......


لولا المحبه

لولا المحبة بين الأحباب مقياس
لا ما يصل مقياس حبك قياسي
إنت حبيبي مطمعي بين هالناس
لكن لك إحساسك وأنا لي إحساسي

الحب واحد الحب واحد لكن الناس أجناس
حد يذكر العشرة وحد دوم ناسي
وأحب وأحب فيك الحب قدرك على الراس
إنت مكانك داخل القلب راسي

يا شوق روحي يا شوق روحي الهوا إنسان حساس
يسكن خيالي يا بعد كل ناسي
كل من يحب يصبر ولا يجعل الياس
يعرف طريق القلب مهما يقاسي

لولا المحبة لولا المحبة بين الأحباب مقياس
لا ما يصل مقياس حبك قياسي
إنت حبيبي مطمعي بين هالناس
لكن لك إحساسك وأنا لي إحساسي




شاللي جنيته

قولي و شاللي منك أنا جنيته
بعد المعزة بعت قلب وصى فيك
بعت الوفا و الحب خنته و نسيته
جازيتني بالصد الله يجازيك

شاللي جنيته

لا وا خساره عمري اللي قضيته
أسقيك شهد الحب و أرجع أداريك
يا ليتني ما طعت قلبي و خذيته
صوبك و صوب قلوب فيها طواريك

شاللي جنيته

الهم كل الهم يمك لقيته
و الخوف كل الخوف عشته في موانيك
لو أدري دربك هم لا ما مشيته
ما كنت أدري ان هاذي تواليك
شاللي جنيته




لـ اجل عينك

لأجل عينك أنا كلي لأجل عينك .. وأنا لبيه اذا انت تناديني
أجيك بشوق قلبي واغمر سنينك .. انسيك الشقى وانت تنسيني
مشاعر تنسجم ما بيبني وبينك .. يمررها خفوقي في شرايني
تزين دنيتي يا زين من زينك .. وهبك الله الحسن يا كامل الزيني
قهرت الورد يا وردة بساتينك .. ونافست القمر يا بهجة سنيني
نجوم الليل تسأل يا قمر وينك . .وتاخذ من ضيا وجهك عناويني
احبك وانت يا مكثر محبينك .. حبيب الروح باحساسك تناديني
يحسدوني وانا المجبور في عينك .. وعينك تستمد الحب من عيني