رد: ظاهرة الـ | Sex Phone بين الشباب والبنات.
نزوفه انا سويت استطلاع عن هالشغله وعن شغلات ثانيه (يعني الشرب والزنا ... الخ ) بين ربعي وحبيت احطها لكم عشان اوريكم شنو قالو الشباب + راح احط تعليقي بين قوسين تحت كلامهم وانشالله بأقرب فرصه راح اسأل البنات بعد راح اصير صحفي هاليومين واجمع لكم الاخبار
الاول يقول : يا عمي شلون تبي تتزوج وانت ما عندك خبره ولا تعرف شي ما يصير بعدين تضحك عليك مرتك
( يعني الحين لما اعصي رب العالمين عشان الناس ومرتي لا يضحكون علي والله الصراحه كلام واحد متخلف)
الثاني يقول : والله انا لما اروح هناك والعب اول ما ارد الديره سيده اول طياره اروح اعتمر واستغفر ربي
(الشاب اللطيف ما يدري ان الله غفور رحيم ....... وشديد العقاب)
الثالث يقول : احنا تونا شباب خلنا نستانس شوي وبعدين يصير خير اذا كبرنا
(هذا مسكين ما يدري ان الموت ما يعرف صغير وكبير)
الرابع يقول : ادري ان هالغشله حرام والمفروض ما اسويها بس شسوي البنت تبي جذي
(يعني اذا ابليس قاله قط نفسك بالنار يقط نفسه المسكين)
الخامس يقول : والله البنات اللي يخلونا نفكر بهالشي والا احنا مساكين وما نعرف شي
(مادري صاحبنا عمره سنتين وما يطلع من البيت ولا يسوي شي كلش)
السادس يقول : اذا ابوي يدري واهلي يدرون اني اكلم بنات ويدرون عن كل شي اسويه
(هذي المشكله الكبيره اذا كان الابو والام يدرون وساكتين والسكوت كأنهم يأيدونه على اللي يسويه)
السابع يقول : يا عمي انت مخبك لي الحين قديم انا كلمتها بالتلفون ما قعدت معاها ولا سويت معاها شي هالشغله عيب ادري بس عادي اذا محد درا عني وعنها
(هالمسكين يقول هالشغله عيب ما يدري انها حرام الا لما قلت له)
واحب اختم بعد يعني شباب هاليومين والبنات بعد مو بس الشباب لما يسوي الشغله يحب يتفاخر فيها عن ربعه او رفيجاتها يعني ترا انا كلمت بنت فلان وسويت معاها جذي وقالت لي جذي والبنت نفس الحاله بعد المشكله ان الله يستر عليهم واهم يفضحون نفسهم بنفسهم وهذي من علامات يوم القيامه ان الواحد يتفاخر بالمعصيه
عسى الله بس يستر علينا وعلى جميع المسلمين وانطروني اييب لكم كلام البنات عشان لا يعصبون علي الشباب ويك ويك ويك
|