اتذكر دولةٍ (سبعين عام) ولاحدٍ حررها



الهجوس اللي تراودني على الحريه
............استعيذ الله منها ..الله هنا يدحرها


واسأل الله كل ماتطري علي شويه
..........يدحر افكار الهجوس ويبعد مسامرها


ابي اريح من عذابٍ بالخفا له كيه
............لوعةٍ بين المحاني كل يوم انهرها


مير مافاد استشاطة فكري الملويه
............يوم احاول عني ابعدها يجي غابرها


ساقني وقتي وحظي لاعكس مازيه
............ماينظم حظي السيء امن دوله ولاعسكرها


كالربيع العرببي ثوره تبا الحريه
............مير هذا ثورته ضدي علي ادبرها


ياتعب حالي وياوجدي وياعزي لحالٍ سيه
............حالةٍ من وين ماوجهت حظي للردا سيرها


كل يوم يمر من عمري كما العبريه
............خطوتي تثقل وكاهل حالتي حسرها


واستشيط ابي انشط شويه واعود شويه
............كل يوم وصحتي حال القسا يكسرها


وراح عمري والشقا رفيق درب وسكته ملويه
............مير مالي عنه هو وخوته سكه عساي اعبرها


ضامني وقتي وحالي شان في تاليِه
............كل ماقول ابتزين تشين في مظهرها


كم صبرت وقلت باكر تنتهي العكسيه
............والحياه بعكس مابغا سارت بمجهرها


واستعيذ الله وتبعد ثم عادت ليّهّ
............حالةٍ عكس البشر وحظوظها تأسرها


وكل ماقلت ابحرر حالتي وآعود للحريه
............اتذكر دولةٍ (سبعين عام) ولاحدٍ حررها


ثم آقول امرح وهيد وخل عنك النيه
............ظل مستعمر لماقد حالتك كدرها


قبلك زحول العرب قالت ميه في ميه
............نبنحررها وهرجتهم عواصيف الزمن طيرها


وانت ابتحرر هنا اشياء ماملكت الها اية امكانيه
............روح ياشيخ اترك الدعوى ولاتغيرها


والزمان اللي مضى لك كان بك حنيه
............عود له بالذكريات اللي زمن تذكرها


وعيش جو الحلم واحلامك هنا ورديه
....كم سجينٍ عاش جوى السجن وافكاره كذا صورها


وانت لاتقصر تخيل انك في حياتك زيه
............الخيال الواسع اعطه فكرتك واعمرها




عيش جو اليائسين وعالمٍ منسيه
............واقنع بواقعك وآمالك قم وسفرها


لو تباتزين اقتعد حظك وعاد بريه
............مير جمٍ مصفي وفيه الحيايا بجمته ناظرها


ولاني بهذا من اللي افكارهم رجعيه
.......ولاسلكت المنهج القومي ولاافكاره هنا اقررها


بس اصور واقعي والحال هيِهْ هيِهْ
............ماتغير شي من مبطي كذا اصبرها


يعني اقنع لاتحاول جثةٍ مرميه
............له ترد الروح وانت اللي هنا قابرها