السلام عليكم ورحمة الله وبركاته
حبيت انقل لكم صورة عن احلا بنات
بنات قطر وخاصه مدرستنا << من قال وحياتنا
اليوميه ايام الدراسه ما ادري اذا بتعجبكم الحياه اللي
كنا عايشينها أو لا.. لكن وربي ونااااسه واحلا ايام عمري
هـ الايام ..
ابدأ من الصبح لما نروح المدرسه نطلع ع آخر كشخه تقول
رايحين حفله التسريحه والعطر ما ننسى ناخذهم معانا لان حرام
الدريول يشم ريحة عطرنا<< مؤدبات نعجبكم اول ما نوصل
المدرسه ساعه لين نبدل العبي ونتعطرونوزع على بعض العلك
والمصاص اللي ما استغني عنه واللي انزف كل يوم بسببه ولين دخلنا
نسمع نفس الاسطوانه اللي حفظناها وملينا منها >> زفه من الزين ولما
اوصل حدي تفزع لي فديتها المشرفه مشاعل محد يخلصنا إلا هي وبكل
تواضع لعيوني تساعدنا نطلع من الاداره وللحين نسمّع العنزه هيا (الضابطه) باقي الكلام اللي ماخلتنا المشرفه نكمله ونضحك ع ذيلها (عجفتها) اللي ما تسرحه ولبسها ههههههههه هاذي حاطه دوبها
ودوبي ليش ما ادري يمكن تبي ترقيه ع حساب اعصابنا نشبه بس
انا ما اسكت لها الساحره اشتهرت بهالاسم لان كل البنات يخافون منها
بس انا نظراً لصوتها وعجفتها سميتها العنزه وصاروا الشله ينادونها العنزه بعد الهواش مع الضابطه نروح نوصل اغراضنا الصف وننزل الطابور الصباحي في الحر والشمس اللي بسببها افقد الوعي اذا طولت بالوقفه لكن احيان الله يرحمني نوصل ع آخر الوقت ونقعد نسولف ونضحك ونكلم الصفوف اللي حوالينا يعني نحوس الجو اللي مسويته الاداره (الهدوء) تجي لنا الساحره للمره الثانيه واقول للشله يا الله صباح خير شتبي ولع هو ترد مريوم لاقصدج اشتاقت لنا امداها اشتاقت لطوالت لسانّا ما بتوب هي رديت خليها عنك وطنشيها انا اوريها الضابطه هي انتو ليش حاشرينا من الصبح شعندكم محد يرد اونه ما تقصدنا اكلمكم ردوا علي ولا بس طوالت لسان ع الفاضي رديت اكلم البنات اللي واقفين باول الصف لانهم هادين وما يخصهم قلت هي العنود الابله تكلمك ما تسمعين ولا مسويه فيها مؤدبه ردي ليش مزعجتنا (الشله يضحكون وفضحونا لانهم عارفين مصدر الازعاج منو وإني استهبل ع العنزه) ردت العنود انا !! ايه انتي اجل انا وتضيع السالفه في انتي ولا انتي وربعي وقفوا بصفي يعني مضطره الضابطه تمشيها وتسكر ع الموضوع لان لازم يكملون برنامجهم
الصباحي تقول اذاعه صدعت روسنا من الشمس واختربت الكشخه
يعني بعد الطابور معروف بنتأخر لكن هم السبب لازم نروح نتعدل
(كرمكم الله) بالحمام وبعدها توقفنا الابله ونتعمد انراددها او نعاند
ونقعد ونسولف عشان تطردنا وهذا يوم السعد لانا نطقها فراره
ونلف ع ربعنا ونطلعهم من الحصه بحجة انا نبي منهم كتبنا ولين
طق الجرس نرد بعد ما نوصل ربعنا صفوفهم شقرديات ما نخليهم
يردون لحالهم لانه في نظر البنات فشيله الوحده تمشي لحالها بيقولون
عنها معقده ومالها ربع << طبعا انا ما تهمني هـ النظريه وفي الحصه الثالثه من نص الحصه ضبينا اغراضنا وطلعنا مكانها العده ألا وهي المنظره اللي نتهاوش عليها ومخبينها بالصف لانه ممنوع نجيبها للمدرسه اصلا كل ممنوع تلقاه بصفنا والقلوس والمشط والبعض كحل لاني ما احبه قلوس ويالله بعد احطه طبعا المدرسه تلاحظ الوضع وتدزنا للاداره وحنا نسوي فيها مطيعين ونسمع الكلام ونروح للمنقذه ابله مشاعل وهي تحل الاشكاليه بس مو قبل نطقها سوالف وتضيفنا في الفرصه (الفسحه)
يا حرااااام نوااااره ومريوم ما ياكلون ليش ؟ يخافون معجباتهم يشوفونهم وهم ياكلون احراج مع اني اكره هالسالفه واتهاوش وياهم دوووم عشانها لكن ما يسمعون الكلام اقولهم احنا مو بمدرسة صبيان واتعمد احرجهم
لما يكونون ويّا معجباتهم عشان يتوبون لكن مافي فايده يزعلون مني
شوي وبعدها ينسون اما انا وميشو وهيونه ومهاوي ونوفو وسارونه
نتفطر وبعدها نتمشى ليما تبدأ الحصه الرابعه ونوصل متأخرين كالعاده اولاً لانا نمشي ورى المدرسه بعيد عن الوجوه النحسه واولهم الساحره
وثانياً لانا نوصل ربعنا دانوو ووضوح ونجول وشوق وندوي صفوفهم
لان صفوفهم تحت وعددنا اكثر منهم وبصف واحد وفي يوم ما انساه
وحنا طالعين فوق بعد ما وصلنا ربعنا في طريقنا للصف شفنا بريعصي يغازل بنت ويمشي وراها بالممروهي ولا معبرته ولا بنظره عااااد انا
من الرعب (ما قدرت استحمل جماله) صرخت وتمينا نركض لآخر
الممر وكانت مدرسة التاريخ تمشي ورانا وشافت اللي حصل يعني كان عندنا حصة نووم هههههههههه لان المدرسه تجي حافظه الدرس
ولا تنسى ولا حرف شوي وتقول لنا فاصله نقطه علامة استفهام وربي
نتبع معاها من الكتاب حافظه الكتاب وطريقتها في الشرح تنوم اللي
ما فيه النوم المهم عطتنا محاضره وهزأتنا وراحت نص الحصه احسن وقعدت تهاوش انا مدري شلون الاداره ساكته عنكم وانتو صف متفق ع الازعاج ما مر علي مثلكم اكيد محد بجمالنا (مصدقه عمرها) يعني بعض
الحالات اللي مرت علي تكون شله كم بنت ونقدر عليهم لكن انتو الصف كله مشاغب تليقفت اصلا ما بتحصلين شراتنا ابله ادب واخلاق وفوق
هذا جمال عطتني نظره يعني انطمي وكملت شلون الاداره للحين ما
فرقتكم ووزعتكم ع الصفوف ليش حلاوه حنا قلنا حلوين بس موكذا ههههههههه المهم مريوم تحلّفت لتقول لخدامتهم تجمع صراصير بيتهم
انا فكرتها مو جاده وكلامها لانها متضايقه من المدرسه وقلت والله
يا ليت بشوف الشجاعه وش بتسوي اثاري مريوم الخبله من كل عقلها
ثاني يوم جابت علبه فيها ع القليل 7 صراصير شلون قلبها طاوعها وحملتها معاها اومسكت العلبه وصارت كل حصه تهد واحد واحيان
يفلت معاه ثاني وتصير لويه بالصف صريخ وازعاج والمدرسات يضطرون يطلعونا لمعمل الكيمياء لانه اقرب شي ع الصف ونمشي
على اقل من مهلنا نبي نضيع شوي من الحصه وجات اللحظه اللي
تنتظرها مريوم بفارغ الصبر واكيد كل الصف ع الزفه المحترمه اللي عطتنا اياها دخلت مدرسة التاريخ وقبل تبدأ هذرتها اللي ما تخلص
فتحت مريوم العلبه وأطلقت سراح واحد وانا ما يحتاج اقول صعدت ع الكرسي وكان شكلي يضحك وانا واقفه واصارخ ع مريوم وكنت
بفضح السالفه لولا تدخل ميشو اللي هدتني شوي اما المدرسه طلعت تركض وتصارخ طلعنا وراها وتعمدنا نحرجها قدام كل الصفوف
وربعها المدرسات اللي طلعوا ع صوتها وصراخها قلنا لها افاااا ابله
انتي قدوتنا ونكتسب منك قوتنا تشردين مثل يهالوه وامس من اللي سوى
لنا محاضره ما نبي غيرها عشان بريعصي والحين تخافين من صرصور طبعاً حنا خايفين لكن تأديباً لها عشان مره ثانيه تفكر قبل تتهور وتهاوشنا بعدها في فرصة الصلاه صلينا في الصف وطلعنا نتمشى لان المسجد بعيد ولين وصلنا على ما نصلي تكون الفرصه خلصت وحنا نبي نسولف ونتمشى ع قد ما نقدر وقبل ما تنتهي فرصة الصلاه زلقت ميشو واحلفت إلا نطلع الصف لا ينتبهون البنات لتنورتها اللي اعتفست من الغبار وتمينا نطالع الرايح والجاي من فوق طبعا لما رن الجرس وتبدى الحصه الأخيره كان علينا رياضيات ولان المدرسه منرفزتنا بالمهايط والغرور وقلنا لازم
تخف علينا من الغرور والله حرام المفروض ما يسمونه ادبي رياضيات موشي المنهج اللي حاطينه لكم وانا احسن وحده بدفعتي وانا وانا مللتنا
كأن محد درّس رياضيات غيرها المهم وهي جايه للصف خذت سارونه
(كرمكم الله) زبالة الصف ورمتها عليها من فوق زين ما لبستها ههههههه بعدها شردنا وورجعنا متأخرين اونه مو احنا السبب حاولت المسكينه وهددت اذا محد علمها تكتّب الصف تعهد لكن ماحد طاع يخبرها
وآخر شي نزلتنا وبلغت المديره وحاولت ابله مشاعل تتدخل لكن ماكو
فايده وقفونا بالشمس بعد ما كتبونا تعهد وفصلوا الصف ثلاث ايام من التعب والحر ما قدرت استحمل وفقدت الوعي واضطروا يدخلون البنات
لا تتعب وحده ثانيه ويبتلشون ويّا الاهالي بكره الصبح على غير عاده
الشله محضّره بدري عناد فيهم بكيفهم يكتبونا تعهد ويفصلونا مع ان الساحره كانت حاسه ان شلتنا السبب واتهمتني اول وحده لكن انكرت
وبشده وانا صادقه واللي قاهرني لو صارت مصيبه في المرسه حتى
لو ما يخصها بصفنا نادتني وهاوشتني كأني ذابحه لها حد لكن ادري
محتره مني لاني احلا منها وابله ميشو والكل يحبني >> من قال
يالمغروره هههههههههههه لا جد هي بتموت لان من عيّنوها
بمدرستنا وهي تشوف المدرسات والاداره علاقتهم معاي اوكي
على اني اتأخر وشلتي مشاغبين من كذا بتموت من الحره المهم
لما دخلنا نادتنا تبي ترجعنا البيت لكن سوينا نفسنا ما نسمعها ومشينا
للصف نتعدل شوي وإلا داخله علينا وتهب في وجهي انتي ليش جايه وساحبه وراج شلة الأنس قلت دامي مفصوله مثل ما تغلط بغلط ولو انها حقيقه قلت لها اولاً يالعنزه احنا ما ناخذ موافقتك على حضورنا اوعدمه ثانياً لا تحاولين تزعجينا احسن ما تشوفين شي ما تتمنينه ترى انا سكت عليك وااايد وانا مو مضطره اتحمل اتهاماتك طول السنه وراحت خبرت المديرة وانفصلنا بدال ثلاث ايام اسبوع قلت لها وناااااسه عشان بكره نصبح بوجوه بعض بالمجمع مو وجهك النحس ,, بعدها اضطرت الاداره تنزل صفنا تحت بدال ثالث يازعم نكون تحت مراقبتهم ويتحكمون فينا
لكن ما يقدرون علينا لان بنات الدوحه غير كفايه انا من الريااااااان اتمنى انكم ما حسيتوا بالملل وانتو تقرون يومياتنا ..
w]r,kd fkhhhhhhhhhhhj r'v ydv ow,wh !!! ow,wh w]r,kd ydv
w]r,kd fkhhhhhhhhhhhj r'v ydv ow,wh !!!