رد: .......... طلقها مجبرا.. وقابلها صدفة ... فكتب هذه الأبيات المبكية
صادفتـهـا صـدفـه بمستـوصـف القـمـة
بالـعـيـن راعيـتـهـا لـحـظـه وتـرعـانـي
شميت أنا عطرها ويا بخـت مـن شمـه
يـدوخ ويسـكـر ولــو مـاهـو بشربـانـي
قـمــت أتـذكــر زمـــان فـــات وألــمــه
لاعــــادهـالله نـصـيــبٍ يــــوم ودانــــي
هلـت دمــوع العـيـون ولا بـقـى هـمـه
ممـا جـرى لــي نسـيـت آلام الأسنـانـي
معـهـا أخـوهـا رفــع يــده عـلـى فـمــه
كــنــه يــقــول الله الـســتــار يـاقــانــي
نـفـس المـلامـح ويشـبـه دمـهــا دمـــه
سبـحـان ربٍ خلقـهـم دعــج الأعيـانـي
يــدري بحـبـي وتـــدري أمـــه وعـمــه
حــال الـقـدر بينـنـا والـحــب سلـطـانـي
يبـكـي ويمـسـح دمــوع عيـونـه بكـمـه
يبكـي علشانـهـا ويبـكـي عـلـى شـانـي
والله يـالـولا الـحـيـا والـديــن لأضـمــه
واسمِـعـه شهـقـةٍ مــن قـلـب شفقـانـي
والحـب بلـوى ومنـهـا الـنـاس مهتـمـه
وش حيلتـي والغضـي دمـي وشريـانـي
جسمي يروح ويجـي والقلـب مـن يمـه
الـقـلـب عـنــده يـبـيـه ولايــبــي ثــانــي
أقسـم بربـي وأنــا لــي مـذهـب وذمــه
لأعيـش أحبـه ولـو حـبـه عـلـي جـانـي
شربت كأس الهوى ورويت مـن سمـه
مامـت وارتحـت ولاهـو باللـي أحيانـي
أضحك مع النـاس والأحـزان منضمـه
كـنـي سعـيـد وأنــا مـبـلـي بـالأحـزانـي
عـنـدي وصـيـة وتـالـي الـهـرج يايـمـه
الموت حق علـى القاصـي مـع الدانـي
وإن صرت فوق النعش والناس ملتمه
مــرو عـلـى بيتـهـا وتـشـوف جثمـانـي
قولولـهـا الـمـوت زمّ صويحـبـك زمّــه
مامـات حبـه ولـو هــو بالنـعـش فـانـي
شلناه إلـى المقبـره وادعـي لـه القمـه
خـوذي ثوابـه وجـودي لـه بالإحسـانـي
يالله يـالـمـقـتـدر يـاكــاشــف الــغُــمّــه
تـفــرج لـمــن حـالـتـه دومٍ بنـقـصـانـي
كلمات تعبر عن حب وحنين الشاعر لطليقته
يسلموو خيوو القلب الحنون على النقل الرائع
|