تدري وش اللي كل ماحاول انساك
يعيدني يمك وانا كنت سالي؟!!!

حرفٍ اكتّْبتْه لي قبل عام يمناك
لامن رجعت اقراه ياقع عقالي

ايام كان الجو صافي بلقياك
واليوم عكر صفو جوي سؤالي

اللي يدور بخافقي عند ذكراك
وين انت ياللي كنت نور الليالي

واليوم غبت وغاب امل فيه رجواك
عشته سنينٍ ماضيات وليالي

وتحطمت حلو الاماني بلقياك
وقنعت في ذاتي بلمح المحالي

ان الامل مهما اعيشه برجواك
مثل السراب بعين ضميان بالي