بسم الله الرحمن الرحيم
السلام عليكم ورحمة الله وبركاته
أتمنى أن تحوز على رضاكم
ياهيه ياللي كل درب (ن) تسده
أبعد عسى مجلسك بالنار وقاد
ياعاذلي بالي ترى حان حده
وش لك بتنقيل النقايل والأرداد
كلما بنينا قصرنا عاد هده
وسريت منه دايم الدوم نقاد
إليا أرتخى حبل النكد بان شده
وإليا بدى منا الفرح صرت نكاد
وإليا تفاهم عشقنا لو مده
أصبح نقيلك كنه السم بالزاد
أبعد وثوب الحسد بلاه قده
مالك بتفريق الحبايب والأجواد
مامن مصالح بين ند(ن) ونده
ولاضن تدخل بينهم يبري أكباد
روح عساك بنار ولا لك رده
وعسى بمقرك قوم ثمود(ن) وعاد
حرمتني اللي كنه النور خده
عساك تحرم من ملاذيد الأعياد
ولاينفع المقهور في بوح سده
ولو اشتكى من جور الأوقات مافاد
أقولها وفاهم هزله وجده
ولاكل شاعر يفتهم قول قصاد
نايف العنزي
الجمعه
28/12/1429
pvljkd hggd ;ki hgk,v o]i hgk,v
pvljkd hggd ;ki hgk,v o]i