تدلعي مابه بخفاقي عدا حضرتك احد
ثم اطلبي ماترغبي من شاعرك شعرٍ جديد



والله لصّخر لجلك القيفان والموعد بعد
الى انتهى قافي يجي قافٍ معه واخر فريد



كم فيه في قلبي مكانه عالي وبه منفرد
مافيه غير انتي فديتك ماعلي من المزيد



لان المشاعر وحدها مايحييه اية احد
هو واحد اللي كل مايجي يتدلع به نبيد





ادعس على روح الشعر واقول ياشعر استزد
الله يجملني مع اللي ودها بقلبي اكيد



ماصغت قيفاني رضا والا مجامل مجتهد
صغته لان احساسها لازارني هز الوتيد



انشهد اني لو يضيق الصدر والشعر يهجد
الا الى قالت ابي قلت ابشري باللي جديد



تهل قيفاني وانا ماكنت ابي اكتب ابد
لعيون من تطلب شعر ياشعري ابدا بالمزيد



حقق اماني من يبي شيٍ جديد وقل بعد
كان انت حي الصبح مر وشوف لك اخر فريد