البرد ماهو رجفة إيدين وعظـام
البرد برد الروح لاغاب غاليـك
تبكي تحس القلب بالحيل منظـام
والعين تفضح لاتذكرت ماضيـك
الجرح يكبر كل عامٍ ورى عـام
وان جرب النسيان يشقيه طاريك
وارسل رسايل كلها شوق وهيـام
يالله عساك تحس في قلب شاريك
اذبح فؤادي في وصالـك ولا دام
لادام وصلك لا ولا قلب راجيـك
قلبن يحبك شاف زولك بالأحـلام
من زود حبه مادرى ويش يعطيك
انكرت ودي والهوى حد الاقـلام
يغنيني الله عن وصالك ويغنيـك