اللي بقلبي ماستطيع الحكي عنه
...............المسأله فاقت حدود الحقيقه


والقلب لو نقل من ايسرك لــ ايمنه
...............وصط الجسد ماحدٍ رآه بطريقه


والواقع اللي بيني وبينك (أعلنه)
...............خله على حطة يدك ماقوى اطيقه


ارتحت لك واسلمت للقلب ديدنه
...............وبادلتك شعورك بنفسٍ طليقه




وخذيت لك واعطيت قلبي هنا اكفنه
...............ويفداك قلبٍ به جروحٍ عتيقه


ومهما حمل من حمل واطرى بتشيطنه
...............تظل خافيتي تحمل السليقه


وصراحتي لو هي معك بيحت عنه
...............يظل راع الحلم نشفان ريقه


واللي عطاك القلب لاتاخذه منه
...............ارحم قلوبٍ بالمشاعر رقيقه


ترى الذي لك باح بالود مأمنه
...............يظل لك قلبه بحورٍ عميقه


وغلاك لين اموت باقي به اثمنه
...............ماهزته غير الظروف المريقه


وعلاقةٍ وقفت معك في مواطنه
...............وجهة نظر فيها اختلاف الحقيقه

*
*
*
عابر ســـــــبيل

زي ماقلت ان (تصويرك) خيال
............... اعتبرني بالهوى عابرسبيل


واعتبرني عاشقٍ مثل الخيال
............... مرت مزونه وقفى له تخيل


الوداع ارجوك تقبل والرحـــال
............... شدها قلبي وقفى ياجميل


مارضيت اعيش في حلمٍ محال
............... اعتبرني عابرٍ دربه طويل


وان سألك انسان وش سر الزوال
............... قول كان مقيم واقفى بالرحيل


وان قتله الهم من طول الليال
............... يومه المقسوم مادونه عميل


ومايدوم الا الولي رب الجلال
............... وذا بشر واقفى قنع بالمستحيل