ضم الاماني في خفوقي دجا الياس
واستبسلت تبي الفرح ثم قفت

وناحت بها روح الالم بين الاقواس
يوم اقنعت في ياسها واستشفت

وجاريتها في ضحكة شفاه يباس
لعلها عما بها ياس عفّت

وخاوت متاهتها عذيات الانفاس
في رحلةٍ فيها شقى الروح زفّت

وجاملت من حولي على حساب الاحساس
لعل يضحك من له الروح شفّت



وآزرت قلبي قلت ياقلب لاباس
اسعد لناسٍ فيك بالود طفّـت

وبادلتهم ضحك الفرح جعل الاوناس
تبقى لهم لو كان روحي توفت

واسعد لفرحتهم ولاني ابلاس
ولو ان عيني باطرف الدمع رفت