جتني تقول اشرح لي الابيات بالله.. بيت .. بيت
........................ومعها اخر الابيات جابتها معه تشتلها
ثم امسـكت من مبتـداهن كن قبله ماقريت
........................او كني اللي ماكتبهن لي قرتهن كلها
قالت من اول بيت قم فسر بيوتك ..بيت .. بيت
........................لوهو شطر لاتتركه الا تفسر دلها
وضّح من اللي دمعتك لجله على خدك تبيت
........................ووضح على مين العتب يوم الدموع تهلها
جت في براءه كنها ماهي بمن منها انكويت
........................ولاكنها هي من بها قلبي جروحه ملها
حاولت ابرر ماحصل مابي على همي تبيت
........................ابي اتجنب هالنقاش اخاف اجي واعلها
لكن اصرت بالسؤال وكل مارغت انثنيت
........................لين اعترفت بكل شي وسبحتي جا فلها
وتقول قل زودٍ على ماقلت قولٍ مارويت
........................بغيت اقول اشيا ماصارت يوم طحت بظلها
حتى عيوني ماقوت ترفع نظرها وارتخيت
........................اوالله ام احراجي اللي صار هو من دلها
فيها اللكاعه كامله ومن طاح بيديها شتيت
........................لاوالله الا ضعت فيها والعتب قد زلها
ومن عقب ماني كنت اعاتب قلت ياعتابي كفيت
........................الا العـتـب لـها عــلي مـاهـو بـلي يـامـلـها
وبغيت اقول انتي ترى ماخطيتي انا اللي خطيت
........................وان كان فيه اخطا قديمه عنك انا اباشلها
جتني بلاهه فاتح افمي لو على قتلي قويت
........................قتلت نفسي لجل ترضى كني امزعل لها
واشوى انها ماطولت والا علومٍ قد كميت
........................تطلع وانا ساكت علومي في نظرها تسلها
وذي حالة اللي مثلنا بالشعر شمسه ماتبيت
........................ضريبة الاشعار يدفعها ثمن ويحلها