.............................واهداء للجميع....................................
حسّ اليوم ياقلبي صراحـه ؟ مـوت واحشنـي
و وحشة امس ؟ هذي غير..واذا اثبات احلف لك
قسم بالله لك وحشـه .. وحبّـك جـدّ خارشنـي
ربشة حبّ مجنونـه .. واذا قللّـت اسـرف لـك
واذا اسرفت اسافر بك .. ولْو هالوقت طارشنـي
سفر احباب ياخذنا وقلبـي غصـب واقـف لـك
ولو يرفض زمنّا ذا ؟؟ .. وبررهـا بناقشنـي ؟؟
اناقش ؟ لا .. افرّط ؟ لا وملكي لي وأنـزف لـك
واذا خمره طغى أمـره .. انـا أمـري يداقشنـي
حرام المُلك يتبعثر .. وحبّي فيـك عـارف لـك
قفا نبك ِ زمان(ن) فات .. اذا هالحـب كارشنـي
وألا هُبّي قلبك لي .. وشوفي كيف اوصـف لـك
واذا ودّع هريره ؟؟ .. لا اقول الحـبّ فاحشنـي
عصيّ الدمع من صبري .. وأرفض وقت آزف لك
اغيّر سالفه ؟؟ .. صعبـه اذا غبطـه تناوشنـي
اجل وشلون ياقلبـي اذا حاولـت ادلـف لـك ؟؟
احبّك موت واحيا بـك .. لأنـك انـت نافشنـي
وصاير ريش من حولك .. وقلبي فيك سولف لك
يحبّك موت مـن لهفـه .. وقلبـك أحّ كافشنـي
واذا بالغت انا اكثر ؟؟ .. ضحكت وقلت : يارفلـك
اذا أرفل على أكثر ؟؟ .. ودامك أنت خارشنـي ؟؟
تضيع علـوم مفتاحـي اذا حـاول علـى قفلـك
واذا اعداد ؟؟ لا تكفى .. احسّـك عمـد نابشنـي
اعرف لحد عشره بس .. وان لخبطت آسف لـك
واذا احراج ؟؟ ياشيييييينك .. ادري صحّ تحارشني
تفززني .. تنقزني .. وتنسى شـي جـارف لـك
واذا اخطيت في حسبـه ؟؟ حـذاري لاتهاوشنـي
واذا لابد ؟؟ افطن لي .. بس شويش فـي طفلـك
واذا بكّيت لا تبخل ضمّ وقـووووول : واحشنـي
قسم بالله ما أسكت .. اصيح ولْـو فـي حفلـك
|