اخشى الامل
ــــــــــــــــــــــــــــــــــ
شمس الاحلام انتهت وانطفى نور الصباح
.......................وابتدى ليلٍ ضلامه طويلٍ سرمدي
رحـلةٍ فـيها المـتــاهه ولافـيها انشـــــراح
.......................غير همٍ باقصى الاعــماق توه مبتدي
بيـني وبيـنه رفـاقه ولايحـب المـَـرَاح
.......................يرغب انه دايم يقيم عندي ويحــدي
مـايـبي لي دونـه ايـاة شيٍ بـه فـلاح
.......................دايمٍ يرغب يكون الرفيق الاوحـدي
ضامني يالله دخيلك وطحت اكبر مطاح
...................كل ماجي انهض والا مرتفع مثل الجدي
فـوق يرقـبني بخـطـواتي بلـيل وصـباح
.......................يبي دايم سـلطته مـاعنه يوم اغـدي
وان سمع طارف خبر للامل زاد الجراح
..........لين صرت اخشى الامل خوف لايزيد انكدي
ثم ودعــت اللي اول به البراق لاح
....................ماهو بكيفي لا..والله غصب بلا هـدي
صرت اخاف النور وآقول ياليل الفلاح
.......................طالبك بالله تكفى تسـيـبن بوحّـدْي
لان مابي بعدك الا خفا علم استباح
.....................ضحكتي ثم امست احزان وهموم تعدي
وصارت الرحله تعب والامل عكس النجاح
.......................زود منهو في وداعه غدا حظي ردي
مابي اسيبه مير غصب انتهى وقت المزاح
.......................لان ماملك مايسليه في بذل اجهدي
ولابي اضايق خاطره في وجودي والنياح
.......................انتهى حلم الليالي وقيدي في يـــدي
ويامسافر روح جعلك لك يجوز المراح
.......................والا انا ببطي هنا مقيم دوم بمفردي
بين طيات المحاني استعمار الجراح
..............وفي خفوقي خوف من غيب وقتي واسعدي
طاويتني سود الايام طي بلا سماح
.....................دون تستاذن خذت ماتبي قبل ابتدي
ثم قررت اخر الوقت دون امر مباح
.......................اقتنع بالياس لايزيد جرحي بالعدي
وكان مكتوب اني آموت يسمعك النياح
.......................من الى من مت باكر يذيعه ببلدي
مير انا طالبك ياللي ترقب للضحاح
.......................سامحن عما مضالك معي يوم ارغدي
والا الحين الامور استباحتها الشباح
.................واستلجت بي حرايق عقب ضوح ابردي
وصرت ارد هماج مايه عقب ورد القراح
.................غصب حكم الوقت ماهو بطوعي محتدي
ولالنا بعد السعاده ووقت العام راح
.......................غير قـول الله علينا يخـلف ولايغـدي
جعل لو بالاخره به عوض عقب المطاح
.......................به يعوض الله عباده بعد جرحٍ ندي