من غبت عني والفرح غاب عن عيني
والعنا سكن في داخل الروح وأتعبها
من غبت عني وأنا الاّهات تشقيني
والدموع أنهار من عيني لك أسكبها
من غبت عني ونار البعد تكويني
ولادري الأيام بعدك وش عواقبها
من يوم ودعتك نبت غصن الألم فيني
وأرتوى من عيوني وصار اليوم يعذبها
وبقيت وحدي أصبر في غيابك أنيني
وألملم باقي جروحي مع طعوني وأقلبها
بقيت أداري الحسرات وصمت الشوق يبكيني
من اّهات في جوفي تغيظ الروح وتتعبها
وأن جيت أبغفى بقايا الهم تصحيني
وألقى في داخلي حسرة ترويني سحايبها
وأنا الحسرات فـ غيابك تغنى في شراييني
وتمشيني على ناري وتحرقني لهايبها
وأنا والله مابقى فيني غير جراح تحكيني
ترسم همومي عذاب مع الاّهات وتكتبها
خسرت بدنيتي كل شي خسرت أجمل سنيني
وصارت الأيام فـ غيابك تعقد لي حواجبها
وماعاد باقي شي في هالدنيا يهنيني
بعد مانامت عيونك حياتي اّاّهـ ماصعبها
ومابقى غير الألم فـ غيابك يانظر عيني
وصورتك اللي في يديني أقلبها
الله يرحم موتاكم وموتى جميع المسلمين ويسكنهم فسيح جناته ويصبرنا على فرقاهم..
وجعل مثواه جنات النعيم
قصيدة رائعه جداااااااااااااااااااااااااااااااااااااااا الله يعطيك العافيه
ولا ننحرم منك ولا من روعة قلمك
تقبلي مروري وتقديري
|