رد: ظاهرة الـ | Sex Phone بين الشباب والبنات.
اخوي او اختي nodino لا هالشغلات موجوده لا وبكثره الحين لأن الكل عندهم تلفونات نقاله حتى اليهال ويعرفون هالشغلات بس لو تفتح/ين عينك/ج شوي راح تتأكد/ين
المهم هذا الاستطلعات عن البنات انا سألت ثلاث بنات وشوفو شنو قالو
الاولى : اصلن هالشغله من صالح البنت عشان تعرف وتتعلم شنو راح يصير بالزواج من حلوه تتزوج واهي ما تعرف شي وهالغشله الحمدلله ما تضر البنت لأنه ما يمس شرفها
( المشكله انها تتكلم مع صبيان وايد وتتعلم منهم واهم يتعلمون انا بعمري ما شفت اثنين ما يعرفون شي يتعلمون من بعض والبنت المسكينه تتكلم عن الشرف بعد الله يهديها )
الثانيه : والله هالشغله ادري انها حرام وعيب بس الحمدلله اني اذا تزوجت زوجي ما راح يدري اني كلمت من قبل ولا راح يحس بعد عادي اكلم الشباب وبعدين مره وحده اغير رقمي وابدا حياتي من اول ويديد
(الصراحه هالبنت مضبطه الشغل وخالصه ما تدري ان الله يمهل ولا يهمل باجر تصير ببناتها او بعيالها ما يندرى)
الثالثه : والله احنا تونا صغار وما نعرف شي لازم نتعلم ونفتح عيونا على كل شي ما يصير البنت تقعد بالبيت وما تعرف شي عشان اذا تزوجت تكون عارفه كل شي وشنو راح يصير
(انا ابي اعرف الابو والام وينهم يعني هابنت تكلم واحد غريب وما تدري شنو نيته وتبي تتعلم زين دامج رضيتي الغريب ترا الابو والام قراب لج وقولي حق امج ترا مافيها شي لا حياء في الدين الام تعلمج )
المهم هذا راي البنات وهذاك راي الشباب والله يهدينا ويهدي جميع المسلمين يا رب
وانشالله ما اكون طولت عليكم
|