طرفه نقش(خوله)على وجه الاطلال



بَمْعَلَّقَـةْ شِعْـرٍ تَوَفّـى بَطَلْـهَـا


وانا،(نِقَشْت) اللي غلاها،برا الحال



على الضلوع اللـي غرامـه نزلهـا


وياليـل قِلْ(لَحْبَيِّبي)طيّـب الفـال



ان القصايد، فيـه قمـت ارتجلهـا


واصبحت اغنيها على كـل مـوّال



وانــزل مرابعها.واعنّز:جِبَلْـهَـا


ياليل ياللي بين الاحبـاب مرسـال



مدري متى الضيقه معـاك اعتزلهـا


ياليل وهمومـي كبيـرات وثْقَـال



وان كان تقوى شَيْلَهَا هاك شِلْهَـا


ياليل تصفقني من الجـال للجـال



هواجس ٍتَعْمَـلْ بِرَوحـي عَمَلْهـا


ياليل لاَ تِثْقِل على ضايـق البـال



وان كان عندك سالفة حِزِنْ قِلْهـا


ياليـل والله مابقـى شـيّ ينقـال



ومراكب الخلاّن راحـت بَاهَلْهـا


اللي بقـى ياليل حسره،وغربـال



وصوتٍ على بُعْد الْمَدَا مَا وُصَلْهَـا


وطعون ياس ٍجَرَّحَتْ صدر الامـال



وكذبة فَرَح(ثَغْرْ الزمـان) انتحلهـا


ياليل غاب اهلال ويبيّـن اهـلال



وما بان من روحـي بحبّـه شَغَلهـا


ياليل وين اللي زَهَتْ حَبََـة الخـال



في خَدََهَا وَاتْعَبْ رضاهـا زعلهـا


هذيك(لاَ ذَابَتْ حَيا) وَارْخَتْ الشال



(الغيم يَمْطَرْهَا) خَجَلْ مِنْ خَجَلْهـا


نَجْل العيون اللي بها(شمس وظلال


من غَيَّهَا مَا جَاوِبَـتْ مِـن سئلهـا


وحُمْرالشفايف والشَّهَدْ فوقها سال



كِنْ الثَّغَرْ مَنْحَلْ يصَـدَّرْ عَسَلْهَـا




ياليل خَبِرْهَا:عَنْ الغـاوي الضّـال



اللي طعـون افراقهـا مَاحْتِمَلْهَـا


وياليل كيف انسى وَلَوْ هَجْرَهَا طال



(والـروح تِدْمِنْهَا)(وقلبـي ثملهـا)


وياليل جرح افراقها حـيّ مـازال



في روحي اللي من زِمَـنْ تعتقلهـا


وياليل هذي عِقْدِتًـهْ دون حـلاّل



بين العروق اللـي بجسمـي فِتَلْهَـا


الحظ فيني مال والوقت بـي مـال



ميلة بَخَتْ عيا الزمـان ايْعَدِلْهَـا


ياليل عطها زبـدة الهـرج بالحـال



قلـبٍ هواهـا مايِـدَوِّر بِدَلّـهَـا