يا ظلوم
يا ظلوم النـاس لانامـت أنـا اللـي مـا أنـوم
لا تلـوم .. جيتـك أدور فيـك تفريـج الهمـوم
أتذكر أني في يوم أنـا ناديـت حبيبـي القاسـي
ولا إنسى إنك يومها رديت من إنـت أنـا ناسـي
ورجعت أنا مكسور منك خاطري خجلان من ناسي
لــيــه لــيــه يـــــا ظــلـــوم
إعذرنـي لـو قلـت إنـك أقسـى مـن زمانـي
إعذرنـي لـو صـرت أشبـه حبيبـي الأنانـي
أعطيـتـك مـــا أنـتـظـر رد الـعـطـا
أعطيتـك .. وقلبـي لــك فــراش وغـطـا
أواه يـا صوتـي الـلـي تكـسـر بالمسـافـة
أواه يا صوتـي .. أصـرخ أنـا فراقـه أخافـه
يــــا بــايــع أيــامــي بــيــوم
لــيــه لــيــه يـــــا ظــلـــوم
ميّاس الأعطاف صحت لـك مـن جـرح نفسـي
والله أنـا أخـاف يكـون باكـر مثـل أمـسـي
يــا قـاسـي لا ينكـسـر وجـهـك مـعـي
إحسـاسـي .. أتـعـب كفـوفـي ومـدمـعـي
أواه يـا داري راح الـهـا أوقــف وألتفتـلـك
أواه يـا داري دمـعـك وداع حـولـت لــك
لا صـــرت فـــي صـمـتـك تـلــوم
لا لا تــــــــــلــــــــــوم
××××××
مايكبرني لقب
يـا صغيّـر مـا يكبِّرنـي لقـب "" وما يصغِّرني إذا انكرني صغيـر
ما خذينا الصيت من جمع الذهـب "" ولا نسابة شيـخ أو قربـة وزيـر
كاسبينه من هل السَّيـف الحَـدَب "" الجنايز كـان مـا جـاك النذيـر
صيتهم نجمٍ علـى راسـه ذهـب "" سمعوا الصقهان به و أجهر ضرير
بالوفـا تاريـخٍ أبيـض ينتصـب "" لا حكوا بالحـق حييـن الضميـر
ضيغمـيٍّ للسناعـيـس أنتـسـب "" لابـةٍ طلنـا بهـا عـرشٍ كبيـر
عند حدّك يا كثيـر الهـرج تـب "" لا تمـر النـار و ثيابـك حريـر
كـان لـك عـزٍّ بذلّـي فتعقـب "" والله الا تبطـي و حبلـك قصيـر
أحسب أنك من صناديـد العـرب "" وأثر ساترتك عباتـك يـا غريـر
ما حسب للسوس زراع القصـب""والقرادة مـا درى عنهـا البعيـر
و لو حسبنا للحسايـف و التعـب""مـا بذرنـا يالعصافيـر الشعيـر
عن هلك أبرا إلى الله و أحتسـب""الرجال اللـي مجاراهـم عسيـر
من قريش المصطفى و أبو لهـب""و الدغالب ما غشت عذب الغديـر
للرجال مـن الرجاجيـل العتـب"" و الزكاة تحل في حـال الفقيـر
لعن ابو وقتٍ غدينـا بـه حطـب""تحرقـه نـارٍ يثـوِّرهـا أجـيـر
ما ألومك ذا الزمن سوّى العجـب""هو بقى غير الكرامـة بالجفيـر ؟
ما أذل و راسـي يشـم المهـب""لو بقى من شمّـرٍ طفـلٍ غريـر
و ما أهاب و لا يزلزلني غضـب""الشجاعة ورث و العاقـل غزيـر
يـا صغيّـر مـا يكبَّـر باللقـب""غير من كان مـن دونـه صغيـر
××××××
ميت واناحيّ.
بيني و بينـك عرفـت المـوت""تـحـب و الـحـظ متجـنـي
تبي الصدق ؟؟ حبّهـا منحـوت ""و أصبحت منهـا و هـي منـي
افرش لهـا القلـب بالياقـوت ""و أقـول يـا دلّــي إتمـنّـي
صدري قصور و مدن و بيوت ""و هي المليـك اللـي يحكّمنـي
يا ويل ويلي .. عليهـا صـوت ""تحكـي تقـل كنّـهـا تغـنّـي
و سكوتها غيـر كـل سكـوت""كـل شــي فيـهـا يكلّمـنـي
قد شفت شمس زروعها توت ؟؟ ""بشفاتـهـا الـتـوت متثـنّـي
يـا حلوهـا و القلـم مبهـوت ""وش يكتـب بوصفهـا عـنّـي
هي دنيتي و الهـوى و القـوت ""و ان غبت عـن وجههـا كنّـي
متغـرّب و غربتـي تـابـوت""ميّـت و أنـا حـي مستـنّـي
قولو لهـا لـو يفـوت الفـوت""هـو ينفـع الصـوت متعـنّـي
و قولو لهـا و الله إلا امـوت ""لـو خـاب فـي حبّهـا ظنّـي
××××××
آخر حب
كنت احسب اني عرفت الحب قبل اعرفك
وعشقت قبل اعشقك واشتقت قبل التقيـك
وكنت احسب اني لقيت احباب قبل اوصلك
واثري توهمت في غيرك وانا كنت ابيـك
تعال نعطـش وتشربنـي وانـا اشربـك
تعال قبل الوعد اجلـس معـي نحتريـك
تعـال شفنـي وانـا استنـاك ك اشبهـك
يطري علي الف راي و راي واحتارفيـك
اجي مكان الوعـد والا اسبقـه انطـرك
والا آخذ الموعد اللـي يحتريـك واجيـك
يا آخر الحب ذقـت الحـب فـي اولـك
ويا اول الشوق اقصى الشوق ما ينتهيـك
علمتني كيف اعرفك لين صـرت اجهلـك
ضيعتني فـي متاهاتـك وكنـت ارتجيـك
حبيـب الاحـلام يابـعـدك ويامقـربـك
حـرام يكفـي تبعثرنـي وانـا احتويـك
ان شفتك بحلـم صدقتـه وانـا اتوهمـك
وان شفتـك بعلـم كذبتـه اليـن انتشيـك
اخاف اغمض عيوني وان رمشت افقـدك
واخاف افتح وتصبـح حلـم ولا التقيـك
××××××
عيون الحب
عيون الحب لا يمكـن تناظـر""عيوب الخل لوهو عيـب كلـه
تماري فيـه وبوصفـه تكابـر""ترى من فوق خلـق الله محلـه
رفيق الليل في الشبـاك ناطـر""واثـاري الليـل شبـاك لخلـه
حفظ احلى الكلام وصار شاعر""بصبر ينتظـر والصبـر ملـه
حبيب عشت فـي دنيـاه عابـر""حسب قوله ويا شعـري فقلـه
انا ضحيت له وارجي وصابـر""واذا عيـا اقــول الله يحـلـه
على الملتاع الا يا بعـد باكـر""يبي السلوان والذكـرى تظلـه
صحيح ان الهوى سحر المشاعر""يراه الصـب عـز لـو يذلـه
عيون الحب في قلبـي تناظـر""تشوف اللي عيونـي مـا تدلـه
بعض أحوال
أنا مقدر أكون انـي حبيـب فـي بعـض أحـوال
أنـا كلـي أجـي و الا أروح بعـزتـي كـلـي
تخيرت الفـراق و مادريـت إن الفـراق وصـال
أقول اني نسيتك بس مـدري كيـف تاصـل لـي
خذاني لك سؤال في عيونـك و الجـواب محـال
خذاني منك دمـع فـي عيونـي مارضـى ذلـي
رحلت انت و تركت بداخلي طيفك و صبـر طـال
غدت ذكراك شمس ما تغيـب و صورتـك ظلـي
حكيت و مالقيـت مـن الحكـي الا النـدم مـوّال
سكت و مت بالحسره و لا ادري و شهو احسن لي
أحبـك كـل مافينـي يحبـك يـا خلـي الـبـال
تخيلتك دواي و صرت جرحي الصعب يـا خلّـي
تعبت أرحل مع وجيه البشـر بانسـاك بالترحـال
ولا ادري وش يجيبك في وجيـه النـاس و اهلّـي
××××××
ذكرى الفراق
اليوم ذكرى الفراق ومرت اول سنـه
اليوم لي عام متغرب وحيـد وحزيـن
اليوم انا ضيف جرحي جيت باطمنـه
اني جمعت الدموع وجبت امانة اميـن
ما يجرح الصادق الا غدر مـن يامنـه
لا جت من احباب قلبك لا تلوم السنين
مليت من هالاماني دام مهـي ممكنـه
لاهي تحقق ولا ياسي بوجهـي يبيـن
لوين انا وانت مثل الشمس والازمنـه
مع كل صبحٍ يجددني لشمسـك حنيـن
لا قلـت احبـك احبـك كنهـا دندنـه
اوكنهـا وردةٍ مابيـن اصابـع جنيـن
يا اجمل الناس لك بين المـلا هيمنـه
كثير غيرك ولكن مين مثلـك و ويـن
يا عاذلي خـذ عيونـي يمكـن تثمنـه
تشوف عيبه وانا اشوفه ملاك حسيـن
امس افترقنا وانا احسب مرت اول سنه
يا طولها ليلة الفرقـا سنـة للحزيـن