بيانات اضافيه [ + ]

رقم العضوية : 9206  تاريخ التسجيل :  Nov 2010  أخر زيارة : 04-14-2012 (11:03 PM)  المشاركات : 16,089 [ + ]  التقييم :  10  الدولهـ  الجنس ~  MMS ~

لوني المفضل : Black

مثل ماتشتتني الغربه وترجع تحتويني

صرت اجمع بين طيات الزمن وحدي شتاتي



نوب اقوم ونوب اطيح ونوب اضيع بنظرتيني

تختلف عندي مفاهيم الزمان بملهماتي





ماقدرت اثبت على خطوه وشمسي تعتليني

حارقه شمس النهار وليلنا مابه بياتي



يانجوم الليل ياللي بالسما دايم تبيني

خبرينا وش لقيتي بالحروف المبهماتي







طالت الغيبه وجيتي بين حين وبين حيني

وانورت منك السما في طلتك في ذات ذاتي





واشرقت شمس الصباح اللي بها النور الثميني

يابعد كل النجوم اللي تنير المعتماتي





والله ان لك وحشه تكفي مابقا لي من سنيني

وان لك فرحه بقلبي لو معك زايد سكاتي





مير زبدة هرجنا اللي بالضماير في كنيني

ياهلابك عد مالاحت بروقٍ ناشياتي





ذا الكلام اللي بقوله وانتي ادرى في يقيني

تعرفين اصدا الحروف وتفهمين الخافياتي





والمهم انك لقيتي بين طيات الدفيني

شي مما ترتوي فيه الخفايا الضامياتي