منتدى دمعـــة ولـــه - عرض مشاركة واحدة

10-16-2011, 06:48 PM

أجيــــلك شـــوق

اجيلك شوق و تجيني ذوق ... اجي كلك و تجي بعضك
و بعضك يا حبيبي انباق مني بوق
هنا و هناك ... و انا وياك
معي و الا معاه يللي حنانك يالحنون و رقتك ما اقساك

بلاها ارجوك هالجيــــــات ترى فيها تعذبني
تجي قصدك تطفي النار و انت فيها تحرقني
تجامل و الفرق شتان ... مابين اللي عشقته في يوم و بين اللي مقابلني

و طيب ليه و متى و بعدين ؟ ... كفاك هروب واجهني
حـــــــزن واحد و لا حـــزنين ... بالمكـــتوب صارحني
و ان كان الحكم اعدام ... انا في رحمتك طمعان في هذي اللحظه اعدمني

و روح انت و انا باروح ... ميـــر الله يقــدرني
و يجبر قلبي المــذبوح ... على بلواه يصبرني
و لا من صحت بك ولهان ... و زلزل صوتي الجدران ... طلبتك لا تتطاوعني
ــــــــــــــــــــــــــــــــــــــــــــ

الالبــــــــــــوم الثالث

الجــــــــــــرح

تدري ان الجرح للمجــــــروح دين ... و انت جارحـــــني و حقك اجرحك
لو تفـــــــرقنا الامــاكن و السنين ... لو تعـــــذر شوفـــــتي لك يمكنك
وين تبعد و انت في نفسك سجين ... وين تنسى و انــــت ناسيني معك
كيف تفـــرح و انت تاركني حزين ... طيـف غـــــدرك مثل ظلــــك يتبعك
يا مغيرني بربك صــــــــــرت مين ... صرت ما اعرفني و لا صرت اعرفك
قلبي الصافي تعــــــــكر بالانين ... ضعـــــف ما حبيتك اصبحت اكرهك
ـــــــــــــــــــــــــــــــــــــــــــ

المدينة و الغريب

جا يشوف الحال كيفه بعد ما هــــــزه حنيـنه ... قبل يسالني ســـــــالته كـــيف حالك يا الحبيب
قال انا كني غــــــــريب ضيع دروب المـدينه ... قلت انا كني مدينه تنتــــظر رجعت غـريب
قال اجل وش فيك تكره سيرة الحب و سنينه ... قلت اجل وشلون ما اكره سيرته دامك تغـيب
قلت له من غبت حتى مرايتك صـــارت حزينه ... كيف ما تبغاني احزن و انت لي حظ و نصيب
اول و اخر جروحي و اهـــــه للقلب و انينه ... كل يا روحي روحي لو رجعتلها تطـــــــيب
بس قلي ليه ترمي ذنبـــــــك بوجه المدينه ... ما دريت ان المدينه كلها شعمة غــــريب
ـــــــــــــــــــــــــــــــــــــــــــــ

مســـــــــافر

قالوا حبيبك مسافر قلت ليت السفــر لمكان
يجعل طريقــــه زمــــــــــرد و الحصا مرجان
و الشمس خيمه و ظله لسيدي و القمر صيوان
قالولي و انت قلت اي و الله و انا
قالوا بتصبر قلـــــت اي بالله سنه
قالوا بيتركك وحدك
قلت قلبي ما يطيعه يترك معاي الشوق و الحرمان

قالولي الشوق ظالم قلت و الله مـا درى
قالوا يجرح عيونك و يحرمك نوم الكرى
قلت يا طيف سيدي لكرمك في غيـابه
لو بتجرحني اجرح كلي فدوة لشبابه
ــــــــــــــــــــــــــــــــــــــــــــــ

كــــــــــــذا

كذا هان الغـــلا يعني ... كذا مات الــوفا فيهم
كذا محبوبي يجرحني ... لاجل هالناس يرضيهم
و لكن ما اقول الا
عسى الذكرى تصبرني
كذا هان الغـــــلا يعني

اجي بالشوق ولهانه ... اجي مشتاقة للاحباب
انا ما اظني غلطانه ... و لا شوقي بعد كذاب
و لكن ما اقول الا
يا دنيا خاب انا ظني
كذا هان الغلا يعني

يا قلبي وينـه احساسي ... اذا خانونك كل الناس
و اذا اللي اعشقه ناسي ... بروح بخطوتي للياس
و لكن انا ما اقول الا
انا لي رب يــرحمني
كذا هان الغلا يعني
ـــــــــــــــــــــــــــــــــــــــــ

عــــــد الساعـــــة

عد الساعة و عد اليوم ... و قد ما بتعد انا بغيب
لا حبي يرجعـــلك يوم ... لا بالغصب و لا بالطيب

لا غدرك انا ما انساه ... لا ظلمك انا ما انساه

و لو تتمنى ارضى ... عمري عليك ما ارضى و الله

حبيتك و اخلصت في حبي ... و يكفيك كلمة يا حبي
لعيــــــــونك ضيعت الدنيا ... و انت حبك ضيع قلبي
ــــــــــــــــــــــــــــــــــــــــ

حبيــــــّبي

حبيبّي حدث و قول بلا حرج
ما تضيق الدنيا عند الله فرج

الصدفه خلتنا نحب و نشتــكي
شي انكتب نبقا بعيد ما نلتقي

تسمـــــع نادي ... و اسمــــــع نداك
روحي ترى عندك و انا مالي سواك

و لو تضيق الدنيا عند الله فرج

الحظ اخلف مـــوعده عن حبنا
امري و امرك للاسف مو بيدنا

و مهمـــــا حصل ... عندي امل
اني انا اشوفك و يجمعنا محل
و ما تضيق الدنيا ... عند الله فرج
ـــــــــــــــــــــــــــــــــــــــــ

أطفــــــــــال

كل القلوب اطفال ... ما به حكي ينقال
عن ذيك القــــلوب
اللي تحب و تذوب
تنجرح بعد الجروح تحب ... ضاع الصدق و الكذب

ليه القلوب ضعاف ... مثل الورق شفاف
بحر و ناخذها بعيد
و نصدق الكذبه اكيد
رغم انها بالامس جرحها الكـلام
رغم انها بالامس عاندها الظلام

الحب مثل دره في بحر ... و الموج يبعدنا خطر
ما نوصل الدره بعيد
ما نوصل الدره اكيد
و اه يا قلبي انا
اه يا قلب العـنا

تنجرح و بعد الجروح تحب ... ضاع الصدق و الكذب
ــــــــــــــــــــــــــــــــــــــــــــــــ

فـــــــــــزيت

فزيت من نومي اناديلك ... رد الصدى عنك و جيت ادورك
مشتـــــــــاق لك ولهـــــــــــــــان
لكن ذكرت انت و انا ما عادنا خلان

عانيت كم عانيت من ظلمك ... سيدي و لايهمك ...
تعال انت و اظلمني و انا الكسبان
لكن ذكرت انت و انا ما عادنا خلان

المفروض اني صرت ما احبك ... و لكن انا احبك
و من يقدر يبـــــــــرد داخله اشجان
لكن ذكرت انت و انا ما عادنا خلان

و الله لو الخجل منك ... و مني قبل منك ... لجيت استسمحك
و اقـــــــــــــــول لك ندمــــــــــــــــان
ارضي غرورك اسعدك رغم انك الغلطان

يا ليت عمري انتهى عندك ... و انا بدفا حضنك
و لا عشت بــــــزمن به كل هذا كــان
اوصلك فيه و تردني عنك اخر البيبان
ـــــــــــــــــــــــــــــــــــــــــــــــ

هـــــــذا أنـــــت

هذا انت ؟ ما عرفتك

هذي اول مره اشوفك بعيني ... كنـــــت اشوفك بقلبي
هذه اول مره ما ترجف يديني ... و انت جالس فيها جنبي

هذه اول مره ما احس اني اطير
هذه اول مره ما أحس انك اقصر من سما حلمي بكثير

و انك انت انسان عادي مو ملاك
و اني ضيعت العمر كله معــــاك

هــــــــذا انـــــــــت ؟
ما أصدق !!!
ـــــــــــــــــــــــــــــــــــــــــــــــ

ألـــــــف عمــــــر

يبيلي الف عمر و عمر غير العمر ... لين اسلاك ليله و تنتهي الدنيا و لا اوصل لنسيانك
يبيلي قلب غير القلب اللي ذاب من فراقك ... ايه اسمه مثل اسمك مستنسخ من اوصافك

انا يا جابر الخاطر كسر كســــــر تحدى الجبر ... انا وينك رخص دمعي غلاي يوم اندبه عينه
انا اللي بعدك المنسي و لا لي ليل عدى و ذكر ... لها كل مع احبابه و انا اللي ما سأل وينـه

يقولون الصبـــــــــر اصبر كانه في يديني الامر ... يلهي كل الذي قبلك عن الحسرات ملهينا
و اقول اللي عشق مثلي و مثلك ما خلق له صبر ... اقول الصبر للي حب و احنا فــــــوق حبينا
ـــــــــــــــــــــــــــــــــــــــــ

كتــــــــــــــــاب

يا من تمنيـــــتك حبيبي ... و املي في حبك خاب
لاجمع احساسي البريئة ... و احـــلامي في كتاب

و بنلتقي في الصفحة ...لا ... في السطر الاول ...لا ... في الكلمة الاول
في الحرف الاول ... و بتحبني
و اسم الحكاية ... آه .... كل الحكاية .... آه
بتحبني و الله ... اخر و اول

و باعيش انا و انت بسعادة ... و المشكله هي السعادة
كيف اقدر اوصفها و انا ما عمري بسعادة
ـــــــــــــــــــــــــــــــــــــــــ

ما يبيـــــــــنا

ما يبينا ما يبينا ارتفـــــع راسه علينا
غرته دنياه كيفه احنا و الله ما خطينا

غير اسلوبه و كلامه حتى ويش غير ســلامه
مقصده واضح حبيبي اسال الناس اشعلامه

كان هو كل انشغالي ان في قلبي و بالي
يوم انا شفته تكبر قلت كان في يوم غالي