حبيبي توها الفرقا تكدر باسك المغرور=وتوك صاحبي تدعي على من هي تسابيبه
تمهل صاحبي وأرجع وراك تصدني وتثور؟؟=تردد طاري الفرقا تحسب القلب راضي به
وانا اللي خافقي مبلي بسبة حبك المحظور=وخايف ينكسر قلبي وتتشفى بــــــتعذيبه
حبيبي من كثر ما اكتب همومي صار لي جمهور=وصار الدمع يكتبني وقربك هو مطـــــاليبه
وكل الناس شافوني اسطر في هواك سطور=ابين وأخفي شعوري وتتعبني اســـــاليبه
غريبه بعتني بأرخص أساليب الجفا والجور=وصرت المتهم لني اقابل ظلمك بطــــــــيبه
وجيت تقول لي أرحل ودربك يا عساه النور=كاني الظالم وكنك اهل للعطـــف والطيبه
تقول ارحل توادعني وتحفر في الضلوع قبوز=تبيها تقتل الفرحه دموع الحـــزن والخيبه
تقول ارحل ولا تدري بحال الخاطر المكسور=تشب النار في جوفه وصوب الموت تدني به
تقول ارحل..نعم برحل وانا لك صاحبي مشكور=ابرحل رافع ٍ راسي وصــــبري الله يثيبه
بقول آسف على دمع ٍ بنى له في الجفون قصور=وبخلي لمحة احزاني بوجـــهي عزه وهيبه
طموحك همك وهمي طموح بداخلي منثور=عجزت الملم شتاته وعجزت افهم الآعــــيبه
kul fvpg jvnN kul
kul fvpg jvnN