تسأل نفسها وقعدت تتذكر إلي صار معاها الفترة إلي راحت والي قلبت حياتها فوق حدر,,,,,في البداية نوف في يوم دقت على جوال طلال وكان مقفل قالت اوكي يمكن نايم أدق عليه بعدين ورجعت بعد كم ساعة ودقت ونفس الشي مقفل تليفونه استغربت؟؟قالت إذا قعد وفتح جواله بيشوف المكالمات إلي دقيتها عليه ويرجع هو يدق ....مر أول يوم وليله وهو تليفونه مقفل ثاني يوم جربت تدق وكمان نفس الشي مقفل تدخل على النت وتدور عليه بالمنتديات إلي مسجل فيها و بالشاتات إلي متعودة تلقاه فيها إذا بغت في شي وكانت تسأل الكل عنه بس ما حد يعرف عنه شي ظلت تقريبا 4 أيام وهي بالحالة هذي و الأفكار توديها وتجيبها وينه؟وشنو صار فيه؟و ليش ما يرد علي؟أكيد بيسحب علي ,,,أي هذي حركات الشباب اعرفهم فجئه!!!تذكرت انه كان يدق عليها من رقم ثاني إذا انفصل رقمه الأول كان يدق منه ,,وكانت تبي تدق عليه وتذكرت شي!!انه أيام الحج كان طالع مكة وكان معاه صديقه وفي الزحمة طاح جوال صديقه في المويه وخرب وعطاه طلال جواله الرقم الثاني إلي كان يدق منه في حالات الضرورة ,,,,,,خافت نوف تدق عليه بينها وبين نفسها تقول:شنو راح يقول عني صديقه لو دقيت وسئلت عنه منو أنا عشان أدق واسأل عنه؟؟راح أتفشل وراح أفشله معاي قدام صديقه....بعدين قالت لا ما في إلا هو وخلي يقول إلي يقوله المهم اعرف شي عن طلال ....ثاني يوم لما راحت الجامعة تجرأت نوف ودقت عليه وما رد أرسلت له مسج تقول فيه:قبل ما تبدءا تذكرت انه قال لها إن صديقي هذا مطوع أول شي كتبته بالرسالة السلام عليكم اخوي (وهي قبل متعودة تكتب صباح الخير أو مساء الخير أو مرحبا أو هاي)كتبت ها لمرة السلام عليكم اخوي لو سمحت بغيت اسئلك عن طلال ما شفته ما تدري عنه و ما تدري ليش مقفل جواله له فتره؟؟؟ يا ريت ترد علي وشكرا,,,,أرسلت المسج وشوي يجيلها اتصال من صديقه ردت
نوف:الو نعم؟؟
صديق طلال:الو؟؟السلام عليكم
نوف:وعليكم السلام
صديق طلال:أختي أنتي إلي مرسله مسج تسألين فيه عن طلال
نوف:وهي مخترعه منه!!!إي نعم
رد هو: طلال ما غيره
نوف:أي نعم وكملت وقالت اسم عيلته تدري عنه شي اخوي لي فتره أدور عليه وأدق على جواله مقفل وما يرد
صديقه:لا والله أختي إنا مو موجود الحين في الدمام إنا الحين في إجازة وطالع برا الدمام
نوف: طيب اخوي مشكور ويعطيك العافية أزعجتك معاي
صديقه:أي خدمه أي شي ترى إنا جاهز
نوف:يعطيك العافية بس إذا وصلك خبر عنه ياليت ترد لي خبر
صديق: بسائل وبرد لك خبر انشالله الساعة 10 الضحى
نوف:أي ياليت ترسله مسج
صديقه:ابشري
نوف:مع ألسلامه
صديقه: مع ألسلامه
وقفلت نوف الخط من صديقه وهي تحس براحه شوي أنها قدرت توصله وعرفت شلون تجيه .
نوف دخلت المحاظره خلصت المحاظره وطلعت البريك وهي تفطر مع البنات صديقاتها وصلها مسج من صديقه يقول فيه السلام عليكم أختي أنا سئلت عن طلال و ما حد يعرف عنه شي بس انشالله خير ....
رجعت البيت وهي بالها مشغول عليه و الأفكار تجيبها و توديها وكل ما دق جوالها فز قلبها على بالها هو إلي يدق بس للأسف ما يطلع هو وتزيد خيبت أملها وظلت يومين أو أكثر وهي مزعجه صديقه مسجات تبي تتطمن على طلال وهو ما قصر يسأل عنه ويرد لها خبر و إذا طول مارد تزيد شكوكها أرسلت له مره مسج تقول فيه:أمانه طلال فيه شي أو لا والي يخليك رد علي وطمني وربي انشغل بالي قولي إذا فيه شي و ريحني بس لا تخليني كذا
يرد و عليها مسج:اطمنك طلال سئلت عنه وهو حيي يرزق و ما فيه إلا العافية بس يمكن مشغول وإلا شي
اليوم إلي بعده طول ما هي بالجامعة وهي تدق والجوال مقفل ولما رجعت البيت على العصر تقريبا دقت ولقت الجوال مفتوح انبسطت حيييييييل قالت أخيرا فتح جواله ولما رد عليها قالت:الو
ما حد رد عليها
نوف:الو؟؟؟
إلي على الخط ساكت
نوف: الوووووو؟؟؟
فجئه ردت عليها وحده قالت الو
نوف:انفجعت منو هذي إلي ترد على جوال طلال سكتت و ما ردت
شوي إلي يقفل الخط
وترجع تدق وترد عليها نفس إلي ردت أول مره
نوف ظلت تحاول تدق وتقول يمكن هو يرد ظلت ليله كاملة تدق ونفسها المرة هي إلي ترد
ثاني يوم الصبح أول ما راحت الجامعة أرسلت مسج لصديقه تقول فيه:أنا البارح دقيت على جوال طلال وكان مفتوح بس مو هو إلي رد علي وحده مره ردت علي أنت وصلت خبر عنه ما تدري وش إلي يصير؟؟
على طول صديقه دق:قال البارح وحده إلي ردت عليك؟؟؟
نوف:أي وحده ردت علي
صديقه:بس إلي اعرفه انه مو متزوج منو هذي؟؟
نوف:ما دري والي يخليك شوف لي وش السالفة
صديقه:ابشري أختي بيجيك العلم اليوم
نوف: مشكور يعطيك العافية مع السلامة
صديقه :هلا حياك مع السلامة
أبيك تشيل من قلبي معالم لوعة الحرمان
أبيك توقف بصفي إذا وقتي تحداني
أبيك الصاحب الوافي يحطني دايم بيمان
أبيك العاشق المخلص يشافي دوم عطشاني
أبي عطشك أبي قربك أبي حب كما البنيان
أبي قلبا كبير لأملاه الشوق ناداني
أبي اطلب طلب واحد رجيتك وهو المهم ألان
وأنا ادري مستحيل ترفض لأنك جد تهواني
أبيك تعيش في قلبي إذا تسمح مدى الأزمان
أبيك تشوف ما تملك في قلبي وما تعداني
قفلت نوف الخط على أمل يجيها خبر من صديقه بس للأسف طول وماجاها خبر قالت أنا بجرب ها لمرة و أدق وفعلا دقت أول مره ردت عليها نفس المرة نفس الصوت نفس الأسلوب قفلت نوف على طول ورجعت دقت مرتين بعدها ونفس الشي صار قفلت وبعدها بعشر دقايق دقت لقته مقفل دقت ولقته هو يرد عليها
نوف:الو؟؟
طلال:هلا هلا والله
نوف طلال أنت وينك؟؟؟و ليش ما ترد علي (نوف تتكلم بعصبيه وتصارخ بالتليفون)
طلال:نوف و شفيك؟؟
نوف:أقولك أنت وينك؟؟وين اختفيت؟
طلال:الصراحة كنت بالحجز
نوف:الحجز؟؟مستغربه وفي نفسها تقول يا كذاب الحجز؟؟
طلال:أي والله كنت بالحجز
نوف: و ليش بالحجز؟
طلال:تذكرين أخر مره كلمتيني لما كنا متفقين ندخل نت..يوم تدقين علي وتقولين انك ما راح تدخلين لأنك تبين تنامين وقلت لك إني ما يمديني حتى أنا ادخل نت اليله لأني طالع من الدمام و جاي الرياض و ما راح أوصل إلا الساعة 1 و ما يمدي ارتاح
نوف:أي
طلال:أي يومها أول ما وصلت الرياض دعمت لي واحد والواحد هذا بالمستشفى حطوني بالحجز لحد ما تستقر حالت الرجال جبت واسطات بس ما فادت لأنهم وقالوا لي انك رجال بالمرور وتعرف هالسوالف ما تطلع لحد ما يطلع الرجال
نوف:ساااااااكته و ما تكلمت دموعها إلي تكلمت عنها بس تقول أي وبعدين أي
طلال:ينادي عليها نوف ,,,نوف؟؟؟نوف؟؟؟
نوف: ساكتة وبعدين ردت عليه وقالت منو إلي ردت على جوالك؟؟منو هذي؟؟؟
طلال:نوف شفيك؟؟جوالي بعد الحادث خرب و توني والله طالع من محل جوالات اشتريت جهاز جديد لان جهازي الأول خرب و توني مقفل من أمي وكنت بكلمك و أنتي أول اتصال يجيني بعد ما طلعت
نوف:مو صحيح أنا من أمس و أنا أدق على جوالك وفي وحده هي إلي ترد علي
منو هذي؟؟؟
طلال:وربي ما دري نوف أنتي صاحية منو إلي راح يرد على جوالي و أنا بالحجز ومقفل ولعلمك ما في احد من أهلي يدرون بالي صار لي غير ولد اخوي
نوف:تصيح ودموعها تغرق عيونها مو صحيح
طلال:نوف ,,,نوف ؟؟
نوف: ساكتة
طلال:تذكرين لما دقيت على جوالك مره وردت علي وحده وقالت لي :خل إلي محوله جوالها على رقمي تشيل التحويل؟؟تذكرين؟؟
نوف: أي
طلال:وقلتي لي انك مو محوله جوالك لحد وقلنا يمكن غلط بالاتصال او شبك خطوط
نوف :أي
طلال: طيب يمكن صار معاك ها لمرة نفس الشي
نوف: أي يمكن
طلال:نوف,,,دبدوبه,,,
نوف:نعم.
طلال: احـــبــــــك
نوف:لاتعليق
طلال:قولي لي كلمتك هذيك إلي تقولينها إذا قلت لك احبك؟؟
No commentنوف:
طلال: أي هذي قوليها
نوف: لاتعليق
انهوا الاتصال على أمل انه بكرا الصبح يدق عليها ....راحت نوف الجامعة ودق عليها وكلمها ورجعوا مثل أول بس نوف كانت تحس في شي مو طبيعي يصير والي صار بعد مو طبيعي ظل في بالها دااااااايم هو ما حس بشي لان نوف كانت تتكلم عادي معاه ,,,,,,ظلوا فتره مدتها تقريبا أسبوعين وخلال ها لأسبوعين كانوا يدخلون نت مع بعض ويكلمون بعض دايم أكثر من مرتين باليوم ,,,,
,مره قالت: ليش ما رحت لامك وقلت لها إلي صار معاك؟؟ و تطمنها عليك
طلال: ليش ماله داعي
نوف: أحسن تعرف منك و لا تعرف من غيرك تزعل وتتضايق عليك رح لها واجلس معها و طمنها وخلها تشوفك قدامها يرتاح قلبها
طلال:ماله داعي اكلمها بالتليفون وخلاص ليه أروح لها عشان تقعد تسوي لي سالفة وتصيح ومن ها لخرابيط اعرف سوالفكم انتو يا لحريم
نوف:كيفك هذا أنت وهذيك أمك
كملوا اتصالهم وانتهى الاتصال على كلمة نوف؟؟احبك
ـــــــــــــــــــــــــــــــــ
|