طِريح الحزْن ناحـت قوافيـه ياويـلاه
يردد صداها نايِِـح الـورق مرواسـي
جريحٍٍٍ تهذري دمعة الوجد فـي مغنـاه
طواريق مسحوبه ِكوت ناعم حساسـي
يهز الفـواد الـي تعّـذر علـي دواه
وفّرقً رموش ضّمها الليـل بنعاسـي
ِحسيبه سري بالموت في ديرتي ممساه
يسيّر علي قلبي مع الوجـد نسناسـي
تركني طريحٍ حسرتي اعتزي وانخـاه
ترفّق جروحي تحت لضـلاع بقياسـي
انا والحزن قصّه وسط عالـمِ ماقـواه
بعيدٍ عن عيون الملا غصب مجلاسـي
اباري همومي والفكر يبتعـد مسـراه
حشي مارجيته داري الفيد وسواسـي
اذا هزتك ذكراي قـل جودهـا يمنـاه
يحب الوفى طبعه خوي كـل نبراسـي
تحملت جرحٍ ماهقيته يطـول اعـواه
ولا يزعج الاهات تقطع لـي انفاسـي
واخيل الصبر مقفي علي مستحث خطاه
لما قلت له خذني رقـا كـل قرناسـي
ظلمني الامل ثم اظلمت به علي دنيـاه
فنوّخت حظّي في طرف دمعة فلاسـي
ياسامعين القـاف قافـي انـا مغـزاه
لايجرح السالين مير اكتـب حساسـي
خفـوقٍ خلقـه الله للمبتلـي يـقـراه
لايسمعـه خـلٍ ولا يشتكـي الباسـي
ولا ينشكي حالٍ علي غير مـن سـواه
الاه خلق في الناس اصناف واجناسـي