قصيده اعجبتني وحبيت انقلها لكم لما فيها من حززن والحقيقه ماعرف شاعرها اتمنى ان تحوز على رضاكم.. ،،،،،،،،،،،،،،،،،،،،،،،،،،،،،،،،،،،،،، قلت الوداع وجاوبت دمعة العين تجرح بساتين الخدود الندية وغضت وشفت بعينها الحزن حزنين وصاحت على الفرقا انا مو قوية وجاوبتها ارجوك تكفين تكفين والله دمعك يشعل النار فيه وقالت تعاهدني عهاد المحبين الله يخون اللي يخون خويه قلت ابشري واللي خلق لاتظنين حرام ماغيرك عشقت ادمية وقصت شعرها وقلت انا وش تسوين قالت ابي من غرتي لك هدية ونادتني الغربه على الهم والبين احسب الايام روحة وجية وفي كل ليلة ترتسم بين رمشين خيالها بين الرموش الشقية غربة سنة في ذمتي غربة سنين متى على الله يلتقي الحيه حية خلاص هانت مابقى غير يومين خلاص قفت غربة جرهدية رجعت شوقي في خفوقي براكين ورجعت انا كلي لها جاذبية وسألت ماردوا وانا اصيح هي وين كل نثر من داخل العين ميه وفي معمعة حزني تلقيت رمحين قالوا توفت غافلتها المنية وفي غرغرتعا ماذكرت غير حرفين تشهدت باسمك شفاة البنية وتزاحمت في داخلي الف سكين والحزن يطويني ثمانين طية صدمة وجابتني على الارض نصفين وش لون راحت دون ذنب وخطية تكفون دلوني على القبر ذلحين معاد فيني للصبر مقدرية وقفت اطالع قبرها بين نصبين وجلست اضم اغلى النصايب عليه واصيح وشبك ياغلاي ماتردين اشتقت همس لشفاهك النرجسيه وش فيك جيت من السفر ماتهلين ماهي بلك عادة ولا انتي ردية وحاولت في لحظة اجرح الدين وازيح تربة قبرها في يدية وبالغصب شالوني حشا تقول مسكين واصرخ بهم والله والله حيه وقفت وتاهت بي جميع العناوين والحزن يلعب بداخلي سامرية ورجعت لدروب الشقا قبل عامين مدري من اللي صار فينا ضحية

,td yvyvjuh lh`;vj ydv pvtdk***jai]j fhsl; athm hgfkdm hgfkdm fhsl; pvtdkjai]j wthj ydv yvyvjuh

,td yvyvjuh lh`;vj ydv pvtdk***jai]j fhsl; athm hgfkdm pvtdkjai]j wthj