غلطان يوم احسب ان غصن الغلا يذبل



وانا اللي اسقيه من دمعي ليا سالي


وشلون يذبل , وهو من مهجتي ينهل



لين انه امتد من جالي ليا جالي


واقول انا بخير \ لو حالي بدا ينحل





وان الليالي كفيله تجمع اوصالي


والونه اللي لقت في خافقي مدهل



وش عاد لو وجهت بي للخلا الخالي


لأني ان جيت ابسأل من عليها أسأل ؟



وان قلت ابرسل لها , ياوين مرسالي


لعل صوت الغلا لاحساسها يوصل



ولعلها تدري اني باقي لحالي


والحب باقي , ولايصغر , ولايرحل



إما بلى القلب لاراحل ولابالي


الغاليه كانت أجمل , والطف , وانبل





وانا الغريب , العنيد , التايه الغالي