كل مالد طرفي شفت انـا أزوال وأزوال=وكل زولٍ اشوفـه قاصـرٍ عـن مزاياهـا
وش بقى بعده ألا قلب وحطـام وأطـلال=وكل ماقيـم صـدعٍ ينهـدم مـن بناياهـا
ومابقى غير عطر وساعة الكف والشال=ومنديله اللي حضن دمعه وحمرة شفاياهـا
والقلم وسط جيبـي والهدايـا وجـوال=كان أخـر هديـه جاتنـي مـن هداياهـا
وذكريـاتٍ معهـا كلهـا احـلام وآمـال=ترسم الفرح بسمه ضحكـةٍ مـن ثناياهـا
ودمعتين ٍ بعيني وسطـه الهـم يختـال=ودمعتين ٍ بعينه مأرتـوت مـن ضماياهـا
كيف أبحيا حياةٍ عقبها حـرب ونضـال=وكيف أبسلى وانا أذني ماتـردد حكاياهـا
آآآه ياوقتى اللي بدل الحـال مـن حـال=بعد مانـي طليـق ٍ حاصرتنـي زواياهـا
أستفز الليالـي وأشـرب المـر فنجـال=وأسمع الوجد يصرخ من أقاصي حناياهـا
وين قمرا زماني غبـت ياطيـب الفـال=أشرقي يالليالـي بالبهـاء مـن حلاياهـا
صاحبي غاب عني وشلت انا الزهد رحال=ليت رجلـي تدلـه لـو تعثـر وطاياهـا
واسقى الله زمانه في ندى الورد لامـال=يوم عطره يفـوح بنفحـةٍ مـن شذاياهـا
يوم انا والحبيبه نجلـس أثنيـن بأقبـال=حكينا بالنواظـر ينعكـس مـن مراياهـا
وأختمه في رجاء الله ساعةٍ قرب ووصال=أكحل العين باللـي صادقـه فـي نواياهـا
|
|
|
|
[blink] القــــــــــــلب الحنـــــــــــــون [/blink]
صـــــــــــــح لسانك
وسلمت يمينك |
|
|
|
|