رد: " علـے ڪف القدر نمشيـے ۆلا ندري عن المڪتۆب "
أسبوع مر ولا وصل منك مرسال
ياقو قلبك كيف تهجرني أسبوع
الجوع كافر وأنت ماترحم الحال
وأنا عليك من الوله ميت جوع
ياللي غيابك صعب يطري على البال
تركتني ضايق وحاير ومفجوع
ماكنــي إلآ شايــب فاقد عيـــال
وما كنك إلآ محرمآ حق مشروع
يفوع لك قلبي أليا مر الأطلال
ياليت مالي قلب يشتاق ويفوع
حسبي عليك وشلون قطعت ألآمال
وأموت لا صار الأمل فيك مقطوع
ياصــاحــبي ماكل نــزال رحـــال
أنت الحيا من وين مارحت متبوع
نسـياني بزول بلأعمــاق يختـــال
أصعب على صاحبك من حبة الكوع
لو الثمن في شوفتك عمر رجال
كان الثمن من يوم ماغبت مدفوع
ولولا القدر ماتم قوله اليا قال
ماضاق صدر ولا أنحنى رأس مرفوع
ياصاحبي عشقتني فعل وأخصال
وأنا عشقتك شعر وأحساس وأطبوع
وشلون تتركني كذا لشهب ألآل
وقدام عيني تجف ينبوع ينبوع
وأنا عشانك جيت والغيم همال
أسيل الوديان أزاحم أجموع
ماردني عنك سواليف عذال
تزعل علي أربوع وتقدر أربوع
كان المهم أعيش بجنون وأوصال
ويكون لي كلمه ولي رآي مسموع
|