بيانات اضافيه [ + ]

رقم العضوية : 14698  تاريخ التسجيل :  Nov 2011  أخر زيارة : 10-27-2021 (03:27 PM)  المشاركات : 287 [ + ]  التقييم :  10

لوني المفضل : Cadetblue

يارب فك اسر عبدٍ في يدينك رجاه
........................وفــ يديك الامال وحبال الرجا معلقه


صعبت على العبد بارضك تحت كفت سماه
........................وثقلت عليه بوطا ارضك واصبحت مرهقه


صار الخُطا وقعها من صعب وقتٍ وطاه
........................اثقال لكن يقاوم والزمان اغرقه


هذا زمان الجمال الهيم نشفت لهاه
........................كيف آدمي بالزمن هذا المقام احرقه


والادمي مايتحمل وقته اللي كواه
........................زودٍ على مابه اسوت شمسه المشرقه


ماني بآله تحمل حسب صنع السواه
........................انا بشر مثل غيري والزمان اطرقه


لامن قست بي ظروفي قمت ادور نجاه
........................وان زادت شوي مثل اللي غرق بعرقه


قطعني احراج وقتي لين عفت الحياه
........................ابي آتجمل وصعبت زمرةٍ مرهقه


في كل يمٍ طريق وسكروه الرعاه
........................وفي كل باب ازلجو قفلٍ تقل باسرقه


ياحادي العيس غبّر وقتنا مبتداه
........................واصبحت انا بين هالسندان والمطرقه


شمس الامل كفونها قبل نلقِىَ هواه
........................واحلامنا اللي زرعنا تالفه محرقه


احاول اسبح بموجٍ ثار موجٍ وراه
........................وغرقت قبل اتوغل وادخل بمفرقه


خابت حظوظٍ بنينا بروجها بملتقاه
........................وتحطمت به صدوق الوقت في منطْقِه


عصرٍ ماهو لك غلط تحلم تربْى بصباه
........................وعمرٍ ورى عمرك اكبر من غلط تمرقه


لك حد خط احمر امش ولاتجاوز مداه
........................ولابه ورى الحد عمر تعيش به تسرقه


لان العمر لك مقدر من كتب لك حياه
........................لين اخر ايامك اللي موتك تصدقه


مابعدها تعيش عمر اخر ماتعرف خفاه
........................مـابـعــد سـكنا القـبـر حـيـاه تبـتـلـحـقـه




مابعد سكنا القبر غير العمل والقضاه
........................حياة برزخ ماهي دنيا بها هرطقه


وش له نسوّف تقل نجهل خفايا النجاه
........................مادري نكابر وخافينا الزمن يدرقه


يارب عبدك وصل في دنيته منتهاه
........................شارف على الموت والضيقات به تحرقه


ولافيه غيرك لعبدٍ غاية ومبتغاه
........................ارضاك قبل الممات وحلمه يحققه


ناصيك وانت العزيز اللي لمن في حماه
........................لاقلت للخير كون يكون بامر اسبقه


هون على عبدك المسكين حملٍ خذاه
........................وعبدك ضعيف وحموله عاتقه ترهقه


وسعيد من نال يارحمن بامرك رضاه
........................والا حـياة الشـقا مابه عليها اشـفـقـه