يازين عاهدني وعاهـدك مابـوق
والله يبـوق اللـي بعهـده يبوقـي
بالله ثق بي حيث أنا رجل ماثـوق
شريف تامن بـي نزيـه صدوقـي
انا لحقني مـن مودتـك ملحـوق
جسمي نحـل ماباقـي إلاعروقـي
ياسيدي حلوالكرى حـارب المـوق
كم لليلـة فيهـا أتمنـى الشروقـي
يسري بي الهاجوس مع كل طاروق
يلعب بتفكيـري ويتعـب خفوقـي
إن كان قلبي حطـه الله بصنـدوق
من وسط صندوقه لـدارك يتوقـي
هزيز غصن بالهوى هزه الشـوق
يهـوم واودع بالمحانـي فتـوقـي
وإن كان له مرام وإن كان له ذوق
فانته مرامي شـف بالـي وذوقـي
ماشاقني غيرك من الناس مخلـوق
وغلاي لك عن كل غالـي يفوقـي
اكن لك ماكن عاشـق للمعشـوق
ومابين حين وحين يـزداد شوقـي
هذا وأنا دنيـاي تسعالـي بعـوق
ياعلها للـك يالغضـي ماتعوقـي
|