يطــيح جفن الليل
يطيح جفن الليل واهز كتفه.....نجم يشع وباقي الليل مطفي
واحاكي الجدران عن وصف غرفه....ماتشبه الجدران ويطول وصفي
وتملني الجدران واظهر لشرفه.... تحت السماء واسكر الباب خلفي
ريح تهب وتسكن القلب رجفه.... وتموت ريح وتسكن اوراق نزفي
على الروابي تهطل دموع وطفه....وتصب لمع بروقها وسط طرفي
ياطاري الغدران والعمر رشفه....مع قلها ياليتها يوم تصفي
الحب واجد مير الاقدار صلفه....والارض واجد لاكن العزم منفي
واللي اعرفه راح مانيب اعرفه....ولا ظن يذكرني الا اقبلت مقفي
مر مر هالليل وأمر قطفه.....يالحنضل اللي قمت اذوقه بكفي
ماهو حبيبي مورد القلب حتفه....ولاهو حبيبي يفرح بوقت ضعفي
متى الشوارع تجمع اثنين صدفه....لاصار شباك المواعيد مجفي
يابنت تو الليل ماراح نصفه....وياليل بعض اللي مضى منك يكفي
كلمات الشاعر الامير بدر بن عبد المحسن (( مهندس الكلمـة ))
d'dp [tk hggdg ,Hi. ;jJJti [tk d'dp ,Hi.
d'dp [tk hggdg ,Hi. ;jJJti