا تذكرت إلي تحبه طلال تبكي من القهر إلي فيها ومن إلي صار بينهم ,,,,وتضحك إذا تذكرت صوته بإذنها تضحك لما تذكره لما يقولها يا عنيده,,, يا دبدوبه,,,, احبك ,,,,,يوووووووووووووه احبك؟؟من زمان ما سمعت هالكلمه منه ليه صار كذا معاها ليش؟؟
الله اكبر يا وليـفي بعد ما كـنت وين
صار مالي في حياتك ولا موطئ قـدم
ردني لك لا خلاص أنت روح والله يعين
من علشانك يفض الجموع ويحتدم
خلني لي و أوعدك في مقابيل السنين
ما تمنى صعب..ولا اعشق..ولا أنصدم
أنت ما قصرت يا لغالي وعذرك سمين
وطول الله عمرك ولا خلا و لا عدم



تسأل نفسها وقعدت تتذكر إلي صار معاها الفترة إلي راحت والي قلبت حياتها فوق حدر,,,,,في البداية نوف في يوم دقت على جوال طلال وكان مقفل قالت اوكي يمكن نايم أدق عليه بعدين ورجعت بعد كم ساعة ودقت ونفس الشي مقفل تليفونه استغربت؟؟قالت إذا قعد وفتح جواله بيشوف المكالمات إلي دقيتها عليه ويرجع هو يدق ....مر أول يوم وليله وهو تليفونه مقفل ثاني يوم جربت تدق وكمان نفس الشي مقفل تدخل على النت وتدور عليه بالمنتديات إلي مسجل فيها و بالشاتات إلي متعودة تلقاه فيها إذا بغت في شي وكانت تسأل الكل عنه بس ما حد يعرف عنه شي ظلت تقريبا 4 أيام وهي بالحالة هذي و الأفكار توديها وتجيبها وينه؟وشنو صار فيه؟و ليش ما يرد علي؟أكيد بيسحب علي ,,,أي هذي حركات الشباب اعرفهم فجئه!!!تذكرت انه كان يدق عليها من رقم ثاني إذا انفصل رقمه الأول كان يدق منه ,,وكانت تبي تدق عليه وتذكرت شي!!انه أيام الحج كان طالع مكة وكان معاه صديقه وفي الزحمة طاح جوال صديقه في المويه وخرب وعطاه طلال جواله الرقم الثاني إلي كان يدق منه في حالات الضرورة ,,,,,,خافت نوف تدق عليه بينها وبين نفسها تقول:شنو راح يقول عني صديقه لو دقيت وسئلت عنه منو أنا عشان أدق واسأل عنه؟؟راح أتفشل وراح أفشله معاي قدام صديقه....بعدين قالت لا ما في إلا هو وخلي يقول إلي يقوله المهم اعرف شي عن طلال ....ثاني يوم لما راحت الجامعة تجرأت نوف ودقت عليه وما رد أرسلت له مسج تقول فيه:قبل ما تبدءا تذكرت انه قال لها إن صديقي هذا مطوع أول شي كتبته بالرسالة السلام عليكم اخوي (وهي قبل متعودة تكتب صباح الخير أو مساء الخير أو مرحبا أو هاي)كتبت ها لمرة السلام عليكم اخوي لو سمحت بغيت اسئلك عن طلال ما شفته ما تدري عنه و ما تدري ليش مقفل جواله له فتره؟؟؟ يا ريت ترد علي وشكرا,,,,أرسلت المسج وشوي يجيلها اتصال من صديقه ردت
نوف:الو نعم؟؟
صديق طلال:الو؟؟السلام عليكم
نوف:وعليكم السلام
صديق طلال:أختي أنتي إلي مرسله مسج تسألين فيه عن طلال
نوف:وهي مخترعه منه!!!إي نعم
رد هو: طلال ما غيره
نوف:أي نعم وكملت وقالت اسم عيلته تدري عنه شي اخوي لي فتره أدور عليه وأدق على جواله مقفل وما يرد
صديقه:لا والله أختي إنا مو موجود الحين في الدمام إنا الحين في إجازة وطالع برا الدمام
نوف: طيب اخوي مشكور ويعطيك العافية أزعجتك معاي
صديقه:أي خدمه أي شي ترى إنا جاهز
نوف:يعطيك العافية بس إذا وصلك خبر عنه ياليت ترد لي خبر
صديق: بسائل وبرد لك خبر انشالله الساعة 10 الضحى
نوف:أي ياليت ترسله مسج
صديقه:ابشري
نوف:مع ألسلامه
صديقه: مع ألسلامه
وقفلت نوف الخط من صديقه وهي تحس براحه شوي أنها قدرت توصله وعرفت شلون تجيه .
نوف دخلت المحاظره خلصت المحاظره وطلعت البريك وهي تفطر مع البنات صديقاتها وصلها مسج من صديقه يقول فيه السلام عليكم أختي أنا سئلت عن طلال و ما حد يعرف عنه شي بس انشالله خير ....
رجعت البيت وهي بالها مشغول عليه و الأفكار تجيبها و توديها وكل ما دق جوالها فز قلبها على بالها هو إلي يدق بس للأسف ما يطلع هو وتزيد خيبت أملها وظلت يومين أو أكثر وهي مزعجه صديقه مسجات تبي تتطمن على طلال وهو ما قصر يسأل عنه ويرد لها خبر و إذا طول مارد تزيد شكوكها أرسلت له مره مسج تقول فيه:أمانه طلال فيه شي أو لا والي يخليك رد علي وطمني وربي انشغل بالي قولي إذا فيه شي و ريحني بس لا تخليني كذا
يرد و عليها مسج:اطمنك طلال سئلت عنه وهو حيي يرزق و ما فيه إلا العافية بس يمكن مشغول وإلا شي
اليوم إلي بعده طول ما هي بالجامعة وهي تدق والجوال مقفل ولما رجعت البيت على العصر تقريبا دقت ولقت الجوال مفتوح انبسطت حيييييييل قالت أخيرا فتح جواله ولما رد عليها قالت:الو
ما حد رد عليها
نوف:الو؟؟؟
إلي على الخط ساكت
نوف: الوووووو؟؟؟
فجئه ردت عليها وحده قالت الو
نوف:انفجعت منو هذي إلي ترد على جوال طلال سكتت و ما ردت
شوي إلي يقفل الخط
وترجع تدق وترد عليها نفس إلي ردت أول مره
نوف ظلت تحاول تدق وتقول يمكن هو يرد ظلت ليله كاملة تدق ونفسها المرة هي إلي ترد
ثاني يوم الصبح أول ما راحت الجامعة أرسلت مسج لصديقه تقول فيه:أنا البارح دقيت على جوال طلال وكان مفتوح بس مو هو إلي رد علي وحده مره ردت علي أنت وصلت خبر عنه ما تدري وش إلي يصير؟؟
على طول صديقه دق:قال البارح وحده إلي ردت عليك؟؟؟
نوف:أي وحده ردت علي
صديقه:بس إلي اعرفه انه مو متزوج منو هذي؟؟
نوف:ما دري والي يخليك شوف لي وش السالفة
صديقه:ابشري أختي بيجيك العلم اليوم
نوف: مشكور يعطيك العافية مع السلامة
صديقه :هلا حياك مع السلامة
أبيك تشيل من قلبي معالم لوعة الحرمان
أبيك توقف بصفي إذا وقتي تحداني
أبيك الصاحب الوافي يحطني دايم بيمان
أبيك العاشق المخلص يشافي دوم عطشاني
أبي عطشك أبي قربك أبي حب كما البنيان
أبي قلبا كبير لأملاه الشوق ناداني
أبي اطلب طلب واحد رجيتك وهو المهم ألان
وأنا ادري مستحيل ترفض لأنك جد تهواني
أبيك تعيش في قلبي إذا تسمح مدى الأزمان
أبيك تشوف ما تملك في قلبي وما تعداني
ــــــــــــــــــــــــ