قالت وداع ولاتحرى رسايل



لكن ترى مانا مع الوقت ناسيك




وقلت الوداع ومحجر العين سايل



وكتمت غيظ النفس عن غيظها فيك




وراحت ولاعاد اتركت لي وسايل



وجرح الفراق ابسرة القلب ينعيك




ويامن غلاكي بانيا" له دلايل



قلبي من الصدات ماعاد يرجيك




وعزيت نفسي فيك والهم شايل



وهذا وداعي والله انه يخليك




وروحت وجروحي بقلبي نزايل



من لوعة الفرقى بقلب يناجيك




يابنت عن في الوفا والظلايل



رحتي وقامت لهبة الشمس تكويك




يوم اولا ضحيت ابي حب طايل



كنتي تحسبيني طمع كنت هاويك




ومن يوم شديتي ركابك رحايل



شديت قلب بالهوى مغرم فيك




ومسحت حب بالحشا كان جايل



ولاعدت ذاكر حاضرك كيف ماضيك




دامك لجل سلوتك ضحكك هوايل



كرامتي مابيعها لجل اسليك




انا كسيتك من غرام الاصايل



شعر يغيض الناس وانتي يسليك




ولما لمحتي في غرامي دلايل



لويتي ذراع يمدك ويعطيك




واليوم حب عامل بي عمايل



عليه دست اباطن الرجل مابيك




والنفس ماعادت لزولك اتخايل



نفسي بعزتها تبيعك وتشريك