ياعبيد قول لينبع البحر قله
....................يدفن همومٍ بالضماير مراديف


وقله الى ناظرت له في محله
...................يابحر ساعفني ببعض المجاديف


يابحر همي يابحر لو تشله
..................ماضن يقعد بك من الما مناطيف


يابحر انا يابحر شوفك يدله
.................صدرٍ همومه بالضماير مواقيف


يابحر عطنا من سعتك المطله
...................مما خفا بك من سعه تجلب الكيف


خل الهموم اللي خفت مسفهله
..................واجلى كدر ضيق الصدود المواليف


وقل يابحر كلٍ ولد له بمله
.................وملاتنا يابحر ماهي مهاديف


لكن حدتنا ايمنا بكم عله
.................وثقلت علينا بالشتاء وايضاً الصيف


لجل كذا يابحر صارت ممله
..................وقمنا نسارع يابحر بالمجادييف


نجلس على شاطيك في خير فله
......................ونتبادل النظرات عن قول ياحيف


يابحر ياكبر الهموم المطله
....................لكن بجلساتك تخف التكاليف